باش بەت

ياقۇپجان قۇناخۇن

895يوللانما
16مەستانە

ھاجەتخانىدا ئاياللارنى ئوغرىلىقچە سۈرەتكە تارتقان بەتقىلىق ئەر نەق مەيداندا قولغا چۈشتى

مەنبە:تېڭشۈن تورى يوللانغان ۋاقىت:2018-04-16 17:37 1 ئىنكاس چۈشتى

2018-يىلى 13-ئاپرېل كەچ سائەت 8 لەر ئەتراپىدا، ئاياللار تازىلىق ئۆيىدە ئوغرىلىقچە سۈرەتكە تارتماقچى بولغان بىر ئەر سۇڭياڭ ناھىيەلىك ج خ ئىدارىسى سۇڭياڭ ساقچىخانىسىنىڭ ساقچىلىرى تەرىپىدىن نەق مەيداندا تۇتۇلدى.

تېڭشۈن تورى خەۋىرى، نۇر تورى تەرجىمىسى: 13-ئاپرېل چۈشتىن كېيىن سائەت 4 لەر ئەتراپىدا، توڭلىڭ شەھىرى سوڭياڭ ناھىيەلىك ج خ ئىدارىسىنىڭ سۇڭياڭ ساقچىخانىسى، بىر ئايالنىڭ مەلۇم تورخانىنىڭ تازىلىق ئۆيىدە ئۆزىنى باشقىلارنىڭ ئوغرىلىقچە سۈرەتكە تارتماقچى بولغانلىقى توغرىسىدىكى مەلۇماتنى تاپشۇرۇۋالدى. ساقچىلار دەرھال نەق مەيدانغا يېتىپ بېرىپ مۇنۇلارنى ئىگىلىدى، دېلو مەلۇم قىلغۇچىنى ئېيتىشىچە، ئۇ بىردەم تورغا چىققاندىن كېيىن تورخانىنىڭ تازىلىق ئۆيىگە بارغان، تازىلىق ئۆيىدىكى يورۇقلۇق بىرئاز خىرە بولغاچقا، ئۇ تۇيۇقسىز بىرسىنىڭ يانفون قول چىرىقىنى ياندۇرۇپ سۈرەتكە تارتقانلىقىنى بايقىغان، شۇنىڭ بىلەن ئۇ دەرھال ھوشيارلىقىنى ئۆستۈرۈپ يۇقىرى ئاۋازدا توۋلىغان، بۇ ۋاقىتتا ئۇ بىر ئەرنىڭ ئىشىكتىن ئېتىلغىنىچە چىقىپ كەتكەنلىكىنى كۆرۈپ قالغان. ھەممىسىنىڭ بىر تورخانىدا بولۇشى مۇمكىنلىكىنى ئويلىشىپ، ساقچىلار داۋراڭ سېلىپ بۇ بەتقىلىق ئەرنى چۆچىتىپ قاچۇرۇپ قويماسلىق ئۈچۈن، سۈرۈشتۈرۈش مەخپىي ئېلىپ بېرىلغان ھەمدە دېلو مەلۇم قىلغۇچىنىڭ ئۆزلىرىگە ماسلىشىپ بېرىشىنى ئۇقتۇرغان. ئارقىدىن پۇقراچە كىيىنگەن ساقچىلار تۆت ئەتراپقا مۆكۈنۈپ، قانۇنغا خىلاپ قىلمىش سادىر قىلغان ئەرنى كۈتكەن.

13-ئاپرېل كەچ سائەت 8 لەر ئەتراپىدا بىر ئەر مەزكۇر تورخانىغا كېلىپ، ئەتراپنى كۆزىتىپ تەييار بولغاندىن كېيىن، بىر ئايالغا ئەگىشىپ تازىلىق ئۆيىگە كېلىپ ئوغرىلىقچە سۈرەتكە تارتىشقا ھازىرلانغاندا، نەق مەيداندا ساقچىلار تەرىپىدىن تۇتۇلدى. سوراق قىلىش ئارقىلىق بۇ ئەرنىڭ فامىلىسى تاڭ، خېفېيلىق ئىكەنلىكى، خىزمەت ئېھتىياجى بىلەن سوڭياڭغا كەلگىلى بىرقانچە كۈن بولغانلىقى مەلۇم بولدى. ئۇ شەھۋانىي تور بەتلەرنى كۆرۈشكە ئامراق بولغاچقا، يانفونىدا شەھۋانىي تور بەتلەرنى زىيارەت قىلغانلىق خاتىرىسى بار ئىكەن. شۇ كۈنى ئۇ شەھۋانىي تور بەتلەرنى كۆرۈپ بولغاندىن كېيىن، ئاياللارنىڭ ھاجەت قىلىۋاتقاندىكى سىن كۆرۈنۈشۈنى سۈرەتكە ئېلىۋېلىپ كۆرۈش ئىستىكى پەيدا بولغان، شۇ كۈنى چۈشتىن كېيىن تاڭxx مەزكۇر تورخانىغا كېلىپ تورغا چىقىپ، ھاجەت قىلىش ئۈچۈن تازىلىق ئۆيىگە ماڭغان بىر ناتونۇش ئايالغا ئاستىرتتىن ئەگىشىپ تازىلىق ئۆيىگە بېرىپ ئوغرىلىقچە سۈرەتكە تارتماقچى بولغاندا، بۇ ئايال مۇددەتتىن بۇرۇن تازىلىق ئۆيىدىن چىقىپ كەتكەچكە سۈرەتكە تارتالمىغان. نەچچە مىنۇتتىن كېيىن دېلو مەلۇم قىلغان ئايال تازىلىق ئۆيىگە ھاجەت قىلغىلى كەلگەندە، ئۇ يانفونىنىڭ قول چىرىغىنى ياندۇرۇپ ئوغرىلىقچە سۈرەتكە تارتماقچى بولغاندا، ئۇ ئايال بۇنى سېزىپ قالغان، شۇنىڭ بىلەن تاڭxx نىڭ ئوغرىلىقچە سۈرەتكە تارتىشى سۇغا چىلاشقان ھەمدە نەق مەيداندىن قېچىپ كەتكەن. تاڭxx مەزكۇر تورخانىغا قايتا كېلىپ، ھاجەت قىلىۋاتقاندىكى كۆرۈنۈشىنى سۈرەتكە تارتىدىغان بىرەر ئايال ئىزدەپ تېپىپ ئوغرىلىقچە سۈرەتكە تارتماقچى بولۇپ تۇرغاندا، نەق مەيداندا مۆكۈنۈپ كۈتىۋاتقان ساقچىلار تەرىپىدىن تۇتۇلغان.

«جۇڭخۇا خەلق جۇمھۇرىيىتى ئامانلىق ساقلاشنى باشقۇرۇش، جازالاش قانۇنى»نىڭ بەلگىلىمىسىگە ئاساسەن، تاڭxx نىڭ قىلمىشى باشقىلارنىڭ شەخسىيىتىنى ئوغرىلىقچە سۈرەتكە تارتىش قىلمىشى شەكىللەندۈرگەچكە، سۇڭياڭ ناھىيەلىك ج خ ئىدارىسى قانۇن بويىچە تاڭxx مەمۇرىي جەھەتتىن ئۈچ كۈن تۇتۇپ تۇرۇش جازاسى بەردى.

ساقچى ئەسكەرتمىسى: ئاياللار كىيىم يۆتكەش ئۆيى، تازىلىق ئۆيىگە كىرگەندە، ئەتراپتا ئوغرىلىقچە سۈرەتكە تارتىش ئۈسكۈنىسى بار-يوقلىقىغا بولۇپمۇ ئۈستى تەرەپ ۋە پۇتنىڭ ئاستىدىكى يېرىقلارغا ئالاھىدە دىققەت قىلىشى كېرەك. گەرچە كىيىم يۆتكەش ئۆيى، تازىلىق ئۆيى شەخسىي مەخپىيەتلىك ئونى بولۇش سۈپىتى بىلەن نىسبەتەن بىخەتەر بولسىمۇ، لېكىن بەزى قانۇنسىز ئۇنسۇرلار كىيىم يۆتكەش ئۆيى، تازىلىق ئۆيى قاتارلىق جايلارغا كەسپىي ئۈسكۈنىلەرنى ئورنىتىپ ئوغرىلىقچە سۈرەتكە تارتىشى مۇمكىن، شۇڭا مۇنداق ئەھۋاللارنى بايقىغان ھامان دەرھال ساقچىغا مەلۇم قىلىڭ!

باش سۈرەت تاللاش x
  • چەكسىز ئۇپۇق3 كۈن ئىلگىرى

    ئسىت سىنىڭ ئادەم بوپقالغىنىڭ ئتمۇ سەندىن ياخشى پەسكەش ئپلاس،

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号