باش بەت

دەۋران

1011يوللانما
74مەستانە

​«قىساسكارلار ئىتتىپاقى»دىكى پېرسوناژلارنىڭ رولىنى ئاياللار ئالسا...

مەنبە:بۈگۈنكى مۇھىم خەۋەر يوللانغان ۋاقىت:2018-05-17 19:37 6 ئىنكاس چۈشتى

نۇر تورى تەرجىمىسى:

«قىساسكارلار ئىتتىپاقى»دىكى پېرسوناژلارنىڭ رولىنى ئاياللار ئالسا قانداق بولار؟

تۆۋەندىكىسى چەتئەللىك كىشىلەرنىڭ دوراش سەنىتى ۋە psتېخنىكىسىدىن پايدىلىنىپ ياراتقان ئايال قەھرىمانلار ئوبرازى:

ئايال نۇسخىدىكى «ئۆمۈچۈك پالۋان»

ئۆمۈچۈك پالۋاننىڭ جەڭ كىيىمى بەدەنگە چاپلىشىپ تۇرغانلىقى ئۈچۈن ئەرلەرگە قارىغاندا ئاياللارغا تېخىمۇ يارىشىدىغاندەك قىلىدۇ.

سۈرەتتىكى قىزلارنى قىسقىچە تونۇشتۇرۇپ ئۆتەي، سۈرەتنىڭ ئىككى تەرىپىدىكىسى بولسا melody ئىسىملىك قىزچاق بولۇپ، پوئېرتورىكودا ياشايدۇ.

ئۇ ئادەتتە دوراش سەنئىتى بىلەن شۇغۇللىنىشتىن باشقا يەنە ئېلېكتىرونلۇق ئويۇنلارنى ئوينايدۇ. ئۇنىڭ سۈرەتتە كىيىۋالغان جەڭ كىيىمى بولسا ps4 ئويۇنىدىكى ئۆمۈچۈك پالۋاننىڭ جەڭ كىيىمىگە تەقلىد قىلىنغان.

ئوتتۇرىدىكى قىزنىڭ ئىسمى بولسا Hendo Art، ئۇنىڭ جەڭ كىيىمىمۇ كىنودىكى ئۆمۈچۈك پالۋاننىڭ جەڭ كىيىمىگە تەقلىد قىلىنماستىن بەلكى ئويۇندىكى ئۆمۈچۈك پالۋاننىڭ جەڭ كىيىمىگە تەقلىد قىلىنغان.

ئايال نۇسخىدىكى «غەيرىي دوكتور»

تۆۋەندە ئىككى خىل نۇسخىدىكى غەيرىي دوكتورنى تونۇشتۇرۇپ ئۆتىمىز.

سۈرەتنىڭ ئوڭ تەرىپىدىكى ئايال غەيرىي دوكتور چاتما رەسىملىك كىتابىدىكى غەيرىي دوكتورنىڭ جەڭ كىيىمىنى تەقلىد قىلغان.

سول تەرەپتىكىسى ۋە ئوتتۇرىدىكىسى بولسا غەيرىي دوكتور فىلىمىدىكى باش پېرسوناژنىڭ جەڭ كىيىمىنى تەقلىد قىلغان.

بىلمىدىم، تورداشلارغا چاتما رەسىملىك كىتابتىكى غەيرىي دوكتورنىڭ جەڭ كىيىمى يارىدىمۇ ياكى كىنودىكى غەيرىي دوكتورنىڭ جەڭ كىيىمى يارىدىمۇ؟

ئايال نۇسخىدىكى «ئامېرىكا كاپىتانى»

ئەگەر سىز مارۋېلنىڭ ھەقىقىي مەستانىسى بولسىڭىز، ئۇنداقتا سىز چوقۇم Earth-932دا Peggy Carter (ئامېرىكا كاپىتانىنىڭ سابىق قىز دوستى)نىڭ تۇغقىنى Shannon Carterنىڭ ئىلگىرى ئامېرىكا كاپىتانى سالاھىيىتىگە مەيدانغا چىقىپ باققانلىقىنى بىلىسىز. (چاتما رەسىملىك كىتابىدا بار)

