باش بەت

نىجات

443يوللانما
56مەستانە

قىز دوستىدىن ئايرىلىشنى خالىمىغان ئەر دېڭىزغا سەكرەپ ھاياتىدىن ئايرىلغىلى قىل قالدى

مەنبە:تېڭشۈن تورى يوللانغان ۋاقىت:2018-05-16 22:42 2 ئىنكاس چۈشتى

تېڭشۈن تورى خەۋىرى، نۇر تورى تەرجىمىسى:

يېقىندا جياڭسۇ ليەنيۈنگاڭدا بىر قېتىملىق ئادەمنى ھەيران قالدۇرغۇدەك ۋەقە يۈز بەرگەن. 5-ئاينىڭ 15-كۈنى سائەت 17لەر ئەتراپىدا. جياڭسۇ ليەنيۈنگاڭ گەنيۈ جامائەت خەۋپسىزلىكى تارماق ئەترىتى، خەيتوۋ چېگرا مۇداپىيە ساقچىخانىسى بىر قېتىملىق دېلو مەلۇماتنى تاپشۇرۇۋالغان بولۇپ، دېلو مەلۇم قىلغۇچى قىز، بىر ئادەمنىڭ يوقاپ كەتكەنلىكىنى، ساقچىلارنىڭ تېزدىن كېلىپ ياردەم قىلىشنى ئېيتقان. 

ساقچىلار دېلو مەلۇماتىنى تاپشۇرۇۋالغاندىن كېيىن، دەرھال نەق مەيدانغا بېرىپ ئەھۋال ئىگىلىگەن. يوقاپ كەتكەن ئەر ۋاڭ فامىلىلىك، دېلو مەلۇم قىلغان قىز بىلەن سىرتتا ئىشلەمچىلىك قىلىدىغان بولۇپ، ئىككىسى شۇ جەرياندا مۇناسىۋەت ئورناتقان. كېيىن بەزى كىچىك ئىشلار سەۋەبلىك قىز ئايرىلىشنى تەلەپ قىلغان. بۇ چاغدا شەنشىدىن كەلگەن يىگىت يۇرتىغا قايتماقچى بولغان. 5-ئاينىڭ 15-كۈنى 16لەر ئەتراپىدا، ئىككىيلەن قاتتىق ئۇرۇشۇپ كەتكەن. ئۇلار ئۇرۇشۇپ قالغاندىن كېيىن ئەر كۆرۈنمىگەن. ئارقىدىن قىز ئۇنى تاپالماي ساقچىغا مەلۇم قىلغان. ساقچىلار ۋە ئەتراپتىكى ئاممىنىڭ بىرلىكتە ئىزدىشى نەتىجىسىدە، جۇ گاۋ دېڭىز قىرغىقىدا بۇ ئەرگە مۇناسىۋەتلىك ئەھۋال بايقالغان. ساقچىلار نەق مەيدانغا يېتىپ كەلگەندە، ئەر قاتتىق ۋارقىراپ: «سەن بولمىساڭ مەنمۇ ياشىمايمەن!» دېگەن ۋە ئارقىدىنلا ئۆزىنى دېڭىزغا ئاتقان. دېڭىز دولقۇنى كۈچلۈك بولغاچقا، ئەر بەدىنىنى كونترول قىلالماي سۇغا چۆكۈپ كەتكەن. ئەھۋال ناھايىتى خەتەرلىك بولغان. 

سۇغا چۆكۈپ كەتكەن يىگىتنىڭ ئەھۋالى بەك خەتەرلىك بولغاچقا، خەلق ساقچىسى خەن لېي ئۆزىنىڭ ھاياتى بىلەن ھېسابلاشماي دېڭىزغا سەكرەپ ئەرنى قۇتقۇزماقچى بولغان. ئەتراپتىكى سۇ ئۈزۈشنى بىلىدىغان خەلق ئاممىسىمۇ دەرھال قۇتقۇزۇشنى قانات يايدۇرغان. خەلق ساقچىسى يې گۇاڭمىڭ دەرھال يۇقىرغا ئەھۋال مەلۇم قىلىپ قۇتقۇزۇشنى تەلەپ قىلغان. قىرغاقتىكى خەلق ئاممىسىمۇ دەرھال 120 جىددىي قۇتقۇزۇش نومۇرىغا تېلېفون قىلغان. خەلق ساقچىلىرى ۋە ئەتراپتىكى خەلق ئاممىسىنىڭ ماسلىشىشى نەتىجىسىدە، چۆكۈپ كەتكەن ئەر قىرغاققا ئېلىپ چىقىلغان، ئەتراپتىكىلەر ئۇنىڭ نەپەسلىنىشىگە ياردەم قىلىپ، ئۇنى خەتەردىن قۇتقۇزۇپ قالغان. 

خەلق ساقچىلىرىنىڭ سەۋرچانلىق بىلەن نەسىھەت قىلىشى ئاستىدا، يىگىت ئاستا -ئاستا ئۆزىنى بېسىۋالغان ھەم ئۆزىنىڭ بۇ ئەقىلسىز قىلمىشىدىن نومۇس قىلىپ مۇنداق دېگەن: «ئەمدى ھەرگىز بۇ قېتىمقىدەك ئەخمىقانە ئىش قىلمايمەن». دېڭىز سۈيى ناھايىتى چوڭقۇر بولغاچقا، خەلق ساقچىسى خەن لېينىڭ يېڭى سېتىۋالغان يانفونى بۇزۇلۇپ كەتكەن. ئۇ مۇنداق دېدى: «يانفوننى ئالغىلى بولىدۇ، ئەمما ھايات ناھايتى قىممەتلىك، بىر يانفون بىلەن خەلق ئاممىسىنىڭ ھاياتىنى تېگىشىش ئەرزىيدۇ» نۆۋەتتە، بۇ ئەر دوختۇرخانىغا ئاپىرىلىپ قۇتقۇزۇلماقتا.

باش سۈرەت تاللاش x
  • خاتاكى كاكاشى 11 ھەپتە ئىلگىرى

    نىمىشقا ئۆلگىلى قويمىغاندۇ؟ ئازاپ ھەي ئازاپ !

  • نىمە دەي1 ھەپتە ئىلگىرى

    ئاغىنە ھەقىقەتەن ئۇ قىزنى سۆيدىغانسەن ……بەلكىم شۇ چاغدىكى قارارىڭ ئۆزۈڭگە توغرا شۇنسى ئىسىڭدا بولسۇن …بەزى نەرسىلەرگە ئامراق بولشىمىز بىزنىڭ چوقۇم شۇ نەرسىگە ئىررشمىزگە سەۋەپ بولالمايدۇ …

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号