باش بەت

زىيارەت

2645يوللانما
31مەستانە

ئىتالىيە بىرلەشمىسى 37-ئايلانما: رىم 0:0 يۇۋېنتۇس

مەنبە:دوڭچيۇدى تورى يوللانغان ۋاقىت:2018-05-14 09:39 6 ئىنكاس چۈشتى

دوڭچيۇدى تورى 14-ماي خەۋىرى، نۇر تورى تەرجىمىسى:

بېيجىڭ ۋاقتى 5-ئاينىڭ 14-كۈنى سەھەر سائەت 2:45تە 2017/2018-يىللىق مۇسابىقە پەسلى ئىتالىيە A دەرىجىلىكلەر بىرلەشمىسىنىڭ 37-ئايلانمىسىدىكى بىر مەيدان كۈچلۈكلەر ئۇچرىشىشى رىم ئولىمپىك تەنتەربىيە مەيدانىدا ئۆتكۈزۈلدى، يۇۋېنتۇس كوماندىسى مېھمان مەيداندا رىم كوماندىسى بىلەن مۇسابىقىلەشتى، ئالدىنقى يېرىم مەيدان مۇسابىقىدە ھەر ئىككى كوماندا قاتتىق تىرىشقان بولسىمۇ، ئەمما مەيدان نەتىجىسىدە ھېچقانداق ئۆزگۈرۈش بولمىدى، ئالدىنقى يېرىم مەيدان مۇسابىقە 0:0 نەتىجىدە ئاخىرلاشتى، كېيىنكى يېرىم مەيدان مۇسابىقىدە يۇۋېنتۇس كوماندىسىدىن دىبالا بىر توپ كىرگۈزگەن بولسىمۇ، ئورۇن ھالقىغان دەپ ھۆكۈم قىلىپ ئىناۋەتسىز قىلىندى، رىم كوماندىسىدىن نايىنگولان قىزىل كارتا جازاسى بىلەن مەيداندىن چۈشۈرۈۋېتىلدى، ئاخىرىدا يۇۋېنتۇس كوماندىسى مېھمان مەيداندا 0:0 نەتىجىدە رىم كوماندىسى بىلەن تەڭلىشىپ، مۇددەتتىن بىر ئايلانما بۇرۇن ئىتالىيە بىرلەشمىسىنىڭ چېمپىيونلۇقىنى قولغا كەلتۈردى.

مۇسابىقە باشلىنىپلا ساھىبخان مەيداندىكى رىم كوماندىسى ئاكتىپ ھالەتكە ئۆتتى.

سەككىز مىنۇت بولغاندا رىم كوماندىسى ھۇجۇم تەشكىللەپ، سەپدىشىنىڭ پاس توپىنى قوبۇل قىلغان زېكو چەكلەنگەن رايون سىرتىدىن توپنى قاپقىغا قارىتىپ تەپكەن بولسىمۇ، توپ ئېگىز ئۆرلەپ كەتتى.

34 مىنۇت بولغاندا يۇۋېنتۇس كوماندىسى ھۇجۇم تەشكىللەپ، ساندرونىڭ پاس يەتكۈزۈشى بىلەن ديبالا توپنى ھەيدەپ، چەكلەنگەن رايون سىرتىدىن قاپقىغا تەپكەن بولسىمۇ، توپ قاپقا يېنىدىن سىرتقا چىقىپ كەتتى.

43 مىنۇت بولغاندا رىم كوماندىسى ئىختىيارى توپ تېپىش پۇرسىتىدىن پايدىلىنىپ، ھۇجۇم قوزغىدى، كولاروۋ چەكلەنگەن رايون سىرتىدا ئوڭ تەرەپتىن كىچىك ئارىلىقتا توپنى بىۋاستە قاپقىغا تەپتى، توپ قاپقىنىڭ يان سېتكىسىغا تەگدى.

48 مىنۇت بولغاندا مېھمان مەيداندىكى يۇۋېنتۇس كوماندىسى ھۇجۇم تەشكىللەپ، ئالكىس ساندرو سول تەرەپتىن توپنى ھەيدەپ ئوتتۇرىغا پاس تاشلىدى، توپقا ئۈلگۈرگەن دىبالا چەكلەنگەن رايون ئىچىدە توپنى توختاتمايلا قاپقىغا تېپىپ كىرگۈزگەن بولسىمۇ، رېپىر ديبالانى ئورۇن ھالقىغان دەپ ھۆكۈم چىقىرىپ، كىرگەن توپنى ئىناۋەتسىز قىلدى.

بۇ مەيدان مۇسابىقىدە ئىككى كوماندىنىڭ ھۇجۇملىرىغا سېلىشتۇرغاندا، مەيداندىكى قائىدىگە خىلاپ ھەركەتلەرمۇ خېلى كۆپ يۈز بەردى، مۇسابىقە داۋاملىشىپ 68 مىنۇتقا قەدەم قويغاندا، رىم كوماندىسىدىن نايىنگولان، بۇ مەيدان مۇسابىقىدىكى ئىككىنچى سېرىق كارتا جازاسىغا ئۇچراپ، قىزىل كارتا بىلەن مەيداندىن چىقىرىۋىتىلدى، ئۇنىڭدىن باشقا ھەر ئىككى كوماندىنىڭ ئۆز-ئارا تىركىشىشىمۇ نىسبەتەن قوپال ھەم كەسكىن بولدى.

كېيىنكى مىنۇتلاردا ھەر ئىككى كوماندا قاتتىق تىرىشچانلىق كۆرسەتكەن بولسىمۇ، مەيدان نەتىجىسىدە ئۆزگۈرۈش بولمىدى، ئاخىرىدا يۇۋېنتۇس كوماندىسى مېھمان مەيداندا 0:0 نەتىجىدە رىم كوماندىسى بىلەن تەڭلىشىپ قالدى، بۇ مۇسابىقىدە پەقەت ئۇتتۇرمىسىلا مۇددەتتىن بۇرۇن چېمپىيونلۇقنى قولغا كەلتۈرەلەيدىغان يۇۋېنتۇس كوماندىسى ئاخىرى بىرلەشمە چېمپىيونلۇقىنى قولغا كەلتۈردى، بۇمۇ ئۇلارنىڭ ئۇدا يەتتىنچى قېتىم ئىتالىيە بىرلەشمىسىنىڭ چېمپىيونلۇقىغا ئېرىشىشى بولۇپ، ترېنېر ئاللېگرى ياۋروپا بىرلەشمىلىرىدىكى ئۇدا تۆت مۇسابىقە پەسلى مەملىكەت ئىچىدىكى بىرلەشمە ۋە بىرلەشمە لوڭقىسى چېمپىيونلۇقىنى بىرلا ۋاقىتتا قولغا كەلتۈرگەن تۇنجى ترېنېرغا ئايلاندى، بىز شۇ مۇناسىۋەت بىلەن «ياۋا تاغىل ئات قوشۇنى»نىڭ چېمپىيونلۇقىنى مۇبارەكلەش بىلەن بىرگە، ئۇلارنىڭ بۇندىن كېيىنكى كەسپىي ھاياتىغا زور ئۇتۇقلارنى تىلەيمىز.

   

باش سۈرەت تاللاش x
  • 131******101 ھەپتە ئىلگىرى

    قايتا قۇرغۇچى ئىنىم راڭچىۇ قىپ ئاغان بوساڭ ئاز بوسىمۇ كىلەتتى ئەينا ئاچكۆزلۈك قىلسا زىيان تاتىپ قالىدۇ ئادەم شۇندا

  • ساراڭ ئەمەس1 ھەپتە ئىلگىرى

    قايتا قۇرغۇچى ئۇكام دەپلا چۈشىدىكەنسە ،شۇ لاتارىيە ئويناپ گازىر پۇلىسنى تېپىپ ئۆگىنىپ قالغان نىمىدەك تۇرىسەن

  • ♡ F o R L i F e ♡1 ھەپتە ئىلگىرى

    ئازاپۇ ئازاپ پپپپپپپپ

  • kaktuss1 ھەپتە ئىلگىرى

    رىمنىڭ ساھىبخان مەيدانى بەك خەتەرلىككەن توپچىلىرىمۇئىسىلكەن مانچىستىر رىمنى بىر ھاياھەتقىپ كەلسە بولغىدەك ھە دىسە تەڭلىشىۋەمەي

  • ❤ پۇتبول ⚽ خۇمار ❤1 ھەپتە ئىلگىرى

    بارسىلونانى قايتا قۇرغۇچى بەك پو ئېتىپ كەتتىڭ نەگە قارسا مۇشۇ ئۇتقان بولسا مانچە مىڭ كىلەتتى دەپ سىنى بىرەسى زورلىمىغانكىن لاتارىيە ئوينا دەپ ئوينىمىساڭ بۇلدىغۇ

  • ئەغزەم تۆرەە1 ھەپتە ئىلگىرى

    ھېي يوۋىن، قاراپ تۇرۇپ قارىغا دەسسەتتىڭ

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号