باش بەت

مۇخپۇل تۇرسۇن

210يوللانما
19مەستانە

قۇياش ئۆلگەندىن كېيىن نېمىگە ئايلىنىپ قالىدۇ؟

مەنبە:cnBeta تورى يوللانغان ۋاقىت:2018-05-16 22:10 24 ئىنكاس چۈشتى

cn بېتا تورى 16- ماي خەۋىرى، نۇر تورى تەرجىمىسى: 

قۇياشنىڭ ھاياتلى ئاخىرلاشقاندا نېمىگە ئايلىنىپ قالىدۇ؟ نۆۋەتتە، ئاسترونوملار بۇ ھەقتە يېڭى جاۋابقا ئېرىشتى ھەمدە ئۇلارنىڭ يەكۈنى كىشىنى تولىمۇ جەلىپ قىلىدۇ. تۇرغۇن يۇلتۇزنىڭ ھەممىسى ھالاك بولىدۇ، بىزنىڭ قۇياشىمىزمۇ كەلگۈسىدىكى بەش مىليارد يىلدا ھالاك بولۇش يولىغا ماڭىدۇ. ئەگەر قۇياشتا مەۋجۇتلۇقنى ساقلاپ تۇرغان ھىدروگىن گازى خوراپ تۈگىسە، ئۇنىڭ ئاخىرقى ھاياتلىق مۇساپىسى تولىمۇ تراگىدىيەلىك تۈسكە ئىگە بولۇپ قالىدۇ. قۇياش ئالدى بىلەن بىر دانە غايەت زور قىزىل يۇلتۇز بولۇپ كۆپىدۇ، ئۇنىڭدىن كېيىن پارچە- پارچە بولۇپ كېتىدۇ، ئاخىرىدا بىر ئاق پاكار يۇلتۇز بولۇپ قېتىپ قالىدۇ.

 

سۈرەتتە: 39 Abell پلانېتىسىنىڭ تۇمان بۇلۇتى، دىئامېتىرى تەخمىنەن بەش يورۇقلۇق يىلى، يەر شارىدىن تەخمىنەن 7000 يورۇقلۇق يىلى يىراقلىقتا.

 

«تۇرغۇن يۇلتۇزنىڭ ئۆمرى» ھەجمىنىڭ چوڭ- كىچىكلىكىگە باغلىق، بىزنىڭ قۇياشىمىز بىر سېرىق پاكار يۇلتۇز بولۇپ، دىئامېتىرى بىر مىليون 400 مىڭ كىلومېتىر كېلىدۇ. ئامېرىكا ئالەم قاتنىشى ئىدارىسىدىكىلەرنىڭ بىلدۈرۈشىچە، ئادەتتىكى ئەھۋالدا سېرىق پاكار يۇلتۇزنىڭ ئۆمرى تەخمىنەن 10 مىليارد يىل بولىدىكەن، ھازىر قۇياشنىڭ مەۋجۇت بولغىنىغا تۆت مىليارد 500 مىليون يىل بولدى، بۇ ئەھۋال قۇياشنىڭ ئوتتۇرا ياشقا كەلگەنلىكى، ئۆمۈر مۇساپىسىنىڭ يېرىمى تۈگىگەنلىكىدىن دېرەك بېرىدۇ.

ئەگەر قۇياشتا مەۋجۇتلۇقنى ساقلاپ تۇرغان ھىدروگىن گازى خوراپ تۈگىسە، ئۇ ھالدا قۇياشتا بىر قەدەر ئېغىر ئېلېمېنتلار خوراشقا باشلايدۇ. بۇنىڭ بىلەن قۇياشنىڭ ھەجمى 100 ھەسسىگىچە ئېشىپ، بىر قىزىل گىگانت يۇلتۇزغا ئايلىنىپ قالىدۇ- دە، نۇرغۇنلىغان يۇلتۇزلار ئارا ماددىلار ئالەم بوشلۇقىغا كىرىدۇ. بۇنداق داۋالغۇش مەزگىلىدە، قۇياش قىزىل گىگانت يۇلتۇز ھالىتىدىن تەدرىجىي ھالدا كىچىك تىپتىكى، زىچلىقى يۇقىرى ئاق پاكار يۇلتۇزغا ئۆزگىرىدۇ، ھەجمىمۇ تەخمىنەن يەر شارىچىلىك بولۇپ قالىدۇ.

