باش بەت

قەدرۇس65

1494يوللانما
23مەستانە

كەيپىياتىڭىز بۇزۇلغاندا كۆرسىڭىز كۆڭلىڭىز ئىللىپ قالىدىغان سۈرەتلەر

مەنبە:بۈگۈنكى مۇھىم خەۋەر يوللانغان ۋاقىت:2018-04-16 21:30 5 ئىنكاس چۈشتى

بۈگۈنكى مۇھىم خەۋەرلەر تورى 16-ئاپرېل خەۋىرى، نۇر تورى تەرجىمىسى:

كەيپىياتىڭىز بۇزۇلغان چاغلاردا ھەممە ئىشلار كۆزىڭىزگە يامان كۆرۈنىدۇ، دۇنيادىن نارازى بولىسىز، كىشىلەرنىڭ شەخسىيەتچىلىكىدىن ۋە تۇرمۇش بېسىمىدىن ئاغرىنىسىز، لېكىن سوغۇققان بولۇپ ئەتراپىڭىزنى كۆزەتسىڭىز، ئەمەلىيەتتە يەنە نۇرغۇن گۈزەل ئىشلار ۋە ياخشى كىشىلەرنىڭ بارلىقىنى ھېس قىلالايسىز، گەپ سىزنىڭ قايسى نۇقتىدا تۇرۇپ قارىشىڭىزدا، تۆۋەندىكى 23 پارچە رەسىم بەلكىم قەلبىڭىزنى ئىللىتىشى مۇمكىن.

1. بۈگۈن ئۇچراتقان ئەڭ گۈزەل كۆرۈنۈش.

2. بۇ كېپىنەكنىڭ قانىتى يارىلانغان، كېيىن ئوپېراتسىيە قىلىش ئارقىلىق ئەسلىگە كېلىپ تەبىئەت قوينىغا قايتىپ كەلدى.

3. گەرچە ئالدىنقى نەچچە قېتىم مەغلۇپ بولغان بولسىمۇ، لېكىن ئۇ ياخشى خىزمەتكە ئېرىشىش ئۈچۈن يېڭى كاستۇم كىيىپ يەنە بىر قېتىملىق يۈز تۇرانە ئىمتىھانغا تەييارلاندى.

4. 22 ياشلىق Harlem بىلەن 81 ياشلىق بۇ موماي تور ئويۇنى ئويناش ئارقىلىق تونۇشقان، بىر يىل توردا بىللە ئويۇن ئوينىغاندىن كېيىن ئۇلار ئالدىنقى ھەپتە فىلورىدا ئىشتاتىدا تۇنجى قېتىم يۈز كۆرۈشتى.

5. يېقىندا ئاتام ھەر كۈنى سەھەر ھويلىغا يۈرەك شەكىلدە دان چېچىپ ئانامنى ئويغىتىدىغان بولۇپ قالدى.

6. سول تەرەپتىكى 1995-يىلى 12-ئايدىكى مەن، ئوڭدىكى 2017-يىلى 12-ئايدىكى مەن، بۇ ئارىلىقتا مەن زەھەرنىڭ ئاسارىتىدىن قۇتۇلدۇم، كېلەر ئايدا زەھەر تاشلىغىنىمغا 20 يىل بولىدۇ.

7. ئۈچ يىل سەرگەردان بولۇپ يۈرگەندىن كېيىن، ھازىر بۇ كىچىككىنە جاي مېنىڭ بارلىقىمغا ئايلاندى، بۇنىڭدىن پەخىرلىنىمەن.

8. بىزمۇ بۇرۇن مۇشۇ كىچىك قىزچاقتەك سەبىي ۋە ساددا ئىدۇق، مانا بۇ ئادەمنىڭ ئەسلى تەبئىتى.

9. جېك ئىسىملىك بۇ ئوماق ئىت بولسىلا، بىزنىڭ ئىشخانىدىكى خىزمىتىمىز مەنىسىز بىلىنمەيدۇ، ئۇ بىزگە كۆپ خوشاللىقلارنى ئېلىپ كەلدى.

10. بۇ ئىت يولدىن ئېزىپ قالغاچقا ساقچىلار ماشىنىغا سېلىپ ئىگىسىنى تېپىشىپ بەرگىلى ماڭدى.

11. دىجورنى تۇرۇۋاتقان ۋاقتىمدا بۇ كىشى بېشىنى مۈرەمگە قويۇپ ئۇخلاپ قالدى، بەك چارچاپ كەتكەن ئوخشايدۇ، ئويغاتقىم كەلمىدى.

12. مەن ئۇنى ئۆمۈچۈك تورىدىن قۇتۇلدۇرۇۋالدىم، ھازىر ئۇ دىسنېي باغچىسىنىڭ مەلىكىسىدەك ياشاۋاتىدۇ.

13. ئاقكۆڭۈل قوشنام يېڭى سېتىۋالغان ئەسۋابى بىلەن ماشىنامغا يول ئېچىپ بەردى.

14. بۇ ئىت بەك ئاقكۆڭۈل بولغاچقا سەركەئىت(导盲犬) بولۇش شەرتىگە توشمايدۇ دەپ قارالغانىكەن، لېكىن ھازىر يەنە بىر مېيىپ دوستۇم ئىككىمىزنىڭ ياخشى ھەمراھى بولۇپ قالدى، ئۇ سەۋزە يېيىشكە ئامراق.

15. ئۇدا ئۈچ كۈن قېلىن قار ياغدى، ھەممەيلەن قار تازىلاپ قاقشاۋاتقاندا مەندە ئەكىسچە ئوخشىمىغان بىر خىل ھېسسىيات شەكىللەندى، نېمىدىگەن گۈزەل مەنزىرە بۇ!

16. مەلۇم بىر پىسسا دۇكىنىنىڭ خىزمەتچىسى خېرىدارنىڭ توردىن زاكاس قىلىشىغا ياردەم قىلىۋاتىدۇ، چۈنكى بۇنداق بولغاندا بىر قەدەر ئەرزان توختايدۇ. چۈنكى بۇ خىزمەتچى ئۇچىسىدىكى خىزمەت كىيىمىنى سېلىۋەتسە بىزگە ئوخشاشلا ئىستېمالچى، ئۇ تېخى پۇل تېجەش ئۈچۈن مېتروغا ئولتۇرىدۇ، شۇڭا ئىستېمالچىلارغا پايدىلىق ئىشلارنى قىلىشقا ئىنتىلىدۇ.

17. بالىلار ھەمكارلىشىپ ئىتنى قۇتقۇزۇپ چىقتى.

18. مەلۇم بىر مەكتەپتە «ئاتام تەييارلاپ بەرگەن ناشتىلىق» تېمىسىدىكى رەسىم سىزىش پائالىيىتى ئۆتكۈزۈلمەكچى بولدى، لېكىن نۇرغۇن بالىلارنىڭ ئاتىسى بولمىغاچقا مەكتەپ تەرەپ ئىجتىمائىي ئالاقە تورىدا 50 نەپەر پىدائىي ئىزدىمەكچى بولۇپ ئېلان چىقاردى، نەتىجىدە نەق مەيدانغا ئوخشىمىغان ئارقا كۆرۈنۈشى بار 600 گە يېقىن ئاتىلار يىغىلدى.

19. بۈگۈن بۇ بۇرادەر يېرىم سائەت ھاۋشىپ ئىچىمنى سىقىۋەتتى، شۇنىڭ بىلەن سىرتقا چىقىرىۋەتتىم، كېيىن بىلسەم ئەسلى ئاشخانىدىن گاز قاچقان ئىكەن، ئۇ بىزنى سىرتقا چىقىپ كېتىشكە ئۈندەپتىكەن ئەمەسمۇ.

20. ئۇ ئاقكۆڭۈل كىشىلەرنىڭ ئۆزىگە ئورۇن ئېلىپ قويغانلىقىنى كۆرۈپ تەسىرلەندى، لېكىن ئۇ بۇ ئورۇنغا ئۇنچە ئېھتىياجلىق ئەمەس ئىدى، شۇڭا تېخىمۇ ئېھتىياجى بار كىشىلەر ئولتۇرسۇن دەپ ئويلىدى. مېڭىش ئالدىدا ئۇ ياخشى نىيەتلىك كىشىگە رەھمەت ئېيتىش يۈزىسىدىن ئازراق پۇل قويۇپ قويدى: «ياخشى كۆڭلىڭىزگە رەھمەت، بۇنىڭغا ئازراق تورت ياكى ئىچىملىك سېتىۋېلىڭ».

21. بىر قېتىملىق تاشقىن ئاپىتىدە بۇ ئاقكۆڭۈل ئىت مۈشۈكنى قۇتقۇزۇپ قالدى.

22. بىرازىلىيەلىك كوچا ئاپتوبۇس بېلەتچىسى بايرام ھارپىسىدا خىزمەت قىلىۋاتقاندا ئۆيىدىكىلىرى كېلىپ ھەمراھ بولدى.

23. بۇ ئىت ئىگىسىگە ھەمراھ بولۇپ ئۇنىڭ كېسەللىككە قارشى تۇرۇشىغا ياردەم قىلدى، ئىگىسى ئۇنىڭغا جاۋاب قايتۇرماقچى بولغان بولسىمۇ پۇلى بولمىغاچقا ئامالسىز قالدى، بۇنى ئاڭلىغان تورداشلار يىغىش قىلىپ ئۇنىڭغا كۆپلىگەن يېمەكلىك ۋە ئويۇنچۇق ئېلىپ بەردى.

قايسى رەسىم سىزگە بەكرەك تەسىر قىلدى؟

باش سۈرەت تاللاش x
  • خاتاكى كاكاشى2 كۈن ئىلگىرى

    دۇنيا مىھىر مۇھاببەت بىلەن گۇزەل ئەگەر سەن ھەقىقى چىن قەلىپ بىلەن دۇنياغا باقساڭ

  • jason3 كۈن ئىلگىرى

    ماڭىمۇ شۇ يارىدى ...........

  • ALIM_Nur3 كۈن ئىلگىرى

    ماڭا ئەڭ بەك «ئاتام تەييارلىغان ناشتىلىق »دىگىنى تەسىر قىلدى ....،،،،،،،،،،،،،،،،،،،

  • ئۆمۈچۈك پالۋان3 كۈن ئىلگىرى

    ماڭا 5_رەسىم بەك رومانتىك ھەم قايغۇلۇق بىلىنىپ كەتتى چۇنكى بوۋاي چوقۇم مومىيىدىن ئايرىلىپ قىلىشىدىن ئەنسىرەپ شۇنداق قىلىۋاتقان بولىشى مۇمكىن

  • ئۆتكۈر كۆز3 كۈن ئىلگىرى

    كىچىك قىزچاقنىڭ تىلۋىزوردىكى ئادەمنىڭ يىشىنى سۈرتىۋاتقان كۆرنۈشى ئادەمگە بەكلا ئىللىق تۇيغۇ بەردى نىمدىگەن ساپ پاك قەلىپ

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号