باش بەت

زۆھەل

287يوللانما
23مەستانە

سامسۇڭ Exynos 9810 مەركىزى بىر تەرەپ قىلغۇچى كۇۋالكوم 845 تىنمۇ قالتىس

مەنبە:تور دۇنياسى يوللانغان ۋاقىت:2018-02-13 16:45 4 ئىنكاس چۈشتى

تېخنىكا تورى 13-فېۋرال خەۋىرى، نۇر تورى تەرجىمىسى:

دېھقانلار كالېندارى بويىچە يېڭى يىل ئۆتۈپ كەتكەندىن كېيىن، سامسۇڭ 2-ئاينىڭ 25-كۈنىدىكى MWC (دۇنيا كۆچمە ئالاقە يىغىنى)دا دۇنيا بويىچە تۇنجى كۇۋالكوم 845 مەركىزىي بىر تەرەپ قىلغۇچى ئىشلىتىلگەن بايراقدار يانفونلىرى Galaxy S9 ۋە S9 Plusنى ئېلان قىلىدۇ. ئىلگىرىكىگە ئوخشاش، بۇ يانفونلارغا كۇۋالكوم 845 مەركىزىي بىر تەرەپ قىلغۇچى ئىشلىتىلگەندىن باشقا، سامسۇڭ ئۆزى تەتقىق قىلىپ ياساپ چىققان مەركىزىي بىر تەرەپ قىلغۇچ Exynos 9810 ئىشلىتىلگەن نۇسخىسىمۇ بار بولۇپ، ئوخشاشلا دۇنيا بويىچە تۇنجى بولۇپ ئىشلەتكەن يانفون بولۇپ ھېسابلىنىدۇ.

كۇۋالكوم 845 مەركىزىي بىر تەرەپ قىلغۇچىنىڭ ئىقتىدارىنى چەكلەش يېقىندىلا بىكار قىلىنغان بولۇپ، كۇۋالكوم 845 مەركىزىي بىر تەرەپ قىلغۇچى ئىشلىتىلگەن يانفون (5.7 ديۇملۇق  2K ئېنىقلىقتىكى ئېكران، 8GB ئىچكى ساقلىغۇچ، ئاندرويىد 8.0)نىڭ يانفون باھالاش سۇپىسى ئەنتۇتۇدا ئېرىشكەن نومۇرى 266 مىڭدىن ئېشىپ كەتكەن بولۇپ، Geekbench تاق يادروسى 2454 نومۇرغا، كۆپ يادروسى 8386 نومۇرغا ئېرىشكەن. كۇۋالكوم 835 مەركىزىي بىر تەرەپ قىلغۇچى بىلەن سېلىشتۇرغاندا، تاق يادرو %20 يۇقىرى كۆتۈرۈلگەن، كۆپ يادرو %28.6 يۇقىرى كۆتۈرۈلگەن.

بۈگۈن، بىڭ يۈجوۋ ئىسىملىك بىلوگ ئىگىسى Exynos 9810 مەركىزى بىر تەرەپ قىلغۇچىنىڭ Geekbenchتا ئېرىشكەن نومۇرىنى يوللىغان بولۇپ، كۆرسىتىلىشىچە، بۇ مەركىزى بىر تەرەپ قىلغۇچنىڭ تاق يادروسى 3468 نومۇرغا ئېرىشكەن، كۆپ يادروسى بولسا 8894 نومۇرغا ئېرىشىپ، 9000 نومۇرلۇق چوڭ ئۆتكەلگە يېقىنلاشقان.

كەسمە سۈرەتتە كۆرسىتىلگەن SM-G960F بولسا چەتئەل نۇسخىسىدىكى سامسۇڭ S9، دىققەت قىلىشقا ئەرزىيدىغىنى، ئۇنىڭ ئىچكى ساقلىغۇچى پەقەت 4GB بولۇپ، ئاندىرويىد 8.0 سىستېمىسى قاچىلانغان.

ئەگەر بۇ نەتىجە راست بولسا، ئۇنداقتا بۇ Exynos 9810نىڭ ئەمەلىي كۈچىنىڭ كۇۋالكوم 845 بىلەن سېلىشتۇرغاندا تېخىمۇ يۇقىرى ئىكەنلىكىنى ئىسپاتلايدۇ، بولۇپمۇ تاق يادرونىڭ ئېرىشكەن نومۇرى ئىنتايىن ياخشى.

يادرو ئۆلچىمى جەھەتتە، Exynos 8910 مەركىزى بىر تەرەپ قىلغۇچىغا سامسۇڭ ئۆزىنىڭ ئىككىنچى ئەۋلاد 10nm LPPلىق ھۈنەر-سەنئىتىنى ئىشلەتكەن بولۇپ، سامسۇڭ ئۆزى تەتقىق قىلىپ ياساپ چىققان تۆت دانە يۇقىرى ئىقتىدارلىق CPU يادروسىنىڭ ئەڭ يۇقىرى چاستوتاسى 2.9GHz، تۆت دانە تۆۋەن سەرپىياتلىق A55 كىچىك يادروسىنىڭ ئەڭ يۇقىرى چاستوتاسى 1.9GHz، شۇنىڭ بىلەن بىر ۋاقىتتا 18 دانە Mali-G72 يادرو توپلاشتۇرۇلغان MP18 GPU يادروسى قوشۇلغان.

سامسۇڭ تەرەپنىڭ ئاشكارىلىشىچە، Exynos 9810 مەركىزىي بىر تەرەپ قىلغۇچىنىڭ تاق يادرو بىر تەرەپ قىلغۇچىسىنىڭ سۈرئىتىنى ئىككى ھەسسە يۇقىرى كۆتۈرگىلى بولىدىكەن، شۇنىڭ بىلەن بىر ۋاقىتتا ئومۇمىي ئىپادىسىنى %40 يۇقىرى كۆتۈرگىلى بولىدىكەن.

باش سۈرەت تاللاش x
  • قارچىغا2 ھەپتە ئىلگىرى

    تېخى يېقندا ئىلان قىلىنغان cpu ئۇ ، ئۇ پەقەت s9 يۈرۈشلۈكىنىڭ چەتئەل نۇسخىللىرىغىلا ئىشلىتىلىدۇ ، سەۋەبى سامسۇڭنىڭ ئۈزەكلىرى قوش تۆت جى چىقىدۇ ، شۇنىڭ ئۈچۈن دۆلتىمىز نۇسخىسىغا كۇۋالكۈمنىڭ پۈتۈن تور قوللايدىغان ئۈزىكىنى ئىشلىتىدۇ، بۇ ئۈزەك سەپلەنگەن يانفۇننى سېتۋالىمەن دىسىڭىز دۆلتىمىز جۇڭگۇ ، ئامرىكا ، ياپۇنىيە دىگەن نۇسخىدىن ئويلاشماڭ ، مۇشۇ دۆلەتلەدىن باشقا دۆلەت نۇسخىللىرىنى سېتۋالسىڭىز ، دەل سامسۇڭ 9810 ئۈزەكلىك يانفۇنغا ئىگە بۇلىسىز

  • ئابلىتىپ09033 ئاي ئىلگىرى

    ئۇ دىگە 8890مېيزۇدىكى

  • raw3 ئاي ئىلگىرى

    با، مېيزۇ PRO 6 Plus .......

  • 开心每一天133 ئاي ئىلگىرى

    نۇرداشلار ياخشىمۇ سىلەر.سامسۇڭنىڭ مۇشۇ.مەركىزى بىر تەرەپ قىلغۇچى.سەپلەنگەن جوڭگۇ نۇسخىسىدىكى يانفونلىرى بارمىدۇ؟
    تەۋسىيە قىلساڭلار بولۇپتىكەن.

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号