باش بەت

نىجات

443يوللانما
56مەستانە

شەنشى ئۆلكىسىدە تۇخۇمدىنمۇ چوڭ مۆلدۈر ياغدى

مەنبە:تېڭشۈن تورى يوللانغان ۋاقىت:2018-05-16 21:50 7 ئىنكاس چۈشتى

تېڭشۈن تورى خەۋىرى، نۇر تورى تەرجىمىسى: 

5-ئاينىڭ 15-كۈنى سائەت 14 ئەتراپىدا، شەنشى ئۆلكىسى شاڭلو شەھىرى شاڭنەن ناھىيەسىدە تۇيۇقسىز قاتتىق مۆلدۈر يېغىپ كەتتى. ئەڭ يوغان مۆلدۈرنىڭ ھەجىمى تۇخۇمدىنمۇ چوڭ ئىدى. ئۇنىڭ ئۈستىگە بۇ مۆلدۈرنىڭ شەكلى سىلىق بولماستىن، بەلكى قىرلىق ھەرخىل شەكىلدە چوقچىيىپ چىققان مۆلدۈرلەر ئىدى.

مۆلدۈر يېغىش 10 نەچچە مىنۇت داۋاملاشتى. بۇ جەرياندا نۇرغۇنلىغان ماشىنىلارنىڭ ئەينىكى چېقىلىپ كەتتى. شاڭلو شەھەرلىك مېتېئورولوگىيە ئىستانسىسى 2018-يىلى 5-ئاينىڭ 15-كۈنى 14تىن 40 مىنۇت ئۆتكەندە سېرىق رەڭلىك گۈلدۈرمامىدىن ئاگاھلاندۇرۇش ئېلان قىلغان ئىدى، ئۇقتۇرۇشتا مۇنداق دېيىلدى: كەلگۈسى ئالتە سائەتنىڭ ئىچىدە شەھىرىمىزدىكى لونەن، شاڭجۇ، شاڭنەن، دەنفېڭ قاتارلىق رايونلاردا، گۈلدۈرماما، بوران ۋە قىسقا مۇددەتلىك مۆلدۈر يېغىش ئەھۋالى كۆرۈلۈشى مۇمكىن. ئالاقىدار تارماقلارنىڭ مۇداپىيەنى ياخشى قىلىشنى سورايمىز.

بۇ قېتىم ياغقان مۆلدۈرنىڭ شەكلى بەكلا غەلىتە بولۇپ، ئۈستى سىلىق بولماستىن، چوقچىيىپ چىققان قىرلىرى بار ئىدى. بۇ قېتىمقى مۆلدۈر ئاپىتىنىڭ زىيىنى خېلى چوڭ بولدى.

سىرتتا توختىتىپ قويۇلغان ماشىنىلارنىڭ كۆپىنچىسى بۇزغۇنچىلىققا ئۇچرىغان بولۇپ، زىيان ۋاقتىنچە ئىستاتىستىكا قىلىنمىدى. پاناھلىنىشقا ئۈلگۈرەلمىگەن موماينى مۆلدۈر يارىلاندۇرغان بولۇپ، شاڭنەن شەھىرىدىكى نۇرغۇن شەھەر ئاھالىلىرى مۆلدۈر سەۋەبىدىن يارىلاندى. 

مۆلدۈر تېگىپ ئايلىنىپ كەتكەن قىرغاۋۇل ناھايىتى ئاسان تۇتۇۋېلىندى.

سىرتتىكى ھايۋانلارمۇ بۇ ئاپەتتىن قېچىپ قۇتۇلالمىغان بولۇپ، بىر يىلان مۆلدۈر ئاستىدا نېمە قىلارىنى بىلمەي قالدى. 

دوستلار چەمبىرىكىدىكى مەزمۇنلارنىڭ ھەممىسى مۆلدۈر كەلتۈرۈپ چىقارغان ۋەقەلەر بىلەن تولغان بولۇپ. نۇرغۇن توكسىكلىتلار بۇ قېتىمقى مۆلدۈر ئاپىتىدە زىيانغا ئۇچرىغان. كىشىلەر تۇتۇۋالغان كۈنلۈكمۇ بۇ مۆلدۈرگە دالدا بولالماي تېشىلىپ كەتكەن.

دېرىزىدىن سىرتقا قارىغاندا ئادەمگە، بۇ مەنزىرە خۇددى 5-ئايدا قار ياغقاندەك تۇيغۇ ئېلىپ كېلەتتى.

بەزى چوڭ مۆلدۈرلەر قۇرامىغا يەتكەن ئادەمنىڭ قولىغىمۇ پاتمىدى.

سىرتقا قويۇپ قويۇلغان نەرسىلەر ئوخشىمىغان دەرىجىدە بۇزغۇنچىلىققا ئۇچرىغان ئىدى.

بۇ قېتىمقى مۆلدۈرنىڭ شەكلى غەلىتە بولۇشتىن سىرت، قاتتىقلىق دەرىجىسى تاشتىن قېلىشمايتتى.

باش سۈرەت تاللاش x
  • ئاھ گۈلۈم1 ھەپتە ئىلگىرى

    گىئولىگيەلىك ئەمەس مېترولىگىيەلىك ئاپەت دەيمىز، خېلى ئېغىر بوپتۇ،

  • 【暗耀】1 ھەپتە ئىلگىرى

    ئادەمنىڭ كاللىسىغا چۈشۈپ كەتسە چېقىۋاتقىدەك كاللىنى

  • Fahri1 ھەپتە ئىلگىرى

    فانتازىيەلىك كىنودىكىدەكلام ئىش بوپتىغۇ

  • ئوۋ بۈركۈتى1 ھەپتە ئىلگىرى

    مىترولۇگىيەلىك ئاپەت ئۇ

  • تىرەك بوستان1 ھەپتە ئىلگىرى

    توڭلاتقۇغا سېلىپ ساقلىغۇدەكلا مۆلدۈر ئوخشىمامدۇ...

  • 天山儿童1 ھەپتە ئىلگىرى

    گېئولوگىيىلىك ئاپەت دىيىلمەيدۇ بەلكى تەبئى ئاپەت دىيلىدۇ،گېئولوگىيە بولسا يەر ئاستىنى قىدىرىپ تەكشۈردىغان ئىلمى پائالىيەت،

  • @STOP1 ھەپتە ئىلگىرى

    گىئولوگىيلىك ئاپەت دىگەن شۇما،،،نىمانچە قوقۇنچىلىق ئىشلار بۇ

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号