باش بەت

جۈرئەت 358

958يوللانما
24مەستانە

ئارگېنتىنادىكى بولكىخانا خوجايىنلىرى شەھەر ئاھالىسىگە ھەقسىز 10 توننا بولكا تارقاتتى

مەنبە:تېڭشۈن تورى يوللانغان ۋاقىت:2018-06-08 09:45 4 ئىنكاس چۈشتى

تېڭشۈن تورى 7-ئىيۇن خەۋىرى، نۇر تورى تەرجىمىسى:

شۇ جاي ۋاقتى 6-ئاينىڭ 6-كۈنى، ئارگېنتىنانىڭ پايتەختى بۇئېنوس ئايرېس، شۇ جايدىكى نەچچە يۈز شەھەر ئاھالىسى بىر بولكا تارقىتىش ئورنىدا ئۆچرەتتە تۇرماقتا، شۇ كۈنى بولكىخانا خوجايىنلىرى ھەقسىز 10 توننا بولكا تارقاتقان. ئۇن باھاسى ئۆرلەپ كەتكەنلىكى ئۈچۈن بولكا ئارگېنتىنادا «قىممەتلىك بۇيۇم»غا ئايلانغان.

بەلگىلىمىگە ئاساسەن، ھەر بىر ئادەم ھەقسىز بىر كىلوگىرام بولكا ئالسا بولىدۇ، پائالىيەت بەش سائەت داۋاملاشقان، جەمئىي 10 توننا بولكا تارقاتقان.

پائالىيەتنى «غەرب بولكىچى سانائەت مەركىزى» ناملىق ئاپپارات ئۇيۇشتۇرغان، بولكىلارنى ئوخشاش بولمىغان بولكا دۇكىنىنىڭ خوجايىنلىرى تەمىنلىگەن. پائالىيەتنى ئۇيۇشتۇرغۇچى Javier Silva شەھەر ئاھالىلىرىنىڭ قىزغىنلىقىغا ھەيران قالغان، بۇنچە كۆپ ئادەم كېلىدىغانلىقىنى ئويلىمىغان ئىكەن.

Carolina Morales ئىسىملىك بىر ئائىلە ئايالى: «ئىلگىرى ئارگېنتىنادا ئەزەلدىن بۇنداق كۆرۈنۈشنى كۆرۈپ باقمىغان، شەھەر ئاھالىسى بولكا تىلەپ يەۋاتىدۇ، ئامال يوق، باھاسى ھەقىقەتەن بەك يۇقىرى بولۇپ كەتتى».

Castelar بولكىخانىسىنىڭ خوجايىنى: «ئۆتكەن ئالتە ئايدا ئۆسكەن ئۇننىڭ باھاسىغا سۇ، توك، گاز ھەققى قوشۇلۇپ، بۇرۇنقى باھادا بولكا ساتالمايدىغان بولۇپ قالدۇق» دېگەن.

ئىگىلىنىشچە، 2015-يىلى 12-ئايدا ئارگېنتىنانىڭ زۇڭتۇڭى ئاشلىق ئېكسپورت تاموژنا بېجىنى بىكار قىلغاندىن كېيىن، ئارگېنتىنانىڭ سىرتقا ئېكسپورت قىلىدىغان بۇغداينىڭ سېتىلىش مىقدارى %74 ئېشىپ كەتكەن. بۇ يىل 2-ئاينىڭ ئاخىرىدا بىر خالتا 50 كