باش بەت

قەدرۇس65

1634يوللانما
28مەستانە

دۇنيادا پەقەت ئاتا-ئانىڭىز بىلەن پۇلىڭىزلا سىزگە ئاسىيلىق قىلمايدۇ

مەنبە:بۈگۈنكى مۇھىم خەۋەر يوللانغان ۋاقىت:2018-05-17 22:35 3 ئىنكاس چۈشتى

1. مىڭ ئويلىغاندىن بىر قېتىم سىناپ باققان ئەلا؛ مىڭ قېتىم ئارىسالدى بولغاندىن بىر قېتىم ئەمەلىي ھەرىكەتكە ئايلاندۇرغان ئەۋزەل؛ يىقىلىشتىن قورقماڭ، يىقىلىدىغانغىمۇ پۇرسەت بولماسلىقتىن قورقۇڭ، بۇ تەمتىرەپ يۈرۈپ ھېچقانداق ئىشنى ۋۇجۇدقا چىقىرالمىغاندىن ياخشى، ھېچبولمىغاندا تەجرىبە توپلايسىز، كەلگۈسىدە چوقۇم ھازىرقى تىرىشچانلىقىڭىزغا رەھمەت ئېيتىسىز.

2. باشلىنىش مەڭگۈ كېچىكمەيدۇ، بولسا بۈگۈنلا ھەرىكەتلىنىڭ. ھامان بىر كۈنى، ئەينى چاغدا سىزگە غۇۋا كۆرۈنگەن ئەشۇ كەلگۈسى سىزنىڭ قەدىملىرىڭىز ئارقىلىق قەلبىڭىزدە تېخىمۇ روشەنلىشىدۇ. تۇرمۇش تىرىشچان ئادەمنى مەڭگۈ زىيان تارتقۇزمايدۇ.

3. بۈگۈن يەنە بىر يېڭى كۈن، ياردەمسىز قالغىنىڭىزدا كۆز يېشى قىلماڭ، مەغلۇپ بولغاندا ئالدىراپ ۋاز كەچمەڭ، ئۈمىدسىزلەنگەندە ئۆزىڭىزنى ئېلىپ قاچماڭ، پەقەت تىرىشسىڭىزلا ۋاقىت سىزگە ئارزۇ قىلغان نەرسىلىرىڭىزنى ھەدىيە قىلىدۇ.

4. سۈكۈتتە تۇرۇپ نېمە دېيىشىنى بىلەلمەسلىك بىر خىل كۆڭۈل ئاراملىقى، پەقەت چۈشەنگەنلارلا بىلىدۇ؛ سۈكۈتتە تۇرۇپ كۆز يېشى قىلىش كۆڭۈلنىڭ ئاغرىغىنى، پەقەت يۈرىكىڭىزلا تۇيىدۇ؛ سۈكۈتكە چوڭقۇر پېتىش بىر خىل روھىي ھالەت، بىر ئىشلارغا پەرۋاسىز قاراشنى ئۆگىنىۋېلىڭ، كۆڭلىڭىزنى توق تۇتۇڭ، ياخشى روھىي ھالەت يېرىم غەلىبە.

5. ئۇزۇن چېچىڭىز بار چاغدا كەستۈرۈشنى ئويلايسىز، قىشتا يازنى ئەسلەيسىز، سىزنى ياخشى كۆرىدىغان ئادەم يېنىڭىزدا تۇرسا ئۆزىڭىز ياخشى كۆرىدىغان ئادەمنى ئويلايسىز، ئىنساننىڭ تەبئىتى ئاچكۆز، كۆپلىگەن ئادەم يەنىلا يوقنىڭ ئىنتىزارى.

6. ئەگەر ئادەم ئۆزىنىڭ نېمە ئۈچۈن ياشاۋاتقانلىقىنى بىلسە، ئۇنداقتا ھار قانداق تۇرمۇشقا بەرداشلىق بېرەلەيدۇ.

7. بەزىدە ئۆزۈمنىڭ ھېچنېمىسى كەم ئەمەستەك ھېس قىلىمەن، لېكىن ئەستايىدىل ئويلاپ باقسام يەنە ھېچنېمەم يوقتەك ھېس قىلىمەن.

8. بۇ دۇنيادا پەقەت ئاتا-ئانىڭىز بىلەن يانچۇقىڭىزدىكى پۇللا سىزگە ئاسىيلىق قىلمايدۇ.

9. بىز ھازىر مېھىر-مۇھەببەتنى پۇل ئارقىلىق ئۆلچەيدىغان دەۋردە ياشاۋاتىمىز.

10. يۈز تېرىسى ئادەم بەدىنىنىڭ ئەڭ ئاجايىپ بىر قىسىمى، چوڭىمۇ بار كىچىكىمۇ بار، قېلىنىمۇ بار نېپىزىمۇ بار، ھەتتا بولمىسىمۇ بولىدۇ.

11. ئەگەر قازىنىڭىز باشقىلار بىلەن بىللە بولمىسىلا، ئۇنداقتا باشقىلار دېگەن گەپنىمۇ ئۇنچىۋالا كۆڭلىڭىزگە ئېلىپ كەتمەڭ.

12. ئۆزىڭىز ياخشى كۆرگەننى جاننى تىكىپ قولغا كەلتۈرگىڭىز كېلىدۇ، سىزنى ياخشى كۆرگەننى بىكارغا بەرسىمۇ ئالمايسىز.

13. كۈلۈمسىرەش نۇرغۇن مەسىلىلەرنى ھەل قىلالايدۇ، سۈكۈتتە تۇرۇش نۇرغۇن ئاۋارىچىلىقلاردىن ساقلاپ قالالايدۇ.

14. ۋاقىت ئادەم ئالداشقا ماھىر، لېكىن سىزگە يەنە مۇنداق بىر ھېكمەتنى بىلدۈرۈپ قويىدۇ: بۇ دۇنيادا ئايرىلىپ قالسا ياشىيالمىغۇدەك ھېچنېمە يوق، يېنىڭىزدا بارنىڭ قەدرىنى قىلىڭ، ئېرىشەلمىگىنىڭىز بەلكىم ئۇنچە مۇھىممۇ بولماسلىقى مۇمكىن.

15. باشقىلارغا خوشامەت قىلىش ئۈچۈن زورىغا كۈلگەندىن، ئۆزىڭىز يالغۇز جىمجىت ئولتۇرۇپ ئارام ئېلىڭ؛ تۆۋەن سۈپەتلىك ئىجتىمائىي ئالاقە يۇقىرى سۈپەتلىك يالغۇز تۇرمۇشقا يەتمەيدۇ.

16. يۈزىڭىدە ئۆزىڭىزگە ئىشەنگەن كۈلكە جىلۋىلەنسۇن، قەلبىڭىزدىكى ئاقكۆڭۈللۈكنى ساقلاپ قېلىڭ، قېنىڭىزغا سىڭىپ كىرگەن غورۇرىڭىزنى يوقىتىپ قويماڭ، ھاياتىڭىزغا مۆھۈر باسقان قەيسەرلىك روھى سۇسلىشىپ قالمىسۇن.

17. بەك سەزگۈر ئادەملەر ھەر دائىم باشقىلارنىڭ مۇنداقلا دەپ قويغان گېپى سەۋەبلىك جىق ئويلاپ كېتىدۇ، بۇنداق كىشىلەر ئىنتايىن ئاقكۆڭۈل كېلىدۇ.

18. سىزگە ئەڭ ئۇزۇن ھەمراھ بولىدىغىنى يەنىلا ئۆزىڭىز، شۇڭا ئۆزىڭىز ياقتۇرىدىغان ئادەملەردىن بولۇڭ.

19. بىر ئىشنى قىلىشتىن بۇرۇن ھەر دائىم نېمىگە ئېرىشىمەن دەپ ئويلىشىمىز، ھەرگىزمۇ نېمىنى يوقىتىپ قويارمەن دەپ ئويلاشمايمىز.

20. باشقىلارنىڭ ئالدىدا كۆز يېشى قىلماڭ، مەسىت بولۇپ قالغاندا ھېچكىم بىلەن ئالاقىلاشماڭ، يېرىم كېچىدە بىرەر ئىش توغرىلىق قارار چىقىرىشتىن ساقلىنىڭ.

21. بۇ دۇنيادا ھاياتلىقتىن باشقا ھېچقانداق نەرسە سىزنىڭ ئۆزىڭىزنى يوقىتىپ قويۇشىڭىزغا سەۋەب بولالمايدۇ، بەرداشلىق بېرىشنى ئۆگىنىپ قويۇڭ، كۈلۈپ تۇرۇپ: «ھېچقىسى يوق» دېيەلەيدىغان بولۇڭ.

22. مۇھەببىتىڭىزنىڭ بىر تامچە يېشى سىزنى مەست قىلىۋېتەلەيدۇ، ئارتۇقچە كۆڭۈل بەرسىڭىز ئۆزىڭىزنىڭ يۈرىكى ئاغرىيدۇ، مۇھەببەت ناملىق بۇ ھاراقنى كىم ئىچسە ئوخشاشلا مەست بولىدۇ.

23. مۇھەببەت دۇنياسىدا چىرايلىق ئايرىلىش دېگەن ئۇقۇم يوق، چوقۇم بىرسى ئالدى بىلەن قارشى يۆنىلىشكە قاراپ قەدەم ئالىدۇ، يەنە بىرى بولسا نېمە ئىش بولغىنىنى ئاڭقىرالماي ئۆز جايىدا خېلى ئۇزۇنغىچە ھاڭۋېقىپ تۇرۇپ قالىدۇ.

24. قولغا كېلەيلا دەپ قالغان نەرسىنى يوقىتىپ قويسا بەزىلەر جىلە بولۇپ ساراڭ بولۇپ قېلىشى مۇمكىن، لېكىن يەنە بەزىلەر قاقشاشنى بىر چەتكە قايرىپ قويۇپ ئىزىنى قوغلاپ يۈگرەيدۇ.

25. بەزى ئادەملەر مۇھەببەتلىشىشكە ماس كېلىدۇ، بەزىلەر تۇرمۇش قۇرۇشقا؛ بەزىلەر سىزگە دەرس ئۆتۈپ قويۇپلا كېتىپ قالىدۇ، يەنە بەزىلەر زېرىكمەي تېرىكمەي ئۇقمىغىنىڭىزنى دەپ بېرىپ يېنىڭىزدا بىر ئۆمۈر ھەمراھ بولىدۇ.

26. سىزنى ياخشى كۆرگەن ئادەمگە قارىتا بىر ئىشلاردا بەك زىغىرلاپ كەتمەڭ، چۈنكى بىر ئۆمۈر سىزگە ھەقىقىي كۆڭلىدىن چىقىرىپ ياخشى مۇئامىلە قىلالايدىغانلار ساناقلىقلا.

27. نۇرغۇن كىشىلەر يوقىتىپ قويۇش گىردابىغا بارغاندا ئاندىن قەدرىگە يېتىدۇ، شۇنداق، ھەممە ئادەمنىڭ خۇي-پەيلى بار، لېكىن ئەسكى خۇيۇمنى چوقۇم قوبۇل قىلىشى كېرەك دېمەڭ، بەلكى ئۆزگەرتىشكە تىرىشىڭ، بۇ پەخىرلەنگۈدەك ئىش ئەمەس، ھېچكىم سىزنىڭ ئەسكى خۇيىڭىزنى كۆتۈرگىدەك قەرزدار ئەمەس.

28. بەزى دوستلىرىڭىز سىزگە ئۆزىڭىزدىنمۇ بەكرەك كۆيىنىدۇ، بۇنداق ئالتۇندەك دوستلىرىڭىزنى ھەرگىز قولدىن چىقارماڭ.

29. ئۇۋالچىلىق تارتقاندا، باشقىلار خاتا چۈشەنگەندە چۈشەندۈرۈپ ئاۋارە بولماڭ، چۈشەنگۈسى بارلار ھامان بىر كۈنى چۈشىنىدۇ، ھازىر چۈشەندۈرسىڭىز تېخىمۇ قارا بولىسىز، ھېچبولمىغاندا قارشى تەرەپكە سوغۇققان بولۇۋېلىشقا ۋاقىت بېرىڭ.

30. باشقىلار ئۈچۈن كۆپرەك ئويلىشىدىغان ئادەملەر ئاسانلا بىر ئىشلارنى كۆپ ئويلىۋالىدۇ، شۇنىڭ بىلەن ئۆزىنى كىشەنلەپ قويىدۇ.

31. بەزىدە يالغان ساراڭ بولۇۋېلىشمۇ سىزنى نۇرغۇن پېشكەلچىلىكلەردىن قۇتۇلدۇرۇپ قالالايدۇ.

32. تۈنۈگۈن قانچىلىك گۈزەل بولۇشدىن قەتئىينەزەر ھامىنى قايتقىلى بولمايدۇ، ئەتە مەيلى قانچىلىك جاپالىق بولسۇن يەنىلا قەدەم ئېلىشىڭىز كېرەك.

33. ھېچكىم سىزنىڭ بېشىڭىزنى ئاغرىتالمايدۇ، پەقەت ئۆزىڭىز باشقىلارنىڭ گېپىنى كاللىڭىزغا كىرگۈزىۋېلىپ ئۆزىڭىزنى قىينايسىز.

34. كاللىڭىزغا بىر ئىشلارنى كىرگۈزىۋېلىپ ئۆزىڭىزگە زۇلۇم قىلىسىز، ئەمەلىيەتتە ئۆزىڭىزنىڭ بۇ يۈكنى ۋە ياكى بۇ ئەسلىمىنى تاشلىۋەتكۈسى يوق خالاس.

35. ئۆزىڭىزنى سۆيۈشنى، كۆيۈنۈشنى ئۆگىنىۋېلىڭ، كۆپرەك پۇرسەتنى ئۆزىڭىزگە قالدۇرۇپ قويۇڭ.

36. ئۆزىڭىزنى خوشال قىلىشنى بىلسىڭىز، شۇنداقلا باشقىلارنىڭ خوشال قىلىشىغا ئېرىشەلىسىڭىز ئاندىن ئۆزىڭىزنىڭ قىممەت تۇيغۇسىنى يارىتالايسىز.

37. باشقىلارغا ھەددىدىن زىيادە ياخشى كۆرىنىمەن دەپ ئۆزىڭىزنى ئۇۋالچىلىقتا قويماڭ، باشقىلارنىڭ كۆڭلىنى ئۇتىمەن دەپ ئۆزىڭىزنى ئۇرۇپ كەتمەڭ، سىز قانچە شۇنداق قىلغانسېرى قارشى تەرەپنىڭ ئالدىدا شۇنچە قىممىتىڭىز بولمايدۇ.

38. بەزى ئاياللار ياش ۋاقتىدا سۆيگۈنىگە ھەمراھ بولۇپ جاپالىق تۇرمۇشلارنى بېشىدىن كەچۈرىدۇ، بەزى ئەرلەر يېشى چوڭايغاندىن كېيىن سۆيگۈنىگە ھەمراھ بولۇپ ياخشى تۇرمۇش كەچۈرىدۇ.

39. يالغانچىلىق بىلەن ئاسىيلىق مەڭگۈ بىر-بىرىگە قوشنا، ئالدىدىكىسى كەينىدىكىسىنىڭ بەدەن قىززىتىش ھەرىكىتى، كەينىدىكىسى ئاخىرقى پەللە.

40. چىراغنى ئۆچۈرۈشتىن بۇرۇن ماڭىدىغان يولىڭىزنى كاللىڭىزغا مۆھۈر قىلىپ بېسىۋېلىڭ، شۇندىلا يىقىلىپ چۈشمەيسىز.

41. گەرچە ئاخشام ياخشى ئۇخلىيالمىغان بولساممۇ، لېكىن ياخشى ئۇخلىغىنىمنى ئىسپاتلاش ئۈچۈن سەھەر تۇرۇپ ناخشا ئېيتتىم، بۇ ماڭا نېمە جاپا، نېمىشقا باشقىلار ئۈچۈن ياشايمەن؟

42. كىچىك ۋاقتىمىزدا سائەت توققۇزدىن ئاشقاندىن كېيىن ئەڭ كۆپ ئاڭلايدىغان گېپىمىز: «تېخىچە ئۇخلىماپسەنغۇ؟! ئەتە سەھەر تۇرماي باقە قېنى».

43. بۇرۇن يېقىنلىرىمىزنىڭ ئالاقىلىشىش نومۇرى كاللىمىزدا ئىدى، ھازىر يانفوندا توك قالمىسا ھېچكىم بىلەن ئالاقىلىشالمايمىز؛ بۇرۇن پويىزدەك ئۇزۇن كەرەنى يادلىغان بولساق، ھازىر نەچچە خانىلىق ساننىمۇ ئېسىمىزدا تۇتالماي ئاغزىمىزدا قايتا-قايتا تەكرارلايدىغان بولدۇق، قارىغاندا پەن-تېخنىكىغا ھەددىدىن زىيادە تايىنىۋېلىپ كاللىمىزدىكى دېتاللارنى داتلاشتۇرۇپ قويغان ئوخشايمىز.

44. ئادەم ئۇخلىيالمىغان چاغدا كارىۋات ئاستىدا ئۆزىنىڭ يەنە بىر سايىسى بولىدۇ، ئۇنىڭ بىلەن پاراڭلىشىپ بەرسىڭىز بىردەمدىلا ئۇخلاپ قالىسىز، بۇنداق دېيىش ئارقىلىق ئۆزىڭىزگە ئىككىنچى ئادەم نۇقتىسىدا تۇرۇپ ئەللەي ئېتىشنى ئۆگىنىۋېلىڭ دېمەكچى.

45. قورقۇنچ توخۇ يۈرەكلەرنىڭ باھانىسى، ئالدىغا بېسىشقا پېتىنالمىغان ئەشۇ بىر قەدەم ئۇلارنى كەينىگە مىڭ قەدەم چېكىندۈرىدۇ.

46. مەيلى تارىخ قانچىلىك ئۇزۇن ۋە ياكى ۋەھىمىلىك بولسۇن، مەڭگۈ بىزنىڭ تەپەككۇر كۈچىمىزنى ئاجىزلاشتۇرۇپ قويالمايدۇ.

47. تەسەۋۋۇر قىلىش كۈچىگە باي بولسىڭىز كۆپ ئىشلارنىڭ ماھىيىتىنى كۆرۈپ يېتەلەيسىز، ئورۇنسىز ئىشلارغا چېچىلمايدىغان بولىسىز.

48. گەرچە تام تەرەپكە قاراپ ياتقان بولسىڭىزمۇ، ئېرىڭىز يەنىلا سىزنىڭ كۆزىڭىزدىن سىرغىپ چۈشۈۋاتقان ياشنى تەسەۋۋۇر قىلالايدۇ، چۈنكى ئۇنىڭ كۆڭلى تۇيىدۇ، چۈنكى بۇ ياش ياستۇققا ئەمەس ئۇنىڭ يۈرىكىگە تامچىيدۇ، مەيلى قانچىلىك ئۇۋالچىلىق تارتقان بولۇڭ ئۇنىڭغا ئېسىلىپ قانغۇچە يىغلىۋېلىڭ، شۇندىلا سىزنىڭمۇ ئۇنىڭمۇ كۆڭلى بوشاپ قالىدۇ.

49. مۇھەببەت گۈلى گاھى ئېچىلىپ گاھى سۇلدى، لېكىن بۇنىڭ قىش ياكى باھار بىلەن قىلچە مۇناسىۋىتى يوق.

50. ھەممە ئادەمنىڭ ئۇچۇپ بېقىش ئارزۇسى بولىدۇ، لېكىن ئۇچۇشقا يالغۇز قاناتلا كۇپايە قىلمايدۇ، يەنە شۇنىڭغا لايىق يۈرەك بولۇشى كېرەك، بولمىسا قانات سىزگە مەڭگۈ بىر يۈك خالاس.

باش سۈرەت تاللاش x
  • ئاقئاتان 1074 كۈن ئىلگىرى

    بۇ مەزمۇنلارنى ئوقىسا بىر كىتاب ئوقىغانغا باراۋەر بىلىم گە ئىگە بولىدىكەن .رەھمەت سىلەرگە !
    .

  • 皇马ئەسكى4 كۈن ئىلگىرى

    ئالامەت ئىسىل سۆزلەكەن بەك ياقتۇردۇم

  • iK RAM5 كۈن ئىلگىرى

    نېمە دېگەن ئېسىل سۆزلەر ھە.تەرجىمان ۋە تەھرىرلەرگە رەھمەت.

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号