باش بەت

durdana

1500يوللانما
122مەستانە

«گۇمپا» فىلىمىدە چىققان بۇ ئارتىس ئەسلىدە كاتتا گۇمپا ئۇستازى ئىكەن

مەنبە:بۈگۈنكى مۇھىم خەۋەر يوللانغان ۋاقىت:2018-06-06 21:00 4 ئىنكاس چۈشتى

بۈگۈنكى مۇھىم خەۋەر تورى، نۇر تورى تەرجىمىسى:

نۇرغۇن ئادەم جوۋ شىڭچىنىڭ «گۇمپا» فىلىمى كۆرگەندە ھېلىقى خېنىم مىجەز تىككۈچىنى باشتا ناھايىتى ئاجىز، گۇمپا بىلمەيدۇ دەپ ئويلىغان، لېكىن پالتىچىلار گۇرۇھى بۆسۈپ كەلگەندە ئۇ بىلىكىدىكى تۆمۈر ھالقىلىرى بىلەن دۈشمەنلەرنىڭ ئېغىزىدىن قان قۇستۇرۇۋېتىدۇ. بۇ رولغا چىققۇچى شياڭگاڭلىق ئارتىس جاۋ جىلىڭ ئۇستاز.

جاۋ جىلىڭ گۇمپىچى ئائىلسىدە دۇنياغا كەلگەن بولۇپ، ئۇنىڭ دادىسى جاۋ جيېشى خۇاڭ فېيخوڭنىڭ شاگىرىتى لىن شىروڭدىن تەلىم ئالغان، ھەقىقىي گۇمپا ئۇستازى. دادىسىنىڭ تەسىرى بىلەن جاۋ جىلىڭ كىچىكىدىن گۇمپا مەشىق قىلىدۇ، نەچچە ئون يىلدىن كېيىن ئۇ «خوڭچۇەن مۇشتى ئۇستىسى» بولۇپ يېتىشىپ چىققان. «گۇمپا» فىلىمىدىكى تۆمۈر ھالقا مۇشتى دەل ئۇنىڭ ئەمەلىي بار بولغان گۇمپىسىدۇر.

ئۇ «خەلقئارا جاۋ جىلىڭ خوڭچۇەن مۇشتى ئىتتىپاقى» قۇرۇپ چىققان بولۇپ، دۇنيانىڭ ھەر قايسى جايلىرىدىن 200 مىڭدەك شاگىرىت ئالغان، ھازىرغىچە بۇ سان ئۈزلۈكسىز كۆپىيىۋېتىپتۇ.

بۇنىڭدىن باشقا جاۋ جىلىڭ يەنە «قارا بەلباغ» ژۇرنىلى باھالاپ چىققان «ئامېرىكىدىكى گۇمپىچى ئۇستىلار» تىزىملىكىدە لى شياۋلوڭ بىلەن بىر سەپكە كىرگەن.

ئالدىنقى ئەسىرنىڭ 70-80-يىللىرى شياڭگاڭ گۇمپا فىلىملىرى ئەڭ يۈكسەك پەللىگە چىققان ۋاقىتلار بولۇپ، ھەقىقىي گۇمپىسى بولغان جاۋ جىلىڭ باشتا گۇمپا فىلىملىرىنىڭ ھەرىكەت يېتەكچىسى ۋە ھەرىكەت مەسلىھەتچىسى بولغان، خوڭ جىنباۋ، چېڭلوڭ، جوۋ رۇنفا قاتارلىق كاتتا چولپانلار ھەممىسى ئۇنىڭدىن تەلىم ئالغان.

تاماشا ساھەسىگە كىرگەن ئىكەن، فىلىملەردە يۈز كۆرسىتىدىغان ئىشلار بولۇپ تۇرىدۇ، شۇڭا ئۇ شۇ دەۋردىكى خېلى كۆپ فىلىملەردە رول ئالغان.

نۇرغۇن كومېدىيە فىلىملىرىدە قىزىقارلىق ئوبرازلارنى ياراتقان. ئۇ ھەمىشە «جاۋ جىلىڭ گۇمپا سارىيىنىڭ مايكىسى» دەپ خەت بېسلىغان مايكىنى كىيىپ، ئۆز سالاھىيىتىنى نامايەن قىلغان.

ياشانغان ۋاقتىدا ئۇ جوۋ شىڭچى بىلەن كۆپ ھەمكارىلاشقان بولۇپ، «گۇمپا» دا نېمىشقا قوشۇمچە رولغا چىققانلىقى ھەققىدە سورالغاندا، ئۇ: «جوۋ شىڭچىنىڭ گۇمپىغا بولغان ئوتتەك قىزغىنلىقى مېنى تەسىرلەندۈردى» دېگەن.

جوۋ شىڭچى كومېدىيە شاھى بولۇپلا قالماي ئۇنىڭغا نىسبەتەن «گۇمپا مەستانىسى». جوۋ شىڭچى نۇرغۇن فىلىملىرىدە لى شياۋلوڭنىڭ ھەرىكىتىنى ئىشلەپ، ئۇنىڭغا ھۆرمەت بىلدۈرگەن. ئەينى ۋاقىتتا ئۇ گېرمانىيەدە فىلىم تەشۋىقاتى قىلغاندا ئۈچ گۇمپا بىلەنلا بەستلىك گېرمانىيەلىكنى يەر چىشلەتكەن.

«گۇمپا» فىلىمىدىن كېيىن جاۋ جىلىڭ يەنە «غەربكە ساياھەت:ئالۋاستىنى ئەل قىلىش» ۋە «سۇ پەرىسى» فىلىملىرىدە چىققان. گەرچە كۆرۈنۈش ناھايىتى ئاز بولسىمۇ لېكىن ئۇ جوۋ شىڭچى ئۈچۈن كىچىك رولغا چىقىشقا رازى بولغان. پەرىزىمىزچە «گۇمپا2» چىقىپ قالسا ئۇنى يەنە كۆرەلىشىمىز مۇمكىن.

گەرچە جاۋ جىلىڭنىڭ فىلىملەردە كۆرۈلۈش نىسبىتى تۆۋەن، لى شياۋلوڭ، چېڭلوڭ، لى ليەنجيې، جېن زىدەنلەردەك داڭلىق بولمىسىمۇ لېكىن ساھە ئىچىدە ئۇنى بىلىدىغانلار ھەممىسى ئۇنىڭغا قاتتىق ھۆرمەت قىلىدۇ. جاۋ جىلىڭ ئىزچىل جۇڭگو گۇمپىلىرىنى چەتئەلگە يۈزلەندۈرۈشكە ھەرىكەت قىلغۇچىلارنىڭ بىرى، بۇ تەرىپى ھەقىقەتەن ھۆرمەتلەشكە ئەرزىيدۇ.

باش سۈرەت تاللاش x
  • 186******501 ھەپتە ئىلگىرى

    چەكسىز ئۇپۇق نىڭ دىگەن كىنوسىنى كۆرگەن ،،پاينەك باش چىقىدۇ ،بەك كومىدىيىلىكئۇ كىنۇ

  • تەخسىر1 ھەپتە ئىلگىرى

    ئەمدى ئسىمگە كەلدى ۋاڭگى بىلەن ليۇگىنىڭ كىنوسىدا ساقچىخاندىكى ساقچىلارغا گۇمپا ئۈگىتىدىغان ھەممە ئشقا سەۋىر قىلىش كىرەك ئەتتىگەن ئورنىدىن تۇرغاندا سەۋىر قىلىش كىرەك مىنىڭ سەۋىر قاچام توشتى دىگەن شۇكەنغۇ،

  • JORDAN ...1 ھەپتە ئىلگىرى

    توۋا،،، ئەجدىھانىڭ ئۈچەككە كىرىشى دىسەك بولىدىكەن

  • FM3161 ھەپتە ئىلگىرى

    بۇ ئەدەم خىلى كۆپ فىلىمدە خېنىم مىجەز چىقىدۇ
    ئاخشاممۇ لېيۇ دې خۇا نىڭ بىر كىنوسىنى كۆرگەن شۇنىڭدىمۇ خېنىم مىجەز چىقىپتۇ ئەمما ئالامەت مۇشلۇشۇپ قويدىكەن لىيۇ در خۇانى بەك ئۇرۋەتتى ، تاياق يىسىمۇ كۈلۈپ تۇرۇپ ئاخىردا ئۇرۋالىدىكەن،

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号