باش بەت

نۇربىيە ئۇيقۇت

13938يوللانما
1423مەستانە

قەلبىڭىزنى «شۇررىدە» ئېرىتىۋېتىدىغان نادىر كىنولار

مەنبە:تور دۇنياسى يوللانغان ۋاقىت:2018-05-17 18:00 13 ئىنكاس چۈشتى

1. «مۇھەببەت · ئۆيگە قايتىش» (爱·回家)

خىزمەت ئىزدەشكە قولايلىق بولسۇن ئۈچۈن، ئانا يەتتە ياشلىق ساڭ ۋۇنى ئېلىپ، سەھرادىكى مومىسىنىڭ ئۆيىگە بېرىپ، ئۇنى ۋاقىتلىق شۇ يەرگە قويۇپ قويماقچى بولىدۇ. مومىسىنىڭ يېشى بىر يەگە بېرىپ قالغان بولۇپ، گەپمۇ قىلالمايدۇ، خەتمۇ تونۇمايدۇ. ئىزچىل شەھەردە ياشاپ ئۆگىنىپ قالغان نەۋرىسى ساڭ ۋۇ دەسلەپتە ئويۇنچۇق بولمىغان، ھەتتا باتارېيەمۇ سېتىلمايدىغان سەھرا تۇرمۇشىغا كۆنەلمەيدۇ. ئۇ دەسلەپتە بۇ يەردىن ئىنتايىن نارازى بولغاندەك، ئۇنىڭدىن-بۇنىڭدىن قاقشاپ باقىدۇ. ھەتتا باتارېيە ئېلىش ئۈچۈن مومىسىنىڭ كۈمۈش چاچ قىسقۇچىنى ئوغرىلاپ سېتىۋېتىدۇ؛ مومىسى نەۋرىسىنىڭ ياغدا پىشۇرۇلغان توخۇ يېگۈسى بارلىقىنى بىلگەندىن كېيىن، پەقەت توخۇ گۆشىنىلا بىلىدىغان موماي توخۇنى دۈملەپ نەۋرىسىگە بەرگەندە، ئويلىمىغان يەردىن ئاچچىقىدىن يېرىلىپ كېتەي دېگەن ساڭ ۋۇ بىر تېپىپلا ھەممىنى يوق قىلىۋېتىدۇ. بۇ چاغدا موماي ئۈن-تىنسىز ھالدا نەۋرىسىنىڭ بارلىق قىلمىشلىرىنى ئەپۇ قىلىۋېتىدۇ. ساڭ ۋۇمۇ بارا-بارا مومىسىنىڭ ئەجرىنى ھېس قىلىپ، يېزا تۇرمۇشىغا ماسلىشىپ بۇ يەرنى ياخشى كۆرۈپ قالىدۇ.

2. «كىرپىنىڭ لاتاپەتلىكى» (刺猬的优雅)

پارلامېنت ئەزاسى بىر ئائىلە كىشىلىرى پارىژنىڭ سول قىرغىقىدىكى ئالىي دەرىجىلىك ياتاق بىناسىدا تۇرىدىغان بولۇپ، ئۇنىڭ كىچىك قىزى باربارا زېرەك، ئەقىللىق، سىن ئېلىش ئاپپاراتى ئارقىلىق دۇنيانى كۆزىتىشنى ياخشى كۆرىدۇ، ئۇ يەنە تېخى 12 ياشقا توشمىغان تالانتلىق كىچىك پەلسەپەچى. ئۇ بېلىقداندىكى تەقدىرى باغلانغان ئالتۇن بېلىق بولۇشنى ياقتۇرمايدۇ. شۇنىڭ بىلەن تۇغۇلغان كۈنى ئۆلۈۋالماقچىمۇ بولىدۇ. ياتاق بىناسىنىڭ ئايال غوجايىنى خېنرىي بىر بودەك، كۆرۈمسىز، 45 ياشلار چامىسىدىكى تۇل خوتۇن. ئۇ ھەمىشە ئېھتىياتچانلىق بىلەن ئىجارە ئۆينىڭ چاكىنا ئوبرازىنى ساقلاپ، ئۆزى ئۈچۈن تەييارلانغان يېپىق ئۆيدە مول روھىي دۇنيانى بەرپا قىلماقچى بولىدۇ. بىراق باربارا تاساددىپىي ھالدا بۇ مەخپىيەتلىكنى بايقاپ قالىدۇ. بۇنىڭدىن باشقا، يېڭىدىن كۆچۈپ كەلگەن ياپونىيەلىك مۆتىۋەر ئوتسۇ گىراگىمۇ خېنرىينىڭ كىشىلەر بىلمەيدىغان بىر تەرىپىنى بايقاپ قالىدۇ. ئوتىسۇنىڭ ئەدەبلىك ھالدا باشلىشى بىلەن خېنرىي پەسكەش ساختىپەزلىكىنى ئاشكارىلاپلا قالماستىن، باربارامۇ قايتىدىن ھاياتلىق بىلەن ئۆلۈم ئۈستىدە قايتىدىن ئويلىنىشقا باشلايدۇ.

3. «ئىلگىرى» (曾经)

بۇ بىر مۇزىكا بىلەن باشلىنىدىغان ئىرېلاندىيە كىنوسى. گۈلچى ئايال كوچىدا مۇزىكا ئورۇندايدىغان كىشىنىڭ مۇزىكىسىغا ئاشىق بولغاندىن كېيىن، ئىنتايىن رومانتىك ھېكايە باشلىنىدۇ. ئۇلار شاھزادە ياكى مەلىكە ئەمەس، ھەر قايسىسى تۇرمۇش ھەلەكچىلىكىدە ئالدىراش ئۆتىدۇ. ئۇلار بىر-بىرىسىدىكى كىشىنى چۆچۈتكۈدەك دەرىجىدىكى ماسلىقنى بايقايدۇ. بۇ بايقاش ئۇلارنى ھاياجانلاندۇرىدۇ. ناھايىتى تېزلا، ئۇلارمۇ يەنە بىر ھەمراھىنى تېپىپ، بىر مۇزىكا ئەترىتى قۇرىدۇ ھەمدە مۇنەۋۋەر ئىپادىسى ئارقىلىق كەسپىي زاتلارنىڭ ئېتىراپ قىلىشىغا ئېرىشىدۇ. شۇنىڭ بىلەن بىر ۋاقىتتا مۇھەببەتمۇ بىخلىنىدۇ. مۇزىكا بۇ كىنونىڭ ئەڭ چوڭ يارقىن نۇقتىسىنىڭ بىرى بولۇپ، ئىنتايىن رومانتىك ۋە گۈزەل بولغان كەيپىياتنى بەرپا قىلىدۇ.

4. «زېمىندىكى يۇلتۇزلار» (地球上的星星)

سەككىز ياشلىق ئىساغا نىسبەتەن، دۇنيا ئاجايىپ-غارايىپ ۋە شۇنداقلا شادلىققا تولغان. ئۇ بارلىق ئويلىيالىغۇدەكلا ئاماللىرى بىلەن بۇ ناتونۇش دۇنيا بىلەن پىكىرىلىشىدۇ. شۇنىڭ بىلەن بىر ۋاقىتتا زېمىندىكى بارلىق مەۋجۇداتلاردىن ھوزۇرلىنىدۇ. بىراق، بۇنىڭغا ئوخشاش ئىسا پەقەتلا قۇرامىغا يەتكەنلەرنىڭ نەزىرىدىكى مەسىلىسى بار بالا. ئۇنىڭ ئۆگىنىش نەتىجىسى ياخشى ئەمەس، سىنىپتىكى دەرىجىسىمۇ ھەممىنىڭ ئارقىسىدا، كاللىسىدا ئادەمنىڭ ئەقلىمۇ يەتمەيدىغان ھەرخىل ئاماللار بار. بىراق يەنە بىر قېتىم چوڭ چاتاق تېرىغاندىن كېيىن، چىدىغۇچىلىكى قالمىغان ئاتا-ئانا ئۇنى ياتاقلىق مەكتەپكە ئاپىرىپ قويىدۇ. بۇ ۋاقىتتا نايك ئىسىملىك گۈزەل-سەنئەت ئوقۇتقۇچىسى ئۇنىڭ تۇرمۇشىغا كىرىدۇ. ئىلگىرىكى قائىدىنى ئاساس قىلىدىغان ئوقۇتقۇچىلارغا ئوخشىمايدىغىنى شۇكى، نايك بىلەن ئارىلىشىش داۋامىدا، ئىسا بىلەن نايك ئاستا-ئاستا يېقىنلىشىدۇ.

5. «سىر» (无人知晓)

يېڭىدىن بۇ ياتاق بىناسىغا كۆچۈپ كەلگەن ئانا كېيوكو ئاكىرا، كىيۇكو، كې، يۇكى ئىسملىك تۆت بالىسىنى ئېلىپ كېلىدۇ. بىراق ئانا ئەتراپتىكىلەرگە يالغان سۆزلەپ، يولدىشىم چەتئەلدە خىزمەت قىلىدۇ، مەن چوڭ ئوغلۇم بىلەن بىللە تۇرىمەن دەيدۇ. ئەمەلىيەتتە بولسا باشقا ئۈچ ئىنى-سىڭىل «قارا بالا»، چۈنكى بۇ تۆت بالىنىڭ ئوخشىمىغان دادىسى بار. ئۇلار ئىزچىل ئۆيدە تۇرىدىغان بولۇپ، ھەتتا مەكتەپكىمۇ بارمايدۇ. ئانا تۈرلۈك ماللار دۇكىنىغا بېرىپ خىزمەت قىلغاندا، يېشى كىچىك ئاكىرا ئانىسىنىڭ ئورنىدا ئائىلە باشلىقىنىڭ رولىنى ئۆتەيدۇ. تۇيۇقسىز بىر كۈنى ئانا يوقاپ كېتىدۇ، ئانا بالىلىرىغا قولىدا بار-يوقى بولغان 200 مىڭ يېن نەق پۇل ۋە بىر پارچە قىسقىلا يېزىلغان ۋاراقچە قالدۇرۇپ قويغانىدى...

6. «پارلاق ھايات» (灿烂人生)

مارىيو بىلەن نىكولاس ئىنتايىن يېقىن ئۆتىدىغان بۇرادەرلەردۇر. بىراق شېئىرغا ئوتتەك ئىشتىياق باغلىغان مارىيو ئىمتىھاندا پىروفېسسور بىلەن زىددىيەتلىشىپ قېلىپ، ئىمىتھاندىن ئۆتەلمەيدۇ. ئەكسىچە، نىكولاس بولسا بارلىق ئاماللارنى قوللىنىپ مېدىتسىنا پىروفېسسورنىڭ ياخشى باھاسىغا ئېرىشىپ، يۇقىرى نومۇر ئالىدۇ. شۇنىڭ بىلەن، ئۇلار بىر قانچە دوستلىرى ئۇچرىشىپ ساياھەت قىلماقچى بولغاندا، مارىيو يەنە بىر چاقىرىلمىغان مېھماننى باشلاپ كېلىدۇ. ئۇ روھىي كېسەللىكلەر دوختۇرخانىسىدىن يارىلانغان قىز جېننىي. ئارقىدىن بۇ ئىككەيلەن ئۇنىڭغا ھەمراھ بولۇپ تۇغقانلىرىنى ئىزدەيدۇ. بىر تالاي جەريانلاردىن كېيىن، مارىيو شائىر بولۇشتىن ۋاز كېچىپ ساقچى بولىدۇ، نىكولاس بولسا، جاھان كېزىشتىن ۋاز كېچىپ، روھىي كېسەللىكلەر دوختۇرى بولىدۇ.

7. «كۈيدىن ئۆزگەرگەن ھايات» (歌曲改变人生)

گېرىيتا ھەممىنى تاشلاپ، ئوغۇل دوستى دەيفكە ئەگىشىپ، ئامېرىكا نيۇيوركقا كېلىپ، مۇزىكا ۋە مۇھەببەت غايىسىنى ئەمەلگە ئاشۇرماقچى بولىدۇ. بىراق ئويلىمىغان يەردىن ئىلگىرى ئويلىغان بارلىق گۈزەل نەرسىلەر كۆپۈككە ئايلىنىدۇ. تېخىمۇ ياخشى خىزمەت پۇرسىتىگە ئېرىشكەندىن كېيىن، دەيف گېرىيتانى تاشلىۋېتىپ، ئۇنى ئەڭ تۆۋەن قاتلامغا چۈشۈرۈپ قويىدۇ.

دەيفنىڭ يېقىنقى تۇرمۇشىمۇ ياخشى ئەمەس. ئۇ سابىق ئايالى مارىيانى سېغىنىدىغان ھېسسىياتتىن چىقىپ كېتەلمەيدىغانلىقىنى بىلگەندىن كېيىن، قاتتىق چۈشكۈنلىشىدۇ. ئۇنىڭ ئۈستىگە ئۇنىڭ چوڭ قىزىمۇ ئۆسمۈرلۈك مەزگىلىدىكى ئاسىيلىق باسقۇچقا كېلىپ قالىدۇ. دەن بىلەن گېرىيتا تەقدىرنىڭ ئورۇنلاشتۇرۇشى بىلەن بىر كىچىك قاۋاقخانىدا ئۇچرىشىدۇ؟ ئۇنداقتا، ئۇلارنى يەنە قانداق توسالغۇ ۋە رومانتىك ئىشلار كۈتۈپ تۇرىدىغاندۇ؟

8. «ئۆسمۈر سىپايكنىڭ ئاجايىپ-غارايىپ ساياھىتى» (少年斯派维的奇异旅行)

سىپياك مونتانا ئىشتاتىنىڭ چەت، يىراق باقمىچىلىق مەيدانىدا تۇغۇلغان. ئۇ ئىنتايىن ئەقىللىق، كارتوگرافىيە ۋە ئىلمىي يېشىملارنى قەۋەتلا ياخشى كۆرىدۇ. ئارانلا ئون ياشقا كىرگەن ئۇ يەنە مەڭگۈ ھەرىكەتلىنىدىغان دۋىگاتېلنى كەشىپ قىلغان. ئۇنىڭ دادىسى پادىچى مەستانىسى بولۇپ، غەربىي قىسىمدىكى پادىچىلارغا ئائىت بارلىق نەرسىلەرنى ساقلاپ كەلگەن. ئاپىسى بولسا بىئولوگىيە دوكتورى، پۈتۈن زېھىنىنى تەتقىقاتقا بېغىشلىغان.

بۇ كۈندە، سىپياك سىمىسېن ئىنىستىتۇتىنىڭ تېلېفونىنى تاپشۇرۇۋېلىپ، ئۇنىڭغا دۇنيا ئىلمىي مۇكاپاتىنىڭ بېيرد مۇكاپاتىغا ئېرىشكەنلىكىنى، شۇنىڭ بىلەن ۋاشىنگتونغا كېلىپ لېكسىيە سۆزلەپ بېرىشىنى ئېيتىدۇ. ئارقىدىن، ئون ياشلىق ئىلىم-پەن تالانتى سىپياك ئوغرىلىقچە يۈك پويىزىغا چىقىپ، ئۆزى يالغۇز ئامېرىكىنى كېزىدىغان سەپەرنى باشلايدۇ.

9. «يوكومىچى يونوسۇكى» (横道世之介)

20-ئەسىرنىڭ 80-يىللىرىنىڭ ئاخىرلىرى، دېڭىز پورتى بازىرىدا تۇغۇلغان يوكومىچى يونوسۇكى گاڭگىراش ئىلىكىدە توكيو كوچىسىدا پەيدا بولىدۇ. غەلىتىلا ئىسمىگە ئوخشاش، يونوسۇكى قارىماققا زامانىۋىلاشقان دەۋر بىلەن ئاسمان-زېمىن پەرقلىنىدىغاندەك قىلاتتى. بىراق تۇغۇلۇشىدىنلا ئاكتىپ يەنە كېلىپ تۈز كۆڭۈل بالا ناھايىتى تېزلا يېڭى تۇرمۇشقا كۆنۈپ كېتىدۇ. قاينام-تاشقىنلىققا تولغان مەكتەپ ھاياتىدا ئۇ يەنە قانداق رومانتىك ئىشلارنى بېشىدىن كەچۈرىدىغاندۇ؟

ئەڭ يېڭى، سەرخىل مەزمۇنلار نۇر تورى تاماشا سالونىدا...

باش سۈرەت تاللاش x
  • نازپەرى4 كۈن ئىلگىرى

    زىمىندىكى يۇلتۇزلار ھەقىقەتەن شۇررىدە ئىرىتىۋەتكىدەك كىنو ، بىزدىمۇ نىكان مۇئەللىمدەك ئوقۇتقۇچىلارنىڭ كۆپلەپ چىقىشىنى ئۈمۈت قىلىمەن

  • گۈزەل چۈش4 كۈن ئىلگىرى

    يۇۋكۇدىن كۆسىڭىز چىقىدۇ

  • گۈلسىما4 كۈن ئىلگىرى

    گۈزەل چۈش، قەيەدىن كۆرگىلى بولىدۇ؟

  • گۈزەل چۈش4 كۈن ئىلگىرى

    زىمىندىكى يۇلتۇزلارنى تۇنۇشتۇرۇش ھاجەتسىز ناھايتى كەمكۈتسىز بىر كىنو يەنى بالىسى بارلار بەكرەك كۆسە بالا تەربىيلەشكە زور پايدىسى بار كىنو،يەنە ئاۋۇ تۆت بالا چىقىدىغان پاپۇننىڭ كىنوسىمۇ ناھايتى تەسىرلىك، بىر مەسئۇليەتسىز ئانا تۆت بالىنى تاشلاپ كىتىدۇ، قۇپقويغان ئازغىنە پۇلى ئۇزاق قاممايلا تۈگەيدۇ، بالىلار قىيىنچىلىقتا قالىدۇ، توك، سۇ يوق شارائىتتا سۇنى سىرىتتىن ئەكىرىپ ئىچىدۇ، كىيىملىرى يىرتىلىپ، كىر بوپ، يەيدىغىنى يوق ھالغا چۈشۈپ قالىدۇ، ئەڭ كىچىك بەش ياشلىق قىز بالا يىقىلىپ چۈشۈپ ئۈلۈپ قالىدۇ، چوڭ ئاكىسى سىڭلىسىنىڭ ئۈلۈكىنى چامادانغا سېپ كېچىدە سىرىتقا ئاچىقىپ كۈمۈۋىتىدۇ، تاكى كىنونىڭ ئەڭ ئاخىرسىغىچە ئانىسى قايتىپ كەممەيدۇ، باغرى تاش ئانىغا ئادەمنىڭ ئۆچلۈكى كىلىدۇ، بوش ۋاقتىڭلىدا كۈرۈپ قويساڭلا تامامەن بۇلىدۇ

  • گۈزەل چۈش5 كۈن ئىلگىرى

    مەن ئاساسەن كۈرۈپ بوپتىمەن ئەڭ ئاخىرقى كىنونى كۆمەپتىكەنمەن، نادىر كىنولار ھەممىسىلا كۈرۈشكە ئەرزىيدۇ

  • Ruby5 كۈن ئىلگىرى

    بىر مەيدان دەرس بولغۇدەك نادىر كىنولار

  • پارۇل5 كۈن ئىلگىرى

    مۇشۇ يىقىندا نۇربىيە ئۇيقۇت يوللىغان تىمىلارنى كۆپ كۆرىدىغان بوپ قالدىم دىسە ھى ھى

  • ئىزدەنگۈچى5 كۈن ئىلگىرى

    ھىندىستاننىڭ مۇھەببەتنىڭ كۈچى دىگەن كىنو چۈپ قاپتۇ ،ئاسانلىقچە يىغلايىتىم باشتا كۈلدۈرۈپ كىيىن يىغلىتىدىغان ئىسىل كىنو شۇمۇ

  • mastana5 كۈن ئىلگىرى

    تەھرىرنىڭ ئىرىپ كىتىپتۇ قارىغاندا ، مەن سانىسام جېقنى سانىۋىتەتتىم

  • Tئۈمۈت5 كۈن ئىلگىرى

    مەن ئاساسەن كۆرۈپ بوپتىمەن ، ئەڭ ئاستنقى ئىككىسىدىن باشقىسىنى

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号