باش بەت

نۇسرەتگۈل

8453يوللانما
213مەستانە

ھىندى ئوكيان چوڭقۇر دېڭىز تېگىدىن 800 نەچچە خىل چوڭقۇر دېڭىز جانلىقى بايقالدى

مەنبە:تېڭشۈن تورى يوللانغان ۋاقىت:2018-05-16 21:17 1 ئىنكاس چۈشتى

تېڭشۈن تورى 16-ماي خەۋىرى، نۇر تورى تەرجىمىسى:

ھىندونېزىيە تەتقىقات ئۆمىكى بىر نەچچە كۈن ئىلگىرى ياۋا ئارىلىنىڭ جەنۇبىدىكى ھىندى ئوكيان چوڭقۇر دېڭىز قىنىنىڭ 63 تەكشۈرۈش نۇقتىسىدىن 12 مىڭ دانىدىن كۆپ، 800 خىلدىن ئاشىدىغان غەلىتە چوڭقۇر دېڭىز جانلىقى بايقىدى. بۇلارنىڭ ئارىسىدا قاسراقلىق ھايۋاناتلاردىن دېڭىز سۈۋەرىكى، شەكلى غەلىتە راك ۋە قىسقۇچپاقا، شۇنداقلا كۆز ئالمىسى ناھايىتى چوڭ چوڭقۇر دېڭىز لولىگو سىياھبېلىقىمۇ بار.

سۈرەتتىكى تەتقىقاتچىنىڭ قولىدىكى دېڭىز سۈۋەرىكىگە «دارس ۋەدېر» دەپ لەقەم قويۇلغان. چۈنكى سىرتقى قىياپىتى ئادەمنى ۋەھىمىگە سالىدىغان غەيرىي پۇتلۇقلار تۈرىدىكى بۇ ھايۋان «پىلانېتلار ئۇرۇشى» دىكى قارا ياۋۇزغا ئوخشاش قورقۇنچلۇق.

چوڭقۇر دېڭىزدا ياشايدىغان «قوزۇق چىش بېلىق». دېڭىز تېگىدىكى جانلىقلار ھەمىشە كىشىگە بىر خىل «بەرىبىر يورۇقلۇق بولمىغاندىن كېيىن ھېچكىم كۆرمەيدۇ. شۇڭا خالىغانچە چوڭ بولىمەن» دەۋاتقاندەك تەسىر بېرىدۇ.

دەرىجىدىن تاشقىرى لولىگو سىياھبېلىقى كاۋىپى يېيىشكە پېتىنالامسىز؟

بۇ «زەنجىرسىمان ھەرە راكى» تاماق ئۈستەللىرىدىكى راكلارغا ئوخشىمايدۇ.

چوڭقۇر دېڭىز تېگىدىكى جانلىقلارنىڭ غەلىتە سىرتقى قىياپىتى ھەتتا ئادەمنى ئۇلارنىڭ بېلىق تۈرىگە ياكى باشقا جانلىققا تەۋە ئىكەنلىكىگە ھۆكۈم قىلىشتا قىينايدۇ.

بۇ قېتىمقى ئىككى ھەپتە داۋاملىشىدىغان تەكشۈرۈشتە تەتقىقاتچىلار 12 مىڭ دانە، 800 نەچچە خىل دېڭىز-ئوكيان جانلىقىنى كۆردى. بۇنىڭدىن دۆلەتلىك تەبىئەت تارىخى مۇزېيىنىڭ دېڭىز-ئوكيان جانلىقلىرى مۇتەخەسسىسىمۇ ھەيران قېلىپ: «بۇنىڭدىن بۇرۇن ھىندى ئوكيان دېڭىز تەۋەلىكىدىكى جانلىقلارنى تەكشۈرۈپ باقماپتىكەنمىز. شۇنىڭ ئۈچۈن بۇنىڭدىن ئىلگىرى ئۆزىمىزنىڭ نېمىلەرنى بايقىغانلىقىمىزنى بىلمەيمىز» دېدى.

تەكشۈرۈش ئەترىتىنىڭ باشلامچىسى تەكشۈرۈش جەريانىدا يەنە پۈتۈنلەي يېڭى تۈرلەرنى بايقىغانلىقىنى، بۇ جانلىقلارنىڭ ئىلىم-پەن ساھەسىدە ئەزەلدىن بايقىلىپ باقمىغانلىقىنى ئېيتتى.

