باش بەت

نۇربىيە ئۇيقۇت

13938يوللانما
1423مەستانە

«جۇڭگولۇق جېكسون» كاننېس قىزىل گىلىمىدە ئالقىشلىنالماي قالدى

مەنبە:تېڭشۈن تورى يوللانغان ۋاقىت:2018-05-16 10:32 1 ئىنكاس چۈشتى

تېڭشۈن تورى خەۋىرى، نۇر تورى تەرجىمىسى:

كاننېس قىزىل گىلەم مۇراسىمىدا دۆلىتىمىز ئۆمىكىدىكىلەر ھەر يىلى دېگۈدەك خېلى كۆپ پاراڭ تېمىلىرىنى شەكىللەندۈرىدۇ. بۇ يىل ئۆتكەن يىلدىكىدىن تېخىمۇ «مول» بولدى. ئالدى بىلەن «يەرشارى خانقىزى»نىڭ مەردانىلەرچە يىقىلىپ چۈشۈشى، ئارقىدىن، ما سۇنىڭ ئالتە مىنۇت تۇرغانلىقى، ئىسمىنىمۇ بىلگىلى بولمايدىغان تور چولپىنىنىڭ سەتلىشىشى، لى يۈگاڭنىڭ ئۈچ قېتىم قوغلاپ چىقىرىلىشى قاتارلىقلار. مۇنداقچە قىلىپ ئېيتقاندا، ئىشقىلىپ، خەلقئارادىكىلەرگىمۇ يۈكسەك پاراڭ تېمىسى پەيدا قىلىپ بەردى. 16-ماي كاننېس قىزىل گىلەم مۇراسىمىدا كىشىنى چۆچىتىدىغان مايكول جېكسون پەيدا بولدى. قېنىق گىرىم قىلىۋالغاچقا، قايسى دۆلەتنىڭ ئادىمى ئىكەنلىكىنى بىلگىلى بولمايتتى. بىراق تورداشلار ئۇنىڭ يېنىدىكى ئايال ھەمراھىنى كۆرگەندىن كېيىن، دەقىقە ئىچىدە ئىشنىڭ چاتاقلىقىنى بايقىدى. ئارقىدىنلا بىر تورداش ئۇنىڭ دۆلەت ئىچى ۋە سىرتىدا ئازىراق نامى بار مايكول جېكسوننىڭ دورىغۇچىسى ئىكەنلىكىنى ئاشكارىلىدى. بىراق ئۇنىڭ مايكول جېكسوننى دوراپ قىزىل گىلەمدە ماڭغاندىكى تۇرقىمۇ يەتكۈچە گەپكە قالدى.

بۇ «مايكول جېكسوننىڭ ئاسىيادىكى بىرىنچى كەسپىي دورىغۇچىسى» شەرىپىگە ئېرىشكەن دورىغۇچى، يەنىلا جېكسونغا خېلىلا ئوخشىشىدۇ، بىراق سۈرەتنى چوڭلاتقاندىن كېيىن، بۇ بۇرنىنىڭ تۈكى سەل باشقىچە ھە، مەيلى سورۇنغا قاتناشقان بولسۇن ياكى ئادەتتىكى تۇرمۇشتا بولسۇن، سەل-پەل شەخسىي تازىلىققا دىققەت قىلىش كېرەكتە.

«مايكول جېكسون» بىلەن ھەمراھى بىرلىكتە كاننېس قىزىل گىلىمىدە ماڭغاندا، ئەتراپتىكى فوتوگرافلارغا سالام قىلىشنى ئۇنۇتمىدى.

مايكول جېسكوننىڭ كىلاسسىك ھەرىكىتى، ئارقىسىدىكى فوتوگرافلار نېمە قىلارىنى بىلەلمەي، مەڭدەپلا قالغاندەك كۆرۈنەتتى.

يەنە بەزى تورداشلار مايكول جېكسوننىڭ ئۆزىنىڭ كاننېس قىزىل گىلىمىدە ماڭغاندىكى كونا سۈرىتىنى ئاشكارىلىدى.

قىزىل گىلەمدە مېڭىشتىن بۇرۇن، بۇ دورىغۇچى يەنە مىكرو بىلوگ ئېلان قىلىپ، پائالىيەتكە مېڭىش يولىدا مەستانىلەرنىڭ ئورىۋېلىشىغا ئۇچرىغانلىقىنى ئېيتقان. بىراق بۇ يەنىلا چەتئەللىك تورداشلارنىڭ ئۇنىڭ قىزىل گىلەمدە ماڭغاندا كۆپچىلىكنىڭ زاڭلىق قىلىشىغا ئۇچرىغاندىكى قارىشىنى ئۆزگەرتەلمىگەن ئۇلار: «بۇ قازا قىلغۇچىنى بەكلا ھۆرمەت قىلمىغانلىقمۇ قانداق... مايكول جېكسوننىڭ ئائىلىسدىكىلىرى كۆرسە، قانداق تۇيغۇدا بولىدىغاندۇ، بۇنىڭغا نېمە دېگۈلۈك، بايامقى تۆشۈكتىكى نەرسە نېمە ئەمدى»، «مەن مايكول جېكسوننىڭ مەستانىسى، بىراق بۇ ئادەمنى كۆرۈپ، بۇ زادى نېمە؟ دەپ ئويلىدىم»، «مايكول جېكسون بەكلا قارىلىنىپ كەتتىمۇ-قانداق»، دېيىشكەن.

باش سۈرەت تاللاش x
  • 风景6 كۈن ئىلگىرى

    ئىسمىنىمۇ بىلگىلى بولمايدىغان تور چولپىنىنىڭ سەتلىشىشى، لى يۈگاڭنىڭ ئۈچ قېتىم قوغلاپ چىقىرىلىشى
    بۇنداق خەقلەر قانداق بېرىپ قالىدىغاندۇ ئۇيەرگە كۆپىنچىسى پۇرسەت ئىزدەپ بارىدىكەن،،

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号