قۇياش تەدرىجىي سوۋۇۋاتقان بىر ئاق پاكار يۇلتۇزغا ئايلىنىپ قالغان چاغدا، ئۇ قىزىل گىگانت يۇلتۇز مەزگىلىدە ئالەم بوشلۇقىغا قويۇپ بەرگەن چاڭ- توزان گاز بۇلۇتىنى يورۇتىدۇ. ئۇزۇن مەزگىلدىن بۇيان، بۇنداق چاڭ- توزان گاز بۇلۇتىنى ئېنىق كۆزەتلىكى بولىدىغان- بولمايدىغانلىقى ھېلىھەم بىر سىر بولۇپ كەلمەكتە. ھالاك بولغان تۇرغۇن يۇلتۇزلارنىڭ تەخمىنەن %90تى ئەرۋاھسىمان چاڭ- توزان ھالقىسى قويۇپ بېرىدۇ، بۇنداق ئەھۋال نەچچە مىڭ يىل داۋاملىشىدۇ، ئەمما نەچچە 10 يىل ئىلگىرىكى كومپيۇتېر تەقلىدىي ھالىتىدىن كۆرسىتىلىشچە، بىر تۇرغۇن يۇلتۇز قۇياش ماسسىسىنىڭ ئىككى ھەسسىسىگە يەتكەندە، ئاندىن ئېنىق كۆزەتكىلى بولىدىغان چاڭ- توزان بۇلۇتى قويۇپ بېرەلەيدىكەن.

لېكىن، بۇنداق مۆلچەر يۇلتۇز سىستېمىسىدىكى چاقناش ھادىسىسىگە ئۇيغۇن كەلمەيدۇ. بۇ مۆلچەردە كۆرسىتىلىشچە، ياش قاينام يۇلتۇز سىستېمىسىدا كۆرگىلى بولىدىغان يۇلتۇز تۇمانى دەرىجىدىن تاشقىرى چوڭ ماسسىلىق تۇرغۇن يۇلتۇز يېتىشتۈرۈپ چىقالايدۇ، ئۇلار ئۆمرىنىڭ ئاخىرقى مەزگىلىدە ھاسىل قىلغان يورۇق چاڭ- توزان بۇلۇتىنى ناھايىتى ئاسانلا بايقىغىلى بولىدۇ.

بۇ كومپيۇتېر تەقلىدىي نەتىجىسىگە ئاساسلانغاندا، يۇلتۇز بۇلۇتىمۇ تۆۋەن ماسسىلىق تۇرغۇن يۇلتۇزلار تارقالغان قەدىمىي ئېللىپىس شەكىللىك يۇلتۇز سىستېمىسىدا نۇر چىقىرالايدۇ، لېكىن، بۇنداق تۆۋەن ماسسىلىق تۇرغۇن يۇلتۇزلاردا ئەسلىدىنلا كۆرگىلى بولىدىغان چاڭ- توزان گاز بۇلۇتى ھاسىل بولمايدۇ. بۇ تەتقىقاتقا مەسئۇل بولغان مۇتەخەسسىسنىڭ كۆرسىتىشىچە، بۇ بىر چۈشىنىكسىز ھەم روشەن زىددىيەتلىك نۇقتىئىنەزەر بولۇپ، تۆۋەن ماسسىلىق تۇرغۇن يۇلتۇزلارنىڭ ئۆمرىنىڭ ئاخىرقى مەزگىلى «ئۇزاق مەزگىل مەۋجۇت بولۇپ تۇرغان بىر سىر» ئىكەن.