دېڭىز-ئوكيانلاردا قىياپىتى غەلىتە، تەسەۋۋۇر قىلغىلى بولمايدىغان جانلىقلار نۇرغۇن. مەسىلەن بۇ يۇمشاق تەنلىك جانلىق قارىماققا بىر توپ زەمبۇرۇغقا ئوخشايدۇ.

تەكشۈرۈلگەن دېڭىز تەۋەلىكى ياۋا ئارىلىنىڭ جەنۇبىي دېڭىز قىرغىقى سىرتىدىكى ئۇزۇن ھىندى ئوكيان بەلبېغىنى، شۇنداقلا سۇماترا ئارىلىنى ئايرىپ تۇرىدىغان سانتا بوغۇزى بەلبېغىنى ئۆز ئىچىگە ئالىدۇ.

ھازىر دېڭىز-ئوكيانلارنىڭ بۇلغىنىشى سەل قاراشقا بولمايدىغان ئېغىر مەسىلىگە ئايلاندى. دېڭىز-ئوكيانلاردىكى سۇلياۋ ئەخلەتلەرنىڭ مىقدارى كەلگۈسى 10 يىلدا ئۈچ ھەسسە قاتلىنىپ، 2025-يىلىغا بارغاندا دېڭىز سۈيىدىكى سۇلياۋ ئەخلەت 150 مىليون توننىغا يېتىشى مۇمكىن.

كۆپ مىقداردىكى سۇلياۋنىڭ بۇلغىشى تەسىرىدە دېڭىز-ئوكيانلار يەر شارى ئېكىلوگىيەسىنى قوللاشتىكى غايەت زور رولىنى نورمال جارىي قىلدۇرالمايدىغان بولۇپ قالدى. سۇلياۋ ئەخلەتلەر يەنە كېسەللىك باكتېرىيەسىنى دېڭىز سۈيىدە كۆپەيتىدۇ ۋە تارقىتىدۇ. شۇنىڭ ئۈچۈن جانلىقلار ۋە ئېكىلوگىيەنى تەكشۈرۈش ئارقىلىق يەنە مەلۇم دەرىجىدە سۇلياۋ ئەخلەتلەرنىڭ دېڭىز-ئوكيانلارنى بۇلغاش دەرىجىسىگە ھۆكۈم قىلغىلى بولىدۇ.

بۇ قېتىمقى تەكشۈرۈشتە ئۈچ خىل ئۆمۈچۈك قىسقۇچپاقا بايقالدى. بۇلاردىن بىرىنىڭ كۆزىنى قوغداشقا ئىشلىتىدىغان غەلىتە قاسرىقى بار.

بۇ خىل كىچىك قىسقۇچپاقا «بېزەكچى قىسقۇچپاقا» دەپ ئاتىلىدۇ.

بۇ بىر پارازىت قىسقۇچپاقا.

بۇ قىزىل راك قارىماققا پىشۇرۇپ قويۇلغاندەك كۆرۈنىدۇ. بىراق، ئۇنىڭ رەڭگى تەبىئىي.

قىسقا باش چوڭقۇر دېڭىز چىپار سىنودۇس بېلىقى يەنە ئۈچ پۇتلۇق بېلىق دەپمۇ ئاتىلىدۇ.

باش سۈرەت تاللاش x
  • ئىزدىنىش شىركىتى (تالقىنىم مەھسۇلاتلىرى)1 ھەپتە ئىلگىرى

    مۇھىت بۇلغىنىشتىنمۇ كۆپلىگەن جانلىقلارنىڭ نەسلى قۇرۇپ كېتىپ بارىدۇ. قالايمىقان ئوۋ ئوۋلاشتىنمۇ كۆپلىگەن جانلىقلارنىڭ نەسلى قۇرۇپ كەتتى. يېقىندا تېخى دۇنيادىكى ئەڭ ئاخىرقى مەلۇم خىلدىكى كەركىدان ئۆلۈپ كەتتى. ئەمدى ئۇنداق خىلدىكى كەركىدان يەرشارىدا يوق. نەسلى قۇرىدى. ھەيييي

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号