سۈرەتنىڭ سول تەرەپتىكىسى ps قىلىنغان ئايال ئامېرىكا كاپىتانى، ئوڭ تەرەپتىكىسى بولسا ئامېرىكا ئايال كاپىتانىنىڭ ياسالغان ھەيكىلى، ئوتتۇرىدىكىسى بولسا ھەقىقىي ئادەم دورىغان ئايال ئامېرىكا كاپىتانى.

لېكىن بۇنىڭدا جەڭ كىيىمى كۆينەككە، قالقىنى بولسا كۈنلۈككە ئايلىنىپ قالغان.

ئايال نۇسخىدىكى «قىشتىكى جەڭچى»

قىشتىكى جەڭچىنى دورايدىغان تورداشلارنىڭ سانىمۇ خېلىلا كۆپ، سۈرەتتىكى بۇ قىزمۇ ئۇنى دوراپ خېلى قاملاشتۇرغان، لېكىن كۆز گىرىمى سەل قېنىق بولۇپ كەتتىمۇ قانداق؟

ئايال نۇسخىدىكى «پولات پالۋان»

قەھرىمانلارنى دورايدىغان كىشىلەر سانىدىن قەھرىمانلارنىڭ قىزغىنلىق دەرىجىسىنى كۆرۈۋالغىلى بولىدۇ.

شۇنىڭ ئۈچۈن، پولات پالۋاننى دورايدىغان كىشىلەرنىڭ سانى ھەقىقەتەنمۇ ناھايىتى كۆپ. 

سول تەرەپتىكى ئايالنىڭ دورىغىنى ئەمەلىيەتتە، پولات پالۋان بولماستىن بەلكى كىچىك مۇچ.

ئوتتۇرىدىكىسى بولسا رەڭلىك سىزما، ئوڭ تەرەپتىكىسى بولسا ps قىلىنغان سۈرەت.

ئايال نۇسخىدىكى «چاقماق ئىلاھى»

قىساسكارلار ئىتتىپاقىدىكى ئەڭ كۈچلۈك قەھرىماننىڭ بىرى بولغىنىغا لايىق چاقماق ئىلاھىنى دورايدىغان كىشىلەرنىڭ سانىمۇ ئىنتايىن كۆپ.

بەلكىم سەزگۈر تورداشلىرىمىز سول تەرەپتىكى رەسىمنىڭ ps قىلىنغانلىقىنى بىلىپ بولدى، ئوڭ تەرەپتىكى قىزچاق چاقماق ئىلاھىنى يامان ئەمەس دورىغان، لېكىن كىيىۋالغان كىيىمىنىڭ سۈپىتى قارىماققا سەل ناچاردەك قىلىدۇ.

ئايال نۇسخىدىكى «لوكى»

تورداشلار چاقماق ئىلاھىنىڭ ئىنىسى بولغان لوكىنىڭ ئايالچە نۇسخىسىنى ناھايىتى مېغىزلىق دوراپ چىققان.

تۆۋەندە لوكىنى دورىغان تورداشلارنىڭ ئىچىدىن ئاددىيغىنە قىلىپ ئۈچىنى تونۇشتۇرۇپ ئۆتىمىز.

سول تەرەپتىكىسى بولسا كاستۇم بۇرۇلكا كىيگەن نۇسخىدىكى لوكى، ئوتتۇرىدىكىسى ps قىلىنغان لوكى، ئوڭ تەرەپتىكىسى بولسا كەچلىك زىياپەت كىيىمى كىيىۋالغان لوكى.

ئايال نۇسخىدىكى «خولك» 

خولكنى دورايدىغان ئاياللارنىڭ سانى ناھايىتى ئاز، چۈنكى ئۇنى ھەقىقىي دوراش ئۈچۈن بەستلىك بەدەن ۋە قاتتىق مۇسكۇللار بولۇشى كېرەك. 

يۇقىرىدىكى ئىككى پارچە رەسىم ئوخشاشلا ps تېخنىكىسىدىن پايدىلىنىپ ياسالغان.

ئايال نۇسخىدىكى «جام يۇلتۇزى»

ھەر قانداق ئادەم سول تەرەپتىكى سۈرەتنىڭ كومپيۇتېردا ياسالغانلىقىنى بىلىۋالالايدۇ، ئۇنىڭ چىرايى «ھوقۇق ئويۇنى» فىلىمىدىكى كىچىك ئەتىرگۈلنى ماتېرىيال قىلغان.

ئوتتۇرىدىكى دورىغۇچى جام يۇلتۇزىنى ناھايىتى ياخشى دورىغان بولۇپ، قولىدىكى راكېتا ئېنوت ئۇنىڭغا تېخىمۇ نومۇر قوشقان ئىدى.

ئوڭ تەرەپتىكى قىز بولسا راكېتا ئېنوتنىڭ ئورنىغا گرۇتنى ئۆزىگە ھەمراھ قىلغان، گەرچە بۇ قىز ئوتتۇرىدىكى قىزچىلىك گۈزەل بولمىسىمۇ، لېكىن ئۇنىڭ دوراش ئىقتىدارى ھەممىسىدىن قالتىس بولغان، مەسىلەن، ئۇنىڭ يېنىغا ئېسىۋالغان تىڭشىغۇچى ۋە ئىچىگە كىيگەن مايكىسى قاتارلىقلار...

ئايال نۇسخىدىكى «راكېتا ئېنوت»

مېنىڭچە، يۇقارقى ئۈچ پارچە سۈرەتنىڭ ئىچىدە سول تەرەپتىكى قىزچاق راكېتا ئېنوتنى بىرئاز ئوخشىتىپ دورىغان، ئوتتۇرىدىكى قىزنىڭ قولىدىكى گرۇتنى كۆرمىسە بۇ قىزنىڭ راكېتا ئېنوتنى دورىغىنىنى باشقىلار بىلمەسلىكى مۇمكىن.

ئوڭ تەرەپتىكى قىزنىڭمۇ دورىشى ئانچە ئوخشىمىغان.

ئايال نۇسخىدىكى گرۇت

راكېتا ئېنوتنى دورىغان ئاياللار بار يەردە گرۇتنى دورىغان ئاياللارمۇ چوقۇم بار بولىدۇ.

گرۇتنى دورىغان كىشىلەرنىڭ كۆپىنچىسى تەشتەك نۇسخىسىدىكى گرۇتنى دورىغان.

ئايال نۇسخىدىكى ھالاكەت زومىگىرى

بۇلارنىڭ ئارىسىدا ئەڭ ئوخشىتىپ دورىغىنى بولسا ئوڭ تەرەپتىكىسى.

سول تەرەپتىكىسى يۈز گىرىمىنى ناھايىتى ياخشى قىلغان(بولۇپمۇ ئېڭىكى)، لېكىن قالغان يەرلىرى ئانچە ئوخشىماي قالغان.(بولۇپمۇ پەلىيى ناھايىتى يالغان بولۇپ قالغان)

ئاخىرىدا، ئوتتۇرىدىكىسىغا كەلسەك...تورداشلار بۇ رەسىمنى پەقەتلا كۆرۈپ قويساڭلار بولدى، سېلىشتۇرۇشنىڭ ئورنى يوق.


يۇقىرىدا قىساسكارلار ئىتتىپاقىدىكى ئەر قەھرىمانلارنى دورىغان ئاياللارنى كۆرسىتىپ ئۆتتۇق.

ئەمدىكىسى بولسا ئايال قەھرىمانلارنى دورىغان ئەرلەر.

ئەر نۇسخىدىكى «قىزىل پېرىخون»

سول تەرەپتىكىسى بولسا كىرىشتۈرۈلگەن سۈرەت، سۈرەتتىكى كىشى بولسا «ئۆلۈم ئەترىتى» فىلىمىدە ھەزىلكەشنىڭ رولىنى ئالغان Jared Leto.

ئوتتۇرىدىكى كىشى قىزىل پېرىخوننى دورىدىم دەپ قىزىل كاستۇم كىيىپتۇ خالاس...

ئوڭ تەرەپتىكىسى ئوتتۇرىدىكىسىگە قارىغاندا خېلىلا قاملاشتۇرۇپتۇ، لېكىن چىرايى ئانچە ماس كەلمىگەندەك.

«قارا بويتاق يىگىت»

ئايال قەھرىمانلارنى دوراشقا توغرا كەلسە «قارا تۇل خوتۇن» چۈشۈپ قالسا قانداق بولىدۇ؟

سول تەرەپتىكىسى بولسا كىرىشتۈرۈلگەن سۈرەت، سۈرەتتىكىسى بولسا «خىسلەتلىك ئايال پالۋان» فىلىمىدە خىسلەتلىك ئايال پالۋاننىڭ ئوغۇل دوستىنىڭ رولىنى ئالغان Chris Pine.

ئوتتۇرىدىكى كىشى قارا تۇل خوتۇننى خېلى يامان ئەمەس دورىغان، لېكىن ئوڭ تەرەپتىكى بۇ كىشىنى قانداق تەسۋىرلەشنى بىلمەي قالدىم...

ئەر نۇسخىدىكى «گامورا»

گامورانى دورايدىغان ئەرلەرنىڭ سانىمۇ خېلى كۆپ.

مېنىڭچە يۇقىرىقى ئۈچ پارچە سۈرەتتە ئوڭ تەرەپتىكى ئەردىن باشقا ئىككىسىنىڭ دورىشى خېلى قاملاشقان.

سول تەرەپتىكىسى تېرىسىنى يېشىلغا بوياپ، ئارقا كۆرۈنۈشنى ئۆزگەرتكەن. بۇنىڭغا قارىغاندا ئوتتۇرىدىكى ئەر كىشى تېخىمۇ قاملاشتۇرغان، مەسىلەن، گامورانىڭ يۈزىدىكى سىزىقچە ۋە كىيىمى قاتارلىقلارنى ناھايىتى كەلتۈرۈپ دورىغان.

مەنبەسى: بۈگۈنكى مۇھىم خەۋەرلەر تورى خەۋىرى

باش سۈرەت تاللاش x
  • ئابدۇللاھ 121 ھەپتە ئىلگىرى

    ئاياللار رول ئالغىنى تېخىمۇ ئېسىل چىقىدىغان ئوخشايدۇ.بۇنداق گۈزەل ئاياللا رول ئالغان كىنونى كىنوخانىغا كىرىپ قايتا قايتا تۆت قىتىم كۆرىمەن

  • CR7خانمادرىد1 ھەپتە ئىلگىرى

    قارا بويتاق يىگىت ماگەپ خېلى يۈمرىستىككەن

  • Real Madrid cf1 ھەپتە ئىلگىرى

    ئاياللار چىقسا، بىلەت كىرمىنى يەنە بىر قاتلىۋەتكۈدەك،

  • ۋاپادىل☺1 ھەپتە ئىلگىرى

    ئۆمۈچۈك پالۋان، چاقماق ئىلاھى، خېلى ئوخشاپتۇ، ئامىرىكا كاپىيتانى، قىشلىق ئەسكەر دىگەنلەرمۇ يامان ئەمەس بوپتۇ، قالغانلىرى ماس كەلمەپتۇ

  • كاپىتان مارۋىل1 ھەپتە ئىلگىرى

    قىشتىكى جەڭچى بەك پەچەت چىقىپتۇ

  • ئاتا مىراس1 ھەپتە ئىلگىرى

    ئاياللار چقىسا قالتىس چىقامدۇ نىمە

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号