باش بەت

نۇسرەتگۈل

11230يوللانما
211مەستانە

قىممەتلىك ھايۋاناتلارنىڭ جەسىتى بىلەن سۈرەتكە چۈشكەن بىرمىلىق ئايال قولغا ئېلىندى

مەنبە:تېڭشۈن تورى يوللانغان ۋاقىت:2018-05-16 12:18 4 ئىنكاس چۈشتى

تېڭشۈن تورى 15-ماي خەۋىرى، نۇر تورى تەرجىمىسى:

ئۇنىۋېرسال تاراتقۇلارنىڭ خەۋىرىگە ئاساسلانغاندا، بىرمىلىق ئايال ئاخ لىن تۇچ (Ah Lin Tuch) تورغا ھەرخىل قىممەتلىك ھايۋاناتلارنىڭ جەسىتىنى تۇتۇپ چۈشكەن سۈرىتىنى يوللىغان ھەم ئۇلارنى پىشۇرۇپ يېگەن جەريانىنى بىۋاستە كۆرسىتىپ «تور چولپىنى»غا ئايلانغان.

ئاخ لىن تۇچ يولدىشى بىلەن تورغا بىر يۈرۈش ۋىدېئو يوللىدى. بۇ ۋىدېئولارنىڭ بىرىدە ئۇنىڭ ئاز ئۇچرايدىغان، قوغدىلىدىغان ھايۋان ۋىۋېررىنا مۈشۈكىنىڭ تېرىسىنى تۇتۇپ تۇرغانلىقى كۆرسىتىلگەنىدى.

ئاخ لىن تۇچ يەنە ئاز ئۇچرايدىغان قۇشلار ۋە چوڭ كەسلەنچۈكنى ئۆز ئىچىگە ئالغان خېلى كۆپ قوغدىلىدىغان ھايۋاننىڭ جەسىتى بىلەن سۈرەتكە چۈشتى. 

ئاخ لىن تۇچ بۇ ھايۋاناتلارنى گۈلخان يېقىپ پىشۇرغاندىن كېيىن كامېرانى ئۆزىگە توغرىلاپ تۇرۇپ يېدى. بۇ ئەر-ئايال مۇشۇ ئۇسۇل ئارقىلىق خېلى كۆپ كىرىم قىلدى.

ئۇنىڭ قورقۇنچلۇق تاماق تىزىملىكىدە يەنە بىر كۆزەينەكلىك يىلان، بىر لەھەڭ، بىر ئالۋاستى بېلىق ۋە ھەرخىل پاقىلار بار.

بۇ ۋىدېئولار تورداشلارنىڭ كۈچلۈك غەزىپىنى قوزغىدى، بىرما دۆلەتلىك مۇھىت ئاسراش مىنىستىرلىكىمۇ ئاخ لىن تۇچ ئەر-ئايالغا تۇتۇش بۇيرۇقى چىقاردى. گەرچە ئۇلار ئاممىدىن ئۆزلىرىنىڭ تەبىئەت ئېكىلوگىيەسىنى بۇزغۇنچىلىققا ئۇچراتقانلىقى ئۈچۈن كەچۈرۈم سورىغان بولسىمۇ، ئەمما مۇھىت ئاسراش مىنىستىرلىكى ئۇلارنى بوش قويۇۋېتىشنى خالىمىدى.

مۇناسىۋەتلىك ئورۇننىڭ بىر ئەمەلدارى ئۆزلىرىنىڭ بۇ ئەر-ئايالغا قانۇنىي تەدبىر قوللانغانلىقىنى، ئۇلار ئۆلتۈرگەن يېگەن ھايۋاناتلارنىڭ كۆپىنچىسىنىڭ دۆلەت دەرىجىلىك قوغدىلىدىغانلىقىنى، تېرىسى سويۇۋېلىنغان ۋىۋېررىنا مۈشۈكىنىڭ نۆۋەتتە نەسلى قۇرۇپ كېتىش ھالىتىدە تۇرغان قىممەتلىك تۈر ئىكەنلىكىنى ئېيتتى. بىراق، مۇناسىۋەتلىك ئورۇنلار بۇ ئەر-ئايالنىڭ ۋىۋېررىنا مۈشۈكىنى ئۆزى ئۆلتۈرگەن ياكى قاراڭغۇ بازاردىن سېتىۋالغانلىقىنى بىلمەيدۇ.

ھازىر ئۇلار قولغا ئېلىنىپ تەكشۈرۈلۈۋاتىدۇ. ئاخ لىن تۇچ ئۇ ھايۋاناتلارنىڭ قوغلىدىغانلىقىنى بىلمەيدىغانلىقىنى ھەم ئۇلارنىڭ ئېكىلوگىيەلىك مۇھىتتىكى مۇھىملىق دەرىجىسىنى چۈشەنمەيدىغانلىقىنى تەكىتلىدى.

باش سۈرەت تاللاش x
  • 斯尔达西5 كۈن ئىلگىرى

    ئاياللارمۇ شۇنداق باغرى تاش كىلدىكەن دىسە

  • xohboy59386 كۈن ئىلگىرى

    خاتالىق ئۆتكۈزگەنىكەن چوقۇم بەدەل تۆلىشى كىرەك .

  • غېرىپلىق6 كۈن ئىلگىرى

    بۇ گەپچە بۇ خوتۇننىڭ ئالدىغا بىرە ئىككى ئۈچەي بىلىق كەلسمۇ يانماي كاۋاپ قىلدىكەندە

  • قاغىلىق لاچىنى6 كۈن ئىلگىرى

    يەپ… يەپ، ئۇچرىغانكى جانۋارنىڭ ھەممىنى يەپ «تور چولپانى» بولۇش ئۈچۈن، نى ئىسىل ھايۋاناتلارنىڭ نەسلى قۇرىۋاتىدۇ…
    بۇلارنىمۇ شىر ياكى يولۋاس تۇتىۋىلىپ، پۇتى تەرىپىدىن باشلاپ ئاز-ئازدىن ھەپتە يىسە بولمامدۇ دەيمەندە…

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号