باش بەت

قەدرۇس65

1494يوللانما
23مەستانە

گۈزەللىكىڭىزگە تەسىر يېتىدىغان بۇ يامان ئادەتلەردىن يىراق تۇرۇڭ

مەنبە:بۈگۈنكى مۇھىم خەۋەر يوللانغان ۋاقىت:2018-04-16 21:27 1 ئىنكاس چۈشتى

بۈگۈنكى مۇھىم خەۋەرلەر تورى 16-ئاپرېل خەۋىرى، نۇر تورى تەرجىمىسى:

ھاۋا بارغانسېرى ئىسسىشقا باشلىدى، خانىم-قىزلارمۇ يەڭگىل كىيىملىرىنى كىيىپ سىرتقا چىقىش پەسلىگە قەدەم قويدى، لېكىن بىر قىسىم يامان ئادەتلەر سىزنىڭ چىراي گۈزەللىكىڭىزگە تەسىر يەتكۈزۈپ، ئىشەنچ بىلەن سىرتقا چىقىشىڭىزغا توسقۇنلۇق قىلىشى مۇمكىن، تۆۋەندە بۇ توققۇز يامان ئادەتنى كۆرۈپ باقايلى:

1. لېۋىنى چىشلەش. نۇرغۇن خانىم-قىزلار لېۋى قۇرىشىپ كەتكەندە بۇ خىل ئۇسۇلنى تاللىشى مۇمكىن، ئەمەلىيەتتە شۆلگەي لەۋنى تېخىمۇ قۇرۇتىۋېتىدۇ، ۋاقىت ئۇزارغانسېرى ئېغىزىڭىز ئەتراپىدىكى تېرىڭىزنىڭ يىرىكلىشىشىنى، لېۋىڭىزنىڭ تېخىمۇ سەتلىشىپ كېتىشىنى كەلتۈرۈپ چىقىرىدۇ.

2. سېغىز چايناش. ئېغىزدىكى پۇراقنى يوقىتىش ئۈچۈن كۆپلىرىمىز تاماقتىن كېيىن سېغىز چاينايمىز. لېكىن سېغىزنى كۈچەپ چاينىغاندا ئىككى زاڭاقنىڭ سىرتقا كېڭىيىشىنى كەلتۈرۈپ چىقىرىپ، يۈز شەكلىڭىزنى بارا-بارا كىۋادرات شەكىلگە كەلتۈرۈپ قويىدۇ.

3. كۈنلەپ سۇ ئىچمەسلىك. نۇرغۇن خانىم-قىزلار يۈزىنىڭ ۋە كۆز ئەتراپىدىكى تېرىلەرنىڭ ئىششىپ كېتىشىدىن ساقلىنىش ئۈچۈن سۇنى ئاز ئىچىدۇ. لېكىن بەدىنىڭىزدە سۇ كەمچىل بولسا تېرىڭىز قۇرغاقلىشىپ ھەم بوشىشىپ بالدۇرلا قورۇق چۈشۈپ كېتىدۇ.

4. چېچەكنى سىقىش. گۈزەللىكنى ياقتۇرىدىغان خانىم-قىزلار بۇنىڭغا تاقەت قىلالمايدۇ، شۇڭا نۇرغۇنلار سىقىۋېتىشنى تاللايدۇ، لېكىن بۇنداق قالغاندا ئاسانلا ئىز قالىدۇ، ھەتتا چېچەك چىققان ئورۇن ئويمان بولۇپ قېلىشىمۇ مۇمكىن.

شۇڭا، چېچەك چىققاندا ھەرگىز سىقىۋەتمەڭ، تېرىڭىزنىڭ پاكىزلىقىنى ساقلاپ بۇنىڭ ئالدىنى ئېلىڭ، سۇنى كۆپ ئىچىڭ، كۆكتات، مېۋە-چېۋىلەرنى كۆپرەك ئىستېمال قىلىپ چېچەكنىڭ ئۆزلىكىدىن يوقىشىنى ساقلاڭ، ئېغىر بولغاندا نوپۇزلۇق دوختۇرخانىلارغا بېرىپ كۆرىنىڭ.

5. قولى بىلەن كۆزىنى ئۇۋۇلاش. ھارغاندا، ئۇيقۇسى كەلگەندە نۇرغۇن كىشىلەر ئۆزلىكىدىنلا قولى بىلەن كۆزىنى ئۇۋۇلايدۇ، لېكىن بۇ يامان ئادەت كۆز ئەتراپىدىكى نېپىز تالالارنى زەخمىلەندۈرۈپ قورۇق چۈشۈشنى كەلتۈرۈپ چىقىرىدۇ.

5. بېشىنى تۆۋەن قىلىپ يانفون ئويناش. بۇنداق بولغاندا بوينىڭىزغا چۈشكەن بېسىم ئارتىپ كېتىپ، بوينىڭىزدىكى تېرىلەرگە قورۇق چۈشۈشنى كەلتۈرۈپ چىقىرىدۇ، يەنە تېخى تېرىڭىزنىڭ بوشىشىنى كەلتۈرۈپ چىقىرىپ قوش ئېڭەك بولۇپ قېلىش ئېھتىماللىقىڭىزنى ئاشۇرۇۋېتىدۇ.

6. ناتوغرا شەكىلدە ئولتۇرۇش ۋە مېڭىش. گەرچە ئۇدۇل قارىسا ھېچقانداق كۆرۈنمىگەن بىلەن، ياندىن قارىسىلا پەرقنى كۆرۈۋالغىلى بولىدۇ، ۋاقىت ئۇزارغانسېرى سۆڭىكىزنىڭ شەكلى ئۆزگىرىپ دۈمچەك بولۇپ قالىسىز، شۇڭا ئولتۇرغاندا ياكى ماڭغاندا قەددىڭىزنى رۇس تۇتۇشقا ئادەتلىنىڭ، گاھىدا ئۇنتۇپ قالغان بولسىڭىزمۇ ئېسىڭىزگە يەتكەن ھامان قىياپىتىڭىزنى ئوڭشىۋېلىڭ.

7. يانفون ئويناپ ۋاقچى ئۇخلاش. ۋاقچى ئۇخلاش ئاياللارنىڭ ئىچكى ئاجراتمىلىرىنىڭ قالايمىقانلىشىشىنى كەلتۈرۈپ چىقىرىدۇ، بۇنداق بولغاندا كۆز خالتىسى شەكىللىنىدۇ، قورۇق چۈشىدۇ، تېرىڭىز خۈنۈك كۆرۈنىدۇ، ئىشقىلىپ ۋاقچى يېتىشنىڭ زىيانلىق تەرىپى ئىنتايىن كۆپ، سىزنى مۇددەتتىن بۇرۇنلا قېرىتىۋېتىدۇ.

شۇڭا خانىم-قىزلار چوقۇم يېتەرلىك ئۇيقۇ ۋاقتىغا كاپالەتلىك قىلىشى كېرەك (ئەلۋەتتە، ھەممەيلەن شۇنداق»، توققۇزدا ياكى ئۇنىڭدىن بۇرۇن يېتىۋېلىش ئەڭ ياخشى ئادەت.

8. تۆۋەن تېمپېراتۇرىدا ئۇخلاش. يازدا ھاۋا ئىسسىپ كەتكەچكە نۇرغۇنلىرىمىز ھاۋا تەڭشىگۈچنى ئېچىپ قويۇپ ئۇخلايمىز، لېكىن تېمپېراتۇرىنى بەك تۆۋەن تەڭشەپ قويسىڭىز تېرىڭىزدىكى سۇ مىقدارىنى خورىتىپ، لېۋىڭىزنىڭ يېرىلىشى، تېرىڭىزنىڭ قۇرغاقلىشىشىپ يېرىلىشى قاتارلىق نۇرغۇن مەسىلىلەرنى كەلتۈرۈپ چىقىرىدۇ. شۇڭا ھاۋا تەڭشىگۈچنى ئېچىپ قويۇشقا توغرا كەلسىمۇ تېمپىراتۇرىسىنى بەك تۆۋەن تەڭشىۋەتمەڭ.

9. گىرىمنى تولۇق يۇيماسلىق. خانىم-قىزلار گىرىم قىلىپ سىرتقا چىقىشقا ئادەتلەنگەن، لېكىن بەزىلەر ئۆيگە قايتىپ كەلگەندە گىرىمنى ۋاقتىدا يۇيۇۋېتىشكە ھورۇنلۇق قىلىدۇ. بۇنىڭ تېرىگە بولغان زىيىنى ئىنتايىن چوڭ، قېلىپ قالغان گىرىملار تېرىگە زىيان يەتكۈزۈپ تۆشۈكچىلەرنىڭ ئېتىلىپ قېلىشىنى كەلتۈرۈپ چىقىرىدۇ، ماي ۋە داغلار يىغىلىپ قېلىپ نۇرغۇن تېرە مەسىلىلىرىنى كەلتۈرۈپ چىقىرىدۇ.

باش سۈرەت تاللاش x
  • ماڭا ئىسىم قالماپتۇ3 كۈن ئىلگىرى

    سېغىز چايناش بىزدە بەك كۆپ،ئېغىزدىكى پۇراقنى يوقىتىش ئۈچۈن چاينىسا بەش مىنوت چايناپلا تاشلىۋەتسە بولغىنى ،بىر كۈن چاينايدىغاندەكلا بىلىنىدۇ ماڭا …

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号