باش بەت

بەشىنچى شاھزادە

413يوللانما
10مەستانە

ئاۋستىرالىيە دېڭىز ساھىلىدا ئىنتايىن زەھەرلىك سىرلىق جانلىق بايقالدى

مەنبە:تېڭشۈن تورى يوللانغان ۋاقىت:2018-02-14 21:47 1 ئىنكاس چۈشتى

تېڭشۈن تورى خەۋىرى، نۇر تورى تەرجىمىسى

يېقىندا ئاۋىستىرالىيەنىڭ پىرس شەھىرىگە يېقىن جايدىكى دېڭىز ساھىلىدا بىر خىل غەلىتە قارا جانلىق بايقىلىپ، شۇ جايدىكى نۇرغۇن ئاھالىلەرنى ئۆزىگە جەلپ قىلدى، ئەمما مۇتەخەسسىسلەر دەرھال ئاگاھلاندۇرۇش چىقىرىپ، بۇنى بىر خىل زەھەرلىك دېڭىز توشقىنى (دېڭىز قۇلۇلىسىنىڭ بىر خىلى) ئىكەنلىكىنى ئېيتىپ، كىشىلەردىن ئامال بار بۇ خىل جانلىقتىن يىراق تۇرۇشنى، ئۇنى تۇتۇپ بىقىش ياكى سىلاپ بېقىشقا ئۇرۇنماسلىقنى، بولۇپمۇ ئىتلارنىڭ بۇ جانلىق بىلەن ئۇچرىشىشىنىڭ ئالدىنى ئىلىشنى تەلەپ قىلدى.

پېرستا تۇرىدىغان ئاھالە جوي روبېرتسون ئىتىنى ئەگەشتۈرۈپ ۋايتېفورد دېڭىز ساھىلىدا سەيلە قىلىۋاتقاندا، تۇيۇقسىزلا ئۇزۇنلۇقى تەخمىنەن 30 سانتىمېتىر كېلىدىغان بۇ غەلىتە جانلىقنى بايقىغان، ئەرمەك ئىتى قىزىقىپ ئۇنىڭ ئالدىغا بارغان، ئويلىمىغان يەردىن بۇ جانلىق تۇيۇقسىز سۆسۈن رەڭلىك سۇيۇقلۇق پۈركىگەن، جوي روبېرتسون دەرھال ئىتىنى چاقىرىپ بۇ يەردىن كەتكەن.

مۇردوك ئۇنىۋېرسىتېتى لىسا پىروفىسسورنىڭ ئېيتىشىچە، بۇ خىل جانلىق قارا دېڭىز توشقىنى بولۇپ، ئۇنىڭ زەھەرلىك بېزى سىرىتقى قاپ پەردىسىنىڭ ئالدى قىسمىغا جايلاشقان بولۇپ، ئازىراق كىسلاتالىق خۇسۇسىيەتكە ئىگە بىر خىل سۈتسىمان سۇيۇقلۇق ئاجرىتىپ چىقالايدىكەن، ئەگەر بۇ خىل سۇيۇقلۇق بىلەن ئۇچراشسا، شۇ ھامان زەھەرلىنىپ يارىلىنىدىكەن، ئېغىر بولغاندا ئۆلۈپ كېتىشى مۇمكىن ئىكەن. 1-ئايدىن 4-ئايغىچە بولغان ئارىلىقتا بۇ خىل قارا دېڭىز توشقىنى يەرلىكتىكى دېڭىز ساھىلىدا پەيدا بولۇشى مۇمكىن ئىكەن.

لىسا پىروفېسسور ئاگاھلاندۇرۇش مۇنداق دېدى: ئۇنىڭ زەھىرى نەچچە سائەت ئىچىدە كۈچىنى كۆرسىتىشى مۇمكىن، بەلكىم 12 سائەتتىن 18 سائەتكىچە داۋاملىشىشى مۇمكىن. ئەگەر ئۇنىڭ زەھىرى بەدەنگە تېگىپ كەتسە ياندۇرۇش، شۆلگەي ئېقىش، مېڭىشتا قىينىلىش قاتارلىق كېسەللىك ئالامەتلىرى كۆرۈلىدىكەن. يەرلىك ئاھالىلەر بولۇپمۇ ئەرمەك ئىتلار قارا دېڭىز توشقىنى بىلەن ئۇچرىشىشتىن ساقلىنىشى، ئۆزلىرىمۇ ئۇنىڭ بىلەن ئۇچراشماسلىقى كېرەك ئىكەن.

باش سۈرەت تاللاش x
  • پەنەر1 ھەپتە ئىلگىرى

    ئاپلا،بالدۇرراق نۇر تورىدا ئىلان قىلىنغان يىڭى جانلىقلارنى خاتىرلەپ يىزىپ ماڭغان بولسام خىلى كۆپ ماتىريال توپلىيالايدىكەنمەن .بۇ بەك ياخشى خەۋەر ئىكەن

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号