باش بەت

خالمۇرات بەكرى

141يوللانما
0مەستانە

يېڭى بىر ئەۋلاد BMW X4 ئاپتوموبىلىنىڭ ئورگان سۈرىتى ئېلان قىلىندى

مەنبە:ئاپتوموبىل ئائىلىسى تورى يوللانغان ۋاقىت:2018-02-14 19:55 1 ئىنكاس چۈشتى

ۋاڭيى تورى 14-فېۋرال خەۋىرى،نۇرتورى تەرجىمىسى.

يېقىندا BMW شىركىتى ئەڭ يېڭى بىر ئەۋلاد BMW X4 ئاپتوموبىلىنىڭ ئورگان تەرەپ سۈرىتىنى ئېلان قىلدى، يېڭى BMW X4 ئاپتوموبىلى سىرىتقى شەكىل جەھەتتە ئالدىنقى ئەۋلادنىڭ سىرتقى شەكلىگە ۋارىسلىق قىلغان، لېكىن رازمېرى تېخىمۇ چوڭايتىلغان ھەمدە تېخنىكىلىق سەپلىمىرى تېخىمۇ يۇقىرى كۆتۈرۈلگەن. ئىگىلىنىشىچە، بۇ ئاپتوموبىل 2018-يىللىق جەنۋە ئاپتوموبىل كۆرگەزمىسىدە رەسمىي ئېلان قىلىنىدىكەن، شىمالىي ئامېرىكا بازىرىغا 2018-يىلى 7-ئايدا سېلىنىدىكەن.

BMW ئورگان تەرەپ ئېلان قىلغان ئۇچۇردا كۆرسىتىلىشىچە، يېڭى ئاپتوموبىلنىڭ ئۇزۇنلۇق، كەڭلىكى ئايرىم-ئايرىم ھالدا 76.2 مىللىمېتىر ۋە 35.6 مىللىمېتىر چوڭايتىلغان، ئوق ئارىلىقى 53.3 مىللىمېتىر ئۇزارتىلغان، ئېگىزلىكى بولسا 2.54 مىللىمېتىر پاكارلىتىلغان. گەرچە BMW X4 ئاپتوموبىلىنىڭ گەۋدىسى تېخىمۇ «قاۋۇل» بولسىمۇ، BMW ئىنژېنېرلىرىنىڭ لايىھەنى ئەلالاشتۇرۇشى نەتىجىسىدە ھاۋانىڭ قارشىلىقى %10 تۆۋەنلىگەن.

سىرىتقى شەكلىدىن قارىغاندا يېڭى BMW X4  ئاپتوموبىلىنىڭ قوش سالاسۇنى ھازىرقى نۇسخىسىدىن تېخىمۇ چوڭ ھەم كەڭ، ھەممە تىپىغا LED چوڭ چىراغ گۇرۇپپىسى سەپلەنگەن، ئالدى بىخەتەلىك لىمىنىڭ لايىھەسى تېخىمۇ كۆركەم، كۆپ خىل ماتېرىيال قوللىنىلغان بولۇپ، ئومۇمىي شەكلى تېخىمۇ ياش، ھەرىكەتچان تۇيغۇ بېرىدۇ. ئارقا تەرىپى تېخىمۇ سىپتا لايىھەلەنگەن بولۇپ، سپورت ئاپتوموبىلىنىڭ لايىھەلەش ئۇسلۇبىغا يېقىنلاشتۇرۇلغان. تار ئۇزۇن يېڭى قۇيرۇق چىرىغىنى ئاسانلا پەرىقلەندۈرۈشكە بولىدۇ.

ئىچكى بېزەك جەھەتتە يېڭى ئاپتوموبىلنىڭ تاللاشقا بولىدىغان تېخنىكىلىق سەپلىمىلىرى ئىنتايىن مول، 12 ديۇملۇق پروبېر دېسكىسى، 10.25 ديۇملىق كۆپ مېدىيالىق ئېكران، پۈتۈن مەنزىرىلىك تۈڭلۈك، ئۈچ رايونلۇق ئاپتوماتىك ھاۋا تەڭشىگۈچ، ئاۋاز ئارقىلىق كونتىرول قىلىش سىستېمىسى قاتارلىقلار تولۇق، يەنە سوقۇلۇشتىن ئاگاھلاندۇرۇش سىگنالى، قوشۇمچە تورمۇز، پىيادىلەرنى بايقاش، يولدىن چەتنەش ئاگاھلاندۇرۇشى قاتارلىق ياردەمچى ھەيدەش سەپلىمىلىرىمۇ بار.

ھەركەتلەندۈرۈش سىستېمىسى جەھەتتە تۆۋەن سەپلىمىلىك تىپى xDrive30i نۇسخسىغا سەپلەنگىنى 2.0T تۇربىنىلىق بېسىم ئاشۇرغۇچلۇق تۆت سىلىندىرلىق ماتور بولۇپ، ئەڭ چوڭ قۇۋۋىتى 252 ئات كۈچى، تولغىنىش مومېنتى 350 نيۇتون مېتىر. ھەرىكەت ئۇزىتىش سىستېمىسىدا بولسا سەككىز خوتلۇق قول-ئاپتوماتىك تېزلىك ئۆزگەرتكۈچ ماسلاشتۇرۇلغان، 0-96km/hغا تېزلىنىشى تەخمىنەن 6 سېكۇنت، سېتىلىش باھاسى بولسا 50450 دوللار (تەخمىنەن 319.4 مىڭ يۈەن). يۇقىرى سەپلىمىلىك نۇسخىسىغا بولسا 3.0Tلىق تۇربىنىلىق بېسىم ئاشۇرغۇچلۇق ئالتە سىلىندىرلىق ماتور سەپلەنگەن، ئەڭ يۇقىرى قۇۋىتى 360 ئات كۈچى، ئەڭ چوڭ تولغىنىش مومېنتى 495 نيۇتون مېتىر، ئوخشاشلا سەككىز خوتلۇق قول-ئاپتوماتىك خوتلۇق تېزلىك ئۆزگەرتكۈچ ماسلاشتۇرۇلغان، 0-96km/hغا تېزلىنىشىگە تەخمىنەن 4.6 سېكۇنت كېتىدۇ، سېتىلىش باھاسى بولسا 60450 دوللار (تەخمىنەن 382 مىڭ 700 يۈەن).

باش سۈرەت تاللاش x
  • يىتەر4 كۈن ئىلگىرى

    X6 غا دەششەت ئوخشايدىكەنغۇ

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号