باش بەت

نۇسرەتگۈل

11230يوللانما
211مەستانە

مىڭ تەستە 100 كىلوگىرام ئورۇقلىغان ئايال قايتا سەمىرىشكە مەجبۇر بولدى

مەنبە:تېڭشۈن تورى يوللانغان ۋاقىت:2018-05-16 11:34 2 ئىنكاس چۈشتى

تېڭشۈن تورى 15-ماي خەۋىرى، نۇر تورى تەرجىمىسى:

ئەنگىلىيە «ئەينەك گېزىتى»نىڭ 15-مايدىكى خەۋىرىگە ئاساسلانغاندا، ئەنگىلىيەنىڭ مېرسېيسايد ۋىلايىتىدىكى بىر ئانا مىڭ تەستە 100 كىلوگىرام ئورۇقلىغاندىن كېيىن بەدىنىنى ئارتۇق تېرە قاپلىغان، بۇ تېرىلەرنى ئالدۇرۇۋەتمەكچى بولغاندا دوختۇرلار ئۇنى قايتا سەمىرىتىپ ئوپېراتسىيە قىلىش ئۆلچىمىگە لايىقلاشتۇرۇشى كېرەكلىكىنى بىلدۈرگەن.

بۇ يىل 44 ياشقا كىرگەن لسا سىمىس 2008-يىلى بىر ئوغۇل يەڭگىگەندىن كېيىن دوختۇرلار ئۇنىڭ ئېغىرلىقىنىڭ نورمال چەكتىن زور دەرىجىدە ئېشىپ كەتكەنلىكىنى، يەنە دىيابىت بىلەن مۇناسىۋەتلىك يۈرەك كېسىلى بولۇپ قالغانلىقىنى، شۇڭا ئورۇقلىمىسا ھاياتىغا خەۋپ يېتىدىغانلىقىنى ئېيتقان. ئورۇقلاشتىن ئىلگىرى لىسانىڭ (Lisa Smith) ئېغىرلىقى ئەڭ يۇقىرى بولغاندا 177 كىلوگىرامغا يەتكەن. ئۇ يېمەك-ئىچمىكىنى قاتتىق كونترول قىلغاندىن كېيىن ئېغىرلىقى 70 كىلوگىرامغا چۈشكەن، بىراق، ھەر كۈنى ئىنسۇلىننى ئوكۇل قىلىپ سېلىش ئارقىلىق دىيابىت كېسىلىنى كونترول قىلغان.

ئورۇقلىغاندىن كېيىن لىسانىڭ بەدىنىنى ئارتۇق تېرە قاپلىغان، دوختۇرلار بۇ ئارتۇق تېرىلەرنى ئوپېراتسىيە ئارقىلىق ئېلىۋەتسە بولىدىغانلىقىنى، ئەمما ئوپېراتسىيە قىلىش ئۆلچىمىگە توشۇشى ئۈچۈن ئۇنىڭ قايتا سەمىرىشى كېرەكلىكىنى ئېيتقان.

لىسا ھازىر تولىمۇ ئوڭايسىز ئەھۋالغا چۈشۈپ قالدى، مىڭ تەستە 100 كىلوگىرام ئورۇقلىسا سالامەتلىكى تېخىمۇ ناچارلىشىپ كەتتى، يەنە تېخى قايتا سەمىرىشكە ئېھتىياجلىق بولدى. دەسلەپتە ئۇ ھەقسىز داۋالىنىشتىن بەھرىمەن بولۇش ئۈچۈن ئورۇقلىغان ھەم بۇ سەۋەبتىن ئىشتىھاسىزلىق كېسىلى بولۇپ قالغان.

لىسا دوختۇرلارنىڭ گېپىنىڭ تولىمۇ كۈلكىلىك ئىكەنلىكىنى، بىراق، سالامەتلىك ئۈچۈن قوبۇل قىلمىسا بولمايدىغانلىقىنى ئېيتتى. لىسانى ھەقىقەتەن نەس باستى دەپ ئېيتىشقا بولىدۇ. 10 يىل ئىلگىرى ئۇ ئوغلىنى يەڭگىگەندە زىققا كېسىلى سەۋەبلىك ھاياتىدىن ئايرىلغىلى قىل قالغان، كېيىن دىيابىت پەيدا قىلغان يۈرەك كېسىلى دەپ دىياگنوز قويۇلغان.

باش سۈرەت تاللاش x
  • 0998 叶城6 كۈن ئىلگىرى

    مەنمۇ يۈگرەپ ۋىلىسپىت مىنىپ 5 ئايدە ئاران 14 كىلو ئورۇقلىدىم تۇنجى ئايدىلا 7 كىلو ئورۇقلىغان كىيىن ھاۋا ئىسسىپ بىڭگۇر ماروژنى دىگەندەك نەرسىلەنى كۈندە ئىككى ئۈچتىن يەپ ئىككى ئاي يەپ ساپتىمەن 2 ئاي جەريانىدا پەقەت ئورۇقلىمدىم كىيىن بىلسەم بىڭگۇر دىگەندەكلەمۇ بەك سەمىرتىمىش كىيىنكى 4 ئايدا ئاران 7 كىلو ئورۇقلىدىم ھازىر بىڭگۇر يىمەس بولدۇم

  • Fahri6 كۈن ئىلگىرى

    جاھاننىڭ ئىشلىرى ئېگىز پەس.

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号