باش بەت

ياقۇپجان قۇناخۇن

506يوللانما
20مەستانە

ئىنسان تەبىئىتىگە ئائىت بەش ھەقىقەت

مەنبە:بۈگۈنكى مۇھىم خەۋەر يوللانغان ۋاقىت:2018-05-17 00:00 1 ئىنكاس چۈشتى

بۈگۈنكى مۇھىم خەۋەرلەر تورى خەۋىرى، نۇر تورى تەرجىمىسى: ئاتالمىش ئىنسان تەبىئىتى بولسا ئىنساننىڭ پىسخىكىسىدىكى بەزىبىر تۇغما، چوڭقۇر ئورناپ كەتكەن نەرسە. بۇ نەرسىلەرنى ئۆزگەرتىش ئىنتايىن قىيىن، يەنە كېلىپ ئۇ بىزنىڭ ئوي-خىياللىرىمىزغا تەسىر قىلىدۇ. پىسخىكا ئىلمى نۇقتىسىدىن ئېيتقاندا، تۆۋەندىكى ئىنسان تەبىئىتى توغرىسىدىكى بەش ھەقىقەتنى قانچە بالدۇر بىلىۋالسىڭىز شۇنچە ياخشى.

1. بىز ھەمىشە ئۆزىمىزنىڭ ماسلىشىش ئىقتىدارىمىزنى تۆۋەن مۆلچەرلەپ قويىمىز

باشقىچە قىلىپ ئېيتقاندا، بىز ھەمىشە بەزى ئىشلارنىڭ پىسخىكىمىزغا بولغان تەسىرىنى يۇقىرى مۆلچەرلەپ قويىمىز. ئۆزىمىزنىڭ ئۆتمۈشىمىزنى ئەسلىگىنىمىزدە، ئاشۇ يىللىرى بىزگە نىسبەتەن ئوچۇق ئاسماندا چاقماق چاققاندەك بولۇپ كەتكەن ئىشلار، مانا ئەمدىلىكتە قەلبىڭىزدە قىلچە دولقۇن پەيدا قىلالمايدۇ. ئەينى يىللىرى سىز چىش-تىرنىقىڭىزغىچە ئۆچ بولۇپ كەتكەن بەزىبىر ئىشلارنىمۇ بەلكىم ھازىر ئاستا-ئاستا قوبۇل قىلالايدىغان بولۇپ قالدىڭىز. بىزنىڭ پىسخىكىمىز تەسەۋۋۇر قىلغىنىمىزدىنمۇ بەكرەك ئاسان ئۆزگىرىدۇ، بۇ خىل ماسلىشىشچانلىق ھەممە ئادەمدە بار بىر خىل ئىقتىدار، ئادەتلىنىش بىزنىڭ تۇغما ئىقتىدارىمىز.

2. بىز زىياندىن قورقىمىز

ھەرقانداق بىر ئادەم ئۈچۈن ئېيتقاندا، يوقىتىش ئېرىشىشتىنمۇ ئازابلىق. پىسخىكا ئىلمىدا مۇنداق بىر سىناق بار: ئەگەر سىزنىڭ ئىككى تاللىشىڭىز بار بولسا، بۇنىڭ بىرىنچىسىدە سىزگە بىر مىليون بەرسە، ئىككىنچىسىدە سىزگە 10 مىليون بەرسە، لېكىن ئېرىشىش نىسبىتى ئاران بىر پىرسەنت بولسا، سىز بەلكىم ھېچنىمىگە ئېرىشەلمەي قېلىشىڭىز مۇمكىن. ئۇنداقتا سىز قايسىنى تاللايسىز؟ گەرچە ئىككىنچى خىل تاللاشنىڭ كۈتۈلمە قىممىتى بىرىنچى خىل تاللاشنىڭ 10 ھەسسىسىگە باراۋەر بولسىمۇ، %90 تىن ئارتۇق ئادەم بىرىنچىسىنى تاللايدۇ. بۇ خىل پايدا-زىيان سىممېترىك بولمىغان پىسخىك ھالەتتە، كۆپىنچە ھاللاردا ئەكسىچە يوقاتقىمىز تېخىمۇ كۆپ بولۇپ كېتىدۇ.

3. ئۆزىمىزگە زىيادە ئىشىنىش

بىر تۈرلۈك پىسخىك تەكشۈرۈشتىن مەلۇم بولۇشىچە، %90 تىن ئارتۇق ئادەم ئۆزىنىڭ %50 ئادەمدىن ئەقىللىق ئىكەنلىكىگە ئىشىنىدىكەن. بىز ھەمىشە بىلىدىغانلىرىمىز ئەمەلىيەتتىكىدىن تېخىمۇ كۆپ دەپ قارايمىز (خامۇشلۇق كېسىلى بىمارلىرى بۇنىڭ سىرتىدا). بۇ خىل زىيادا ئىشىنىش ئورنى بىزدىن تۆۋەن ئادەملەرنى ئۇچراتقاندا تېخىمۇ بەكرەك كۈچىيىپ كېتىدۇ. بۇ خىل پىسخىكىدىن كېلىپ چىققان «مېنىڭچە» «مېنىڭ ھېس قىلىشىمچە» «مەن ئىشىنىمەن» دېگەنلەر، بىزنىڭ مەغلۇبىيىمىزنى كەلتۈرۈپ چىقىرىدىغان ئەڭ ئاساسلىق ئۈچ خىل ئەھۋالدۇر.

4. بىز پەقەت ئۆزىمىز ئىشىنىدىغانلارغىلا ئىشىنىمىز

پەرەز قىلىش ئەزەلدىن بىزنىڭ ئادىتىمىز، ئىنسانلار ھەمىشە باشقا مەنىدىكى ئۇچۇرلار ئىچىدىن ئۆزى ئەڭ ئىشەنچىلىك دەپ قارىغان چۈشەنچىلەرنى ئىزدەپ تاپالايدۇ ھەمدە مەلۇم خىل بىر تەرەپلىمە قاراش شەكىللەندۈرىدۇ، ئاندىن بىز ئۆزىمىزنىڭ چۈشەندۈرۈشىگە ئۇيغۇن كېلىدىغان دەلىل-ئىسپاتلارنى توپلايمىز، لېكىن بۇ ۋاقىتتا بىزگە زىدىيەتلىك ئۇچۇرلارغا سەل قارايمىز. شۇنىڭ بىلەن پىسخىكىمىزدا چوڭقۇر يىلتىز تارتقان بىر تەرەپلىمىلىك شەكىللىنىدۇ. شۇڭا بىز ئەمەلىيەتتە پەقەت ئۆزىمىز ئىشىنىمەن دەپ ئېيتقان شەيئىلەرگىلا ئىشىنىمىز، ئوخشاشلا باشقىلارنىڭ سىزگە مەلۇم خىل بىر تەرەپلىمە قارىشى بار بولسا، ئۇنى بۇرمىلاپ ئۆزگەرتىشمۇ ئىنتايىن قىيىن.

5. مۇتلەق كۆپ قىسىم ئادەملەر تۇغما ئىقتىدارغا قارشىلىق كۆرسىتىشكە ئامالسىز

ئىنسانلار تۇغما ئىقتىدارغا ئاساسەن ھەرىكەت قىلىدىغان ھايۋان ئەمەس، بۇ بىزنىڭ ئەڭ پەخرىلىنىدىغان تەرىپىمىز. لېكىن پىسخىلوگلار، بىزنىڭ تۇغما ئىقتىدارىمىزنىڭ كۈندىلىك تۇرمۇشىمىزدا تەپەككۇرىمىزغا بولغان تەسىرىنىڭ، ئويلىغىنىمىزدىكىدىنمۇ زور ئىكەنلىكىنى بايقىدى. بىز تاشقى قىياپەتكە قاراپ باھا بەرسەك، بۇ كۆپىيىش ئىستىكىنىڭ تەپەككۇرغا بولغان تەسىرى. بىز ھوقۇققا بويسۇنۇپ كىشىلەر بىلەن ئالاقە قىلساق، ياشاش ئىقتىدارىنىڭ تەپەككۇرغا بولغان تەسىرى ھېسابلىنىدۇ. ئەمەلىيەتتە تۇغما ئىقتىدارنىڭ پىسخىكىغا بولغان تەسىرى نەچچە ئون مىڭ يىللىق تەدرىجى تەرەققىيات جەريانىدا ئاستا-ئاستا شەكىللىنىپ، ئىنسانلارنىڭ تۇغما قابىلىيىتى بىلەن ئىجتىمائىي ئەخلاق ئاللىقاچان بىرلىشىپ كەتكەن. ئاتالمىش تۇغما ئىقتىدارنى بېسىش، ئەمەلىيەتتە پەقەت بىر خىل تۇغما ئىقتىدارنىڭ يەنە بىر خىل تۇغما ئىقتىدارنى بېسىشى خالاس.

خاتىمە: مانا بۇ ئىنسان تەبىئىتى توغرىسىدىكى بەش ھەقىقەت، بىزنىڭ قەلبىمىزگە چوڭقۇر ئورناپ كەتكەن بۇ پىسخىك ئەندىزىلەرنى ئۆزگەرتىشىمىز ئىنتايىن قىيىن ھەتتا مۇمكىن بولمايدىغان ئىش، بۇلارنى بىلىۋالساق، ئۆزىمىزنىڭ پىسخىكىسىنى تېخىمۇ ياخشى چۈشىنىپ، باشقىلارنىڭ ئىش-ھەركىتىنى چۈشىنىدىغان كەڭ قورساقلىققا ئىگە بولالايمىز.

باش سۈرەت تاللاش x
  • mastana1 ھەپتە ئىلگىرى

    ھە شۇڭا ئاشۇنچىۋالا ھەقىقەتەن پاكىت دەلىل ئىسپات ئالدىدىمۇ شاھرۇھ خاننى ئامىردىن تۆۋەن كۆرىدىكەندە شۇڭا بەزى بىر كىشلەر ، لىكىن شاھرۇھ خاننى ياخشى كۆرىدىغانلار بەك كۆپ ھېي

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号