باش بەت

دەۋران

857يوللانما
81مەستانە

«ھوقۇق ئويۇنى» فىلىمىدىكى ئەڭ كېلىشكەن 10 ئوبراز

مەنبە:سىنا تورى يوللانغان ۋاقىت:2018-04-14 21:34 10 ئىنكاس چۈشتى

نۇر تورى تەرجىمىسى:

يېقىندا تورداشلار «ھوقۇق ئويۇنى» فىلىمىدىكى ئەڭ كېلىشكەن 10 ئوبرازنى باھالاپ چىقتى، تۆۋەندە بىز بۇ رەت-تەرتىپنى بىرلىكتە كۆرۈپ باقايلى:

ئونىنچىسى: كىچىك ئالۋاستى 

شۇنداق، خاتا كۆرۈپ قالمىدىڭىز، كىچىك ئالۋاستىمۇ بۇ رەت تەرتىپتىن ئورۇن ئالدى. پەقەتلا چىرايىغا قارايدىغان بولساق كىچىك ئالۋاستىنىڭمۇ بەش ئەزاسى خېلى كىشىلەردىن قېلىشمايدۇ، لېكىن پەقەت شۇ پاپىلىقى بار.

ئۇنىڭدىن باشقا كىچىك ئالۋاستى يارماستەك قىلغان بىلەن يەنىلا ئۆزىگە خاس سېھرىي كۈچى بار.

توققۇزىنچىسى: Jaqen H'ghar

تورداشلار تەرىپىدىن ئەڭ كېلىشكەن يۇقىرى دەرىجىلىك قاتىل دەپ تەرىپلەنگەن، ئۇنىڭ مەيدانغا چىقىشى بىلەنلا كۆرۈرمەنلەر ئۇنىڭ سۇدەك راۋان ئادەم ئۆلتۈرۈش ماھارىتىگە قايىل بولغان.

ئۇنىڭ ئاددىي ھەم ئورۇنلۇق سۆز قىلىشلىرى ئۇنىڭ سالاپىتىنى يەنە بىر بالداق يۇقىرى كۆتۈرگەن.

سەككىزىنچىسى: كىچىك بارماق

كىيگەن كىيىملىرى دائىم ئۇنىڭ بەدەن شەكلىنى ياخشى نامايان قىلىپ بېرىدۇ، ئۇنىڭغا پىشقان چىرايى ۋە ئەقلىي ئىقتىدارى قوشۇلسا ئەلۋەتتە نۇرغۇن قىز كۆرۈرمەنلەرنىڭ ياقتۇرۇشىغا ئېرىشىدۇ-دە.

يەتتىنچىسى: Robb Stark

ئۇ دەسلەپتە مەيدانغا چىققان چاغدا كىشىلەرگە ئادەتتىكىدەك تەسىر بېرىدۇ، لېكىن دادىسىنىڭ تونىنى كىيگەن ۋاقتىدا پادىشاھلىق سالاپىتى شۇ ھامان پەيدا بولىدۇ.

دادىسى ئۆلۈپ كەتكەندىن كېيىن Robb Starkنىڭ كۆزلىرىدىن دائىم بىر خىل غەمكىنلىك تۆكۈلۈپ تۇرىدۇ، بۇ غەمكىنلىكمۇ ئۇنىڭغا نۇرغۇن سېھرىي كۈچ قوشقان.

ئالتىنچىسى: «ئوۋ ئىتى» Sandor Clegane

گەرچە ئاكىسى تەرىپىدىن يۈزى بۇزۇۋېتىلگەن بولسىمۇ، لېكىن يەنىلا كېلىشكەن.

Sandor Clegane قارىماققا ناھايىتى سوغۇق ۋە مېھىرسىز تۇيغۇ بەرگىنى بىلەن ئەمەلىيەتتە ناھايىتى ئاقكۆڭۈل ئەر.

ئۇ ئۈن-تىنسىز ھالدا Sansa Stark بىلەن Arya Starkنى نەچچە بۆلۈم قوغدايدۇ. باشقىلار خاتا چۈشىنىپ قالغاندا بولسا ئۆزىنى ئاقلىمايدۇ. شۇنىڭ ئۈچۈن بۇ ئوبرازنى نۇرغۇن كۆرۈرمەنلەر ناھايىتى ياقتۇرىدۇ. 

بەشىنچىسى: «قىزىل زەھەرلىك يىلان» Oberyn Martell

«قىزىل زەھەرلىك يىلان» ھەم كېلىشكەن ھەم ئازراق ئىپلاس، شۇنداقتىمۇ مەيدانغا چىقىشى بىلەنلا نۇرغۇن كۆرۈرمەنلەرنىڭ قەلبىنى ئۇتۇۋالغان. 

ئەپسۇسكى، ئۇنىڭ ئۆلۈمى كىشىنىڭ  ھەقىقەتەن ئېچىندۇرىدۇ.

تۆتىنچىسى: Jon Snow

Jon Snowنىڭ كىشىلەرنى مەھلىيا قىلىدىغان بىر جۈپ كۆزى بار، ئۇنىڭ نۇرغۇن ئىشلارنى چۈشەنمەسلىكى ئۇنى تېخىمۇ ئوماق ۋە كۈلكىلىك قىلىپ قويغان. لېكىن قايتا تىرىلگەندىن كېيىن ئۇنىڭ ئەرلىك سېھرىي كۈچى تېخىمۇ يۇقىرى كۆتۈرۈلگەن. ئۇنىڭدىن باشقا ھازىر باش پېرسوناژلىق ۋەزىپىسىمۇ ئۇنىڭغا ئۆتۈۋاتىدۇ، شۇنىڭ ئۈچۈن ھازىر Jon Snowنىڭ پۈتۈن دۇنيادا نۇرغۇنلىغان مەستانىلىرى بار.

ئۈچىنچىسى: «تاڭ سەھەر قىلىچى» ئارتور دەيئىن

پەقەت بەش مىنۇتلا مەيدانغا چىققان بۇ كىشى «تاڭ سەھەر قىلىچى» دېگەن شەرەپلىك نامغا ئېرىشكەن.

ئۇنىڭ تەڭداشسىز ماھارىتىگە كېلىشكەن چىرايى قېتىلغاچقا Jaime Lannisterنىڭ مەڭگۈلۈك مەبۇدىسىگە ئايلانغان.

ئىككىنچىسى: Jaime Lannister

باشتىلا ئېگىز، كېلىشكەن، باي سالاھىيىتىدە پەيدا بولغان. كېيىنكى بۆلۈملىرىدە ئەرلىك سېھرىي كۈچىنى يەنىمۇ نامايان قىلغان، گەرچە قولى ئۈزۈلۈپ كەتسىمۇ ئۇنىڭ سالاپىتىگە تەسىر يەتكۈزەلمىگەن.

ئۇنىڭ يالغۇز ھالدا ئات مىنىپ تۇرۇپ ئەجدىھا بىلەن ئېلىشىشى 7-بۆلۈمدىكى ئەڭ كىلاسسىك كۆرۈنۈش بولۇپ قالغان.

بىرىنچىسى: «ئىككىنچى ئوغۇللار ئەترىتى»نىڭ ئەترەت باشلىقى Daario Naharis

نېمە؟ Daario Naharis بىرىنچى؟

شۇنداق! لېكىن ئالدىراپ قايناپ كەتمەڭلار، Daario Naharis بولسا 2016-يىللىق «دۇنيادىكى ئەڭ كېلىشكەن 100 چىراي» تىزىملىكىنىڭ بىرىنچى رېتىدە ئورۇن ئالغان!

ئۇنىڭ ھازىرقى زامان كىيىملىرىنى كىيگەن ھالىتى ھەقىقەتەن كېلىشكەن، شۇنىڭ ئۈچۈن ئەجدىھا ئانىنىڭ ئۇنىڭغا مەپتۇن بولۇپ قېلىشىمۇ بىكار ئەمەس.

مەنبەسى: سىنا تورى

باش سۈرەت تاللاش x
  • westare1 ھەپتە ئىلگىرى

    影视大全 ,超级视频 لارنى چۇشۇرۇپ. 冰与火之歌 دەپ ئىز دىسەڭلار بولىدۇ. مەنمۇ بەك ئامراق ئىككى قېتىم كۆرۈپ بولدۇم. بەك ئېسىل

  • *Type R2 ئاي ئىلگىرى

    بۇ تېلىۋىزىيە تىياتىرى كۆرۈرمەنلەرنى ئۆزىگە ناھايىتى جەلىپ قىلغان،

  • 29833478432 ئاي ئىلگىرى

    مۇشۇ كىنونى شىنجاڭ تىلۋىزىيە ئىستانسى تەرجمە قىلىپ قويسا بوپتكەن رەھمەت

  • ماڭا ئىسىم قالماپتۇ2 ئاي ئىلگىرى

    يەنە مۇشۇنىڭغا ئائىت خەۋەرلەر مۇشۇ خەۋەرنىڭ ئاستىدا تۇرۇپتۇ ،باشقا ئىنكاسلارغا قاراپ باقساڭلارمۇ بولىدۇ

  • ماڭا ئىسىم قالماپتۇ2 ئاي ئىلگىرى

    ئىسمىنى دىيىشنى ئۇنتۇپتىمەن 权利的游戏

  • ماڭا ئىسىم قالماپتۇ2 ئاي ئىلگىرى

    ھەممە يەردە ئىنگىلىزچە ،ئاستىدا خەنزۇچە تەرجىمسى بار،مەن تېڭشۈن كۆرگۈچتە كۆرگەن،ھازىر ئەزا بولۇپ كۆرىدىغان ئىشكەن…

  • lost1232 ئاي ئىلگىرى

    بىرىنجى رەتكە تىزلىغان دارىيو نەخرىس ھەقىقەتەن كىلىشكەن ، لىكىن كۆپ كۆرۈنمەيدۇ ، ھەم رول ئېلىش ماھارىتى ئۇنچە يۇقىرى ئەمەس ، ماڭا ئەڭ يارايدىغىنى يەنىلا جون سىنوۋ ، ئۇنى بىرىنجى رەتكە تىزىش كېرەك ئىدى . گەرچە ئۇ ئاقكۆڭۈل ھەم رەھىمدىل بولسىمۇ ، لىكىن بەكلا قەيسەر ، ئۇ چىققان كۆرۈنۈشلەرنىڭ 90پىرسەنتى دىگۈدەك سوغوق قارلىق دالىدا سۈرەتكە ئېلىنغان ، بۇنداق رول ئېلىش ئاسان ئەمەس . ھەم ئۇنىڭ پەزلىتىىگە گەپ كەتمەيدۇ ، دەسلەپكى بۆلۈملىرىدە كىشىگە سەل ساددا تۇيۇلىدۇ ، لىكىن بىر ئۆلۈپ تىرىلگەندىن كىيىن بەھلا كۈچلىنىپ كىتىدۇ .

  • تورى.2 ئاي ئىلگىرى

    بۇ كىنونى نەدىن كۆرگىلى بولىدۇ ، خاپا بولماي دەپ بەرگەن بولساڭلار.

  • 0دىن باشلاش2 ئاي ئىلگىرى

    خاپا بولماي خەنزۇچە ئىسمىنى يوللاپ بەرسەڭلار .

  • stef2 ئاي ئىلگىرى

    بۇ كىنونىڭ ئۇيغۇرچە نۇسخىسى بارمۇ؟ بولسا دەپ بېرىڭلار ، ئەسلى نۇسخىسى بولسىمۇ مەيلى.

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号