ئالىملار بۇ سىرنى ئېچىش ئۈچۈن بىر خىل يېڭى تىپتىكى كومپيۇتېر مودېلىنى تەتقىق قىلىپ، تۇرغۇن يۇلتۇزنىڭ ھاياتلىق دەۋرىنى مۆلچەرلىدى. ئەڭ يېڭى مودېل نەتىجىسىگە ئاساسلانغاندا، ئەگەر كۆپۈپ كەتكەن قىزىل گىگانت يۇلتۇز يۇلتۇز بۇلۇتى شەكىللەندۈرىدىغان چاڭ- توزان ۋە گاز جىسىم پۈركۈسە، قىزىل گىگانت يۇلتۇزنىڭ تېمپېراتۇرا ئۆرلەش سۈرئىتى ئىلگىرىكى مۆلچەردىن ئۈچ ھەسسە تېز بولىدىكەن. بۇنداق تېز سۈرئەتتە قىزىش ئەندىزىسى بەلكىم قۇياشقا ئوخشايدىغان تۆۋەن ماسسىلىق تۇرغۇن يۇلتۇزلار كۆرگىلى بولىدىغان يۇلتۇز بۇلۇتى شەكىللەندۈرۈشى مۇمكىن.

تەتقىقات دوكلاتىنىڭ ھەمكاشلاشقان ئاپتورى، ئەنگلىيە مانچېستىر ئۇنىۋېرسىتېتى ئاسمان جىسىملىرى فىزىكىسى ئالىمى ئالبېرت زىجلسترا بىر باياناتىدا مۇنداق دېيىلدى: بىز قۇياش ماسسىسىنىڭ 1.1 ھەسسىسىدىن تۆۋەن بولغان تۇرغۇن يۇلتۇزنىڭ غۇۋا يۇلتۇز بۇلۇتى ھاسىل قىلىدىغانلىقى، قۇياش ماسسىسىنىڭ ئۈچ ھەسسىسىدىن يۇقىرى تۇرغۇن يۇلتۇزنىڭ يورۇق يۇلتۇز بۇلۇتى ھاسىل قىلىدىغانلىقىنى بايقىدۇق.

ئالبېرت زىجلسترا تەكىتلەپ مۇنداق دېدى: ئەمما باشقىلارغا نىسبەتەن مۆلچەرلەنگەن يۇلتۇز بۇلۇتىنىڭ يورۇقلۇق دەرىجىسى كۆزىتىش قىممىتىگە ئىنتايىن يېقىن كېلىدۇ. نۆۋەتتە، بۇ ئەڭ يېڭى تەتقىقات دوكلاتى 7- ماي نەشىر قىلىنغان «تەبىئەت ئاسترونومىيەسى» ژۇرنىلىدا ئېلان قىلىندى.

باش سۈرەت تاللاش x
  • توغراق،شاھى1 ھەپتە ئىلگىرى

    تېلفون يېقىنقى 100 يىلنىڭ مەھسولى، قانداقتور 5 مىليارد يىل بورونقى پەرەز ئەمەس ،كەلگۇسى 100 يىللىق پەرەزلەر بولسا ئەلۋەتتە ،باشقىچە ئىنكاس يازساق بولوتتى.5 مىليارد يىل كىيىنكى ئىشلارنى .....ھە دوسلوروم.بەزىللىرڭىز داپقا چۇشكەن ماياقتەك سەكرەپ كىتىپسىز. .يېرىم چىلەك سو بەك شالاقلايدو شو.

  • @STOP1 ھەپتە ئىلگىرى

    ئارىمىزدىكى ئالىملارمۇ خىلى چۈشۈندىكەن،،،

  • ئىزدىنىش شىركىتى (تالقىنىم مەھسۇلاتلىرى)1 ھەپتە ئىلگىرى

    نۇر تورى «ئالىم» لىرى دانادۇر. سىلەر نېمە دېسەڭلار بولىدۇ. چۈنكى سىلەر ھەممە ئېتىراپ قىلغان خاۋكىڭنىمۇ تىللىغان تۇرساڭلار. دۇنيادا سىلەردىن باشقا ھەممە ئالىملار ساراڭ ھەم دۆت.

  • ئىزدىنىش شىركىتى (تالقىنىم مەھسۇلاتلىرى)1 ھەپتە ئىلگىرى

    7000 مىڭ يورۇقلۇق يىلى. نۇرنىڭ سۈرئىتىدە يەنى سكۇنتىغا 300 مىڭ كىلومېتىرلىق سۈرئەتتە 7000 مىڭ يىل يۈرگەندە ئاندىن يېتىپ بارغىلى بولىدۇدە. بۇمۇ كېيىن تەرەققىياتنىڭ ئېشىشىغا ئەگىشىپ ئەمەلگە ئېشىپ قالار، يەنى بوشلۇقنى قاتلاپ شۇ زامان بېرىش.

  • Fahri1 ھەپتە ئىلگىرى

    ئۈچ ھەسسە يوغىنايدۇ دەيدۇ ئۇ چاغدا قىززىقلىق ئۈچ ھەسسە ئاشتى دېگەن گەپ بۇ ئىلمى ئاساسى بار گەپلەركەن، قۇياشنىڭ يەر شارىغا ھەقىقەتەن بەك يىقىنلىشىدىغان مەلۇماتلارنى كۆرگەنىدىم مەن

  • 乔丹 231 ھەپتە ئىلگىرى

    مۇشۇندا قالايمىقان سۆزلەيدىغان ئالمىلا بىر نەسە تەتقىت قىلمە دىگچە سالاڭلا دۇختۇرخانىسقا بىرىپ كۇنلىرى شۇيەدە كۆتكۇزسە بوغىدەك

  • چەكسىزلىك1 ھەپتە ئىلگىرى

    مۇشۇنداق خەۋەرلىنى ئۇقۇسام ئۇقۇپ قورقۇنۇچ باسىدۇ مىنى

  • mastana1 ھەپتە ئىلگىرى

    قۇياشنىڭ ھاياتى بىلەن قالغىچىە ئۇ ئالىملار ئۆزىنىڭ ھاياتىنى ئويلاشسىچۇ ؟

  • ئەزمەت.1 ھەپتە ئىلگىرى

    مۇشۇنداق ئىنكاس يېزىشتىن قىلچىلىك ئۇيالمايدىكەنسىلەر ھەي ، بەزىلەر خوش ، ياقمىسا ئوقۇماي ، ئۆتۈپ كەتسەڭلار بولمىدىمۇ؟ ئىنكاس يازغۇچە گەپ قىلماي دېگەن ئىدىم ئەسلى چىدىغۇچىلىكىم قالمىدى. ماۋۇ ئىنكاسلارنى كۆرۈپ. قالايمىقان بىلجىرلىغانلىق دەپ كېتىپتۇ تېخى. كۈلگۈمنى. كەلتۈرۈپ. بۇ دېگەن يەنىلا بىر پەرەزغۇ. مۇشۇ دۇنيادىكى نۇرغۇن ئىشلار ئاۋۋال،پەرەز قىلىپ ئاندىن ۋۇجۇدقا كەلگەن غۇ مۇشۇ ئىنكاس يازغانلىرىنى. ساۋاتسىزمىكىن دېسە ، ئەسلى ھەي ، نادانلىق. ئۆزۈمغۇ بەك بىلىملىكمۇ ئەمەس. باشلانغۇچنىڭ ئالتىنچى يىللىقنى پۈتتۈرۈپلا مەكتەپتىن چېكىنىپ كەتكەن ئوتتۇرا مەكتەپتە ئوقۇيالمىغان. مۇشۇ ئالەم سىرلىرىغا بەك قىزىقىمەن.ئاستىرونومىيە خەۋەرلىرىنى بەك كۆرىمەن. بولسا مۇشۇنداق خەۋەرلەرنى جىقراق يوللاپ تۇرارسىلەر تەھرىرلەر.جاپا تارتتىڭلار.

  • تەدبىركار1 ھەپتە ئىلگىرى

    لىللا گەپ قىلسام قاملاشقان نۇرداشنىڭ پىكىرىنى قوللايمەن.مۇشۇ نۇ تورىدىكى بىر ئۇچۇم ساراڭلارنىڭ ئىنكاسىنى كۆرسەم ئىزدەپ بېرىپ كاللىسىغا نەچچە شاپىلاق كۆتىگە نەچچىنى تېپىۋېتىپ زۇۋانى بېسىققاندا ئاندىن چۈشەندۈرگۈم كېلىدۇ.
    ئىلىم -پەن تەرەققىي قىلىپ قايسى باسقۇچقا بېرىپ يەتتى؟ بۇنى سەنلەر ئاددىي كاللاڭ بىلەن چۈشىنەلەمتىڭ .ھازىر دۆلىتىمىز ياسىغان سېكىنۇتىغا 286مىلياد قېتىم ھېسابلاش ئىقتىدارىغا ئىگە دەرىجىدىن تاشقىرى كومپىيوتېر كەشىپ قىلىندى.ھەمدە چىمپىيون بولدى.
    50-60يىل بۇرۇنقى نەچچە توننا كېلىدىغان كومپىيوتېر ھازىر يانچۇقىمىزدا ، بۇرۇن نۇرغۇن ساقايماس دەپ قارىلىپ كەلگەن كىسەللەرنىڭ ۋاكسىنىسى بارلىققا كەلدى.خۇببىل تېللىسكوپى ئارقىلىق سىلەر كۆرۋاتقان نۇرغۇن سامانيولى سېستىمىلىرىنى كۆزىتەلىدى.ھەتتا نەچچە مىل يىل ئىلگىركى مايا ۋە مىسىرلىقلارنىڭ بىر يىلنىڭ تۆت پەسىل ھەم 365كۈن بولىدىغىنىنى ھېسابلاپ چىقالىدى . بۇنىمە ئۈچۈن ؟ چۈنكى سىلەر ساراڭ دەپ كېلۋاتقان بۇ كىشىلەر دۇنيانى ئۆزگەرتىش ئۈچۈن كۈچ قوشىۋاتقانلاردۇر.ئىينىشتىيىنىمۇ ساراڭ ،ئەقلى كەمتۈك دەيتتىكەن ئاخىرى قانداق بولدى ؟بەزەنلەر ستىفىن .خاۋكىڭنىمۇ ساراڭ پالەچ دەپ كەتكەن تورداشلاردىن شۇنى سوراپ باقاي،سىلەر نىمىش قىلالىدىڭلار ؟ بىرە نەزەرىيەنى ئوتتۇرغا قويۇپ بىرە ئىلمىي ماقالە يېزىپ باقتىڭلارمۇ؟ تارىختىن بۇيان دۆلىتىمىز ۋە چەتئەللەردە سىلەردەك ناچار، بىلىمسىز كىشىلەر بولغانلىقى ئۈچۈن تەرەققىيات 10يىل ئىلگىرلىسە 4-5يىل چېكىنىپ كېتىپ بارىدۇ .بىر تېما يوللانسا ھەدېسىلا ئەتىدىكى ئىشنى بىلمەي تۇرۇپ نەچچە مىليون يىلدىن كېيىنكى ئىشلارنى قانداق بىلىدۇ دەپ قوپىسىلە باشقىلارنىڭ ئىدىيىسىنى بۇلغاپ،بۇنداق دىيىشنىڭ ئورنىغا نىمە ئۈچۈن دىگەن سۇئالنى ئۆزىۈڭلارغا قۇيۇپ بېقىڭلا،بۇ دۇنيادا سىلەر تىللاۋاتقان ئەقلىي كەمتۈك ،ساراڭ ،ئالجىغان ئادەملەر بولغاچقا مۇشۇنچىلىك تەرەققىت قىلالىغان.

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号