باش بەت

MastanaFilms

130يوللانما
128مەستانە

«ئەشەددىي: ئەسىر بالايىئاپىتى» تۇنجى ھەپتىدە 349 مىليون يۈەن بېلەت كىرىم ياراتتى

مەنبە:ۋاقىت تورى يوللانغان ۋاقىت:2018-04-16 22:09 6 ئىنكاس چۈشتى

ۋاقىت تورى خەۋىرى، نۇر تورى تەرجىمىسى:

«چوكانتال بايرىمى» دەك دەم ئېلىش كۈنلىرى بولمىغان شارائىت ئاستىدا، ئالدىنقى ھەپتىلىك دۆلەت ئىچى كىنو بېلەت كىرىم ئەھۋالىدا تۆۋەنلەش بولدى، ئالدىنقى ھەپتە 7 كۈندە 720 مىليون يۈەن بېلەت كىرىم يارىتىلغان بولۇپ، ئۆتكەن ھەپتىدىكى بىر مىليارد 57 مىليون يۈەندىن %32 تۆۋەن بولدى. 

دۋايىن جونسون باش رول ئالغان فانتازىيە فىلىمى «ئەشەددىي: ئەسىر بالايىئاپىتى» بۇ ھەپتە ئاسانلا ھەپتىلىك بېلەت كىرىم چېمپىيونلۇقىنى قولىغا ئالدى. «1-نومۇرلۇق ئويۇنچى头号玩家»، «باش پەللە起跑线»، «يوقىلىش»(湮灭)، «ئۈنسىز چۇقان»(爆裂无声) قاتارلىق فىلىملەرنىڭ ھەپتىلىك بېلەت كىرىمى تەرتىپ بويىچە 2،3،4،5-ئورۇنلارغا تىزىلدى.

«ئەشەددىي: ئەسىر بالايىئاپىتى» ئالدىنقى ھەپتە جۈمە كۈنى دۆلىتىمىزدە تۇنجى قويۇلغان ئىدى، ئالدىنقى بىر ھەپتە ئىچىدىلا 349 مىليون يۈەن بېلەت كىرىم يارىتىپ، بۇ ھەپتىلىك بېلەت كىرىمنىڭ يېرىمىنى ئىگىلەپ ھەپتىلىك بېلەت كىرىم چېمپىيونلۇقىنى قولىغا ئالدى.

بۇ فىلىم جونسوننىڭ بۇ يىل ئىچىدە دۆلىتىمىزدە قويۇلغان ئىككىنچى فىلىمى بولۇپ، باشتا قويۇلغان «باتۇرلار ئويۇنى: ئورمانغا جەڭ ئېلان قىلىش» فىلىمىنىڭ تۇنجى ھەپتىلىك بېلەت كىرىمى 259 مىليون يۈەن بولغان ئىدى. «ئەشەددىي: ئەسىر بالايىئاپىتى» نىڭ بېلەت كىرىمى بۇ فىلىمىنىڭ تۇنجى ھەپتىلىك بېلەت كىرىمىدىن 90 مىليون يۈەن ئارتۇق بولدى.

«باتۇرلار ئويۇنى: ئورمانغا جەڭ ئېلان قىلىش» نىڭ ئومۇمىي نەتىجىسى 492 مىليون يۈەن بولغان ئىدى، شۇنىڭغا ئاساسەن پەرەز قىلساق، «ئەشەددىي: ئەسىر بالايىئاپىتى» نىڭ ئومۇمىي بېلەت كىرىمى 500 مىليوندىن ئېشىشىدا مەسىلە يوق.

بۇ قېتىم ئامېرىكا ۋە دۆلىتىمىزدە ئوخشاش كۈندە قويۇلغان «ئەشەددىي: ئەسىر بالايىئاپىتى» فىلىمىنىڭ ئامېرىكا بېلەت كىرىمى 35 مىليون 500 مىڭ دوللار بولغان بولۇپ، تەخمىنەن 217 مىليون يۈەن، دېمەك فىلىمنىڭ دۆلىتىمىزدىكى بېلەت كىرىم ئەھۋالى ئامېرىكىدىن ياخشى بولدى. دۆلىتىمىز بۇ فىلىمنىڭ ئەڭ چوڭ بېلەت كىرىم مەنبەسى بولۇپ قېلىشى مۇمكىن.

تىلغا ئېلىشقا ئەرزىيدىغىنى، «ئەشەددىي: ئەسىر بالايىئاپىتى» دىن باشقا، يېقىندا قويۇلۇۋاتقان «1-نومۇرلۇق ئويۇنچى»، «تىنچ ئوكياننى ئايلىنىش 2»، «قەدىمىي قەبرىدىكى كۆلەڭگە» قاتارلىق بىر قانچە ئىمپورت فىلىملەرنىڭ بېلەت كىرىمى ئوخشاش مەزگىلدىكى ئامېرىكا بېلەت كىرىمىدىن يۇقىرى بولدى.

سىپيىلبېرگ رېژىسسورلۇق قىلغان فانتازىيە فىلىمى «1-نومۇرلۇق ئويۇنچى» ئالدىنقى ھەپتە يەنە 187 مىليون يۈەن بېلەت كىرىم يارىتىپ، ئەسلى چېمپىيونلۇق ئورنىدىن ئىككىنچىلىك ئورنىغا چۈشۈپ قالدى، ئومۇمىي بېلەت كىرىمى بىر مىليارد 212 مىليون يۈەن بولدى.

2018-يىلى قويۇلغان ئىمپورت فىلىملەر ئىچىدە، «1-نومۇرلۇق ئويۇنچى» ھازىرچە ئومۇمىي بېلەت كىرىمدە چېمپىيونلۇق ئورنىدا تۇرۇۋاتىدۇ، 2018-يىلى دۆلىتىمىزدە قويۇلغان بارلىق فىلىملەر ئىچىدە، «1-نومۇرلۇق ئويۇنچى» فىلىمى ئومۇمىي بېلەت كىرىم رېتىدە 5-ئورۇنغا تىزىلىدۇ.

ئىمپورت فىلىملەرنىڭ ئومۇمىي بېلەت كىرىمى رېتىدە، «1-نومۇرلۇق ئويۇنچى» نىڭ ئومۇمىي بېلەت كىرىمى ھازىرچە ئالدىنقى يىلى قويۇلغان «ئارزۇ ئىزدەش سەپىرى» فىلىمى بىلەن تەڭلىشىپ، 12-ئورۇنغا تىزىلدى.

ھازىرچە، «1-نومۇرلۇق ئويۇنچى» فىلىمىنىڭ ئامېرىكا بېلەت كىرىمى 115 مىليون دوللار بولۇپ، تەخمىنەن 722 مىليون يۈەن بولدى. ئامېرىكا كىنو بازىرىنىڭ بۇ فىلىمدە ياراتقان بېلەت كىرىمى دۆلىتىمىزدىكىدىن ئاز بولدى.

ھىندىستان فىلىمى «باش پەللە» ئالدىنقى ھەپتە 51 مىليون يۈەن بېلەت كىرىم يارىتىپ، ھەپتىلىك بىلەت كىرىم رېتىدە 3-ئورۇندا تۇردى، ئومۇمىي بېلەت كىرىمى 185 مىليون يۈەنگە يەتتى.

ھازىرقى سۈرئىتى بويىچە ماڭسا، «باش پەللە» فىلىمى «دانگال»، «سىرلىق گىگانت چولپان»، «بۇرادەر باجرانگى» قاتارلىق فىلىملەردىن كېيىنكى دۆلىتىمىز ئىچىدە 200 مىليون يۈەن بېلەت كىرىم ياراتقان تۆتىنچى ھىندىستان فىلىمى بولۇپ قالىدۇ.

فانتازىيە فىلىمى «يوقىلىش» ئالدىنقى ھەپتە جۈمە كۈنى دۆلىتىمىزدە تۇنجى قويۇلۇپ، تۇنجى ھەپتىسىدە 38 مىليون 300 مىڭ يۈەن بېلەت كىرىم يارىتىپ، ھەپتىلىك بىلەت كىرىم رەت تەرتىپىدە 4-ئورۇنغا تىزىلدى.

گەرچە فىلىمدە ناتالى پورتمىن قاتارلىق چولپانلار باش رول ئالغان بولسىمۇ، لېكىن «湮灭 يوقىلىش» فىلىمى بىر سودا خاراكتېرلىك فانتازىيە فىلىمى ئەمەس ئىدى. ئەمما بۇ فىلىم دۆلىتىمىزدە قويۇلغاندىن كېيىن ياخشى باھالارغا ئېرىشتى، ھازىرچە بۇ فىلىمگە ۋاقىت تورىدا بېرىلگەن باھا 7.7 نومۇر بولۇپ، 2016-يىلى قويۇلغان «چۈشۈش» فىلىمىنىڭ 7.5 نومۇرىدىن يۇقىرى بولدى.

«چۈشۈش»(降临) فىلىمىنىڭ دۆلەت ئىچى ئومۇمىي بېلەت كىرىمى 109 مىليون يۈەن بولغان ئىدى، «يوقىلىش» فىلىمىنىڭ نەتىجىسى بۇنىڭغا يېتىشىۋېلىشى تەس.

دۆلىتىمىز ئىشلىگەن فىلىم «暴裂无声ئۈنسىز چۇقان» ئالدىنقى ھەپتە 14 مىليون 100 مىڭ يۈەن بېلەت كىرىم يارىتىپ، ھەپتىلىك بېلەت كىرىم رېتىدە 5-ئورۇنغا تىزىلدى، ئومۇمىي بېلەت كىرىمى 50 مىليون 300 مىڭ بولدى.

«ئۈنسىز چۇقان» فىلىمىگە ياش رېژىسسور شىن يۈكۈننىڭ ئىككىنچى فىلىمى بولۇپ، ئالدىنقى فىلىمى «心迷宫قەلب قەسىرى» 2014-يىلى قويۇلغان ئىدى، ئومۇمىي بېلەت كىرىمى 10 مىليون 700 مىڭ بولغان ئىدى. ئالدىنقى ئەسىرىگە سېلىشتۇرغاندا، «ئۈنسىز چۇقان» فىلىمى بېلەت كىرىمگە زور ئىلگىرىلەش ھاسىل قىلدى. لېكىن يېڭى فىلىملەرنىڭ توختىماستىن قويۇلۇشى ئاستىدا، ئەمدى بۇ فىلىمىنىڭ بېلەت كىرىمىدە ئۆزگىرىش بولۇشى تەس.

رۇسىيە ئىشلىگەن كارتون «冰雪女王3:火与冰قار مۇز مەلىكىسى 3: مۇز ۋە ئوت» ئالدىنقى ھەپتە 12 مىليون 400 مىڭ يۈەن بېلەت كىرىم ياراتتى، ئومۇمىي بىلەت كىرىمى 55 مىليون 700 مىڭ يۈەن بولدى.

«قىزىل دېڭىز ھەرىكىتى» فىلىمى ئالدىنقى ھەپتە 12 مىليون يۈەن بېلەت كىرىم ياراتتى، ئومۇمىي بېلەت كىرىمى ئۈچ مىليارد 639 مىليون يۈەن بولدى.

«تىنچ ئوكياننى ئايلىنىش 2» فىلىمى ئالدىنقى ھەپتە 11 مىليون يۈەن بېلەت كىرىم ياراتتى، ئومۇمىي بېلەت كىرىمى 631 مىليون يۈەن بولدى.

ھۆججەتلىك فىلىم «قالتىس دۆلىتىم» ئالدىنقى ھەپتە يەتتە مىليون يۈەن بېلەت كىرىم ياراتتى، ئومۇمىي بېلەت كىرىمى 462 مىليون يۈەن بولدى.

بۇ ھەپتە دۆلىتىمىزدە يېڭى قويۇلىدىغان فىلىملەردىن «كۈچۈك ئارىلى»، «21 كارات»، «ئالتۇن گۈل»(黄金花)، «شال گۈلى ھىدى»(米花之味) قاتارلىق فىلىملەر بار، تاسادىپىيلىق يۈز بەرمىسىلا، بۇ ھەپتە دۆلەت ئىچى بېلەت كىرىمى يەنە تۆۋەنلەشكە باشلايدۇ.

باش سۈرەت تاللاش x
  • مەھمۇدبەگ1 كۈن ئىلگىرى

    ۋاۋ تۈنۈگۈن imax3d نۇسقىسىنى كۆرەپ كەلدىم ، دەششەت ئىسىل ئىشلەپتۇ ، ئىنىقلا بۇ يىللىق مودا فىلىم بوپ قالغۇدەك ، كۆگەنلە بىلىسىلە ھەقاچان ، ئاخىرىدىكى مايمۇننىڭ لوكقا قىلىن گەپ قىلغان يىرى قانداقكە

  • مىھراي ئەنۋەر3 كۈن ئىلگىرى

    بەك پەيزى ئىشلەپتۇ تۈنۈگۈن بېرىپ كۆرۈپ كەلگەنتىم ،ھەم كۈلكىلىك ھەم فانتازىيەلىك ،不愧是巨石强森

  • 131******933 كۈن ئىلگىرى

    تۈنۈگۈن كۆگەنتىم بەك پەيزىكەن كۆرۈشكە ئەرزىيدىكەن

  • رونالدو ئۇزغۇنلۇق شاھ3 كۈن ئىلگىرى

    مەنمۇ كەشتە بىرىپ كۆرىمەن

  • DILSe..3 كۈن ئىلگىرى

    باش پەللە ياكى ھىندىستان ئوتتۇرا قاتلىمى دېگەن كىنو بەك ياخشى ئىرفانخان بىلەن پاكىستانلىق ئارتىس سابا قەمەر رول ئالغان كۆرۈپ بىقىڭلار ئاق بۈركۈت تورى تەرجىمە قىلىپ قىلىشى مۇمكىن ئۇيغۇرچە خەتلىك قىلىپ

  • مەھمۇدبەگ3 كۈن ئىلگىرى

    بۇ ئەشەددىي ئەسىر بالايى ئاپىتى فىلىمىنىڭ بىلەت كىرىمىگە مەنمۇ تۆھپە قوشۇپتىمەندە ئەمىسە ، ئەتىنىڭكى 44 كويلۇق 3dimax بىلىتىنى سىتىۋاغانتىم كۆرەپ بولۇپ ئىنكاس يازاي ھە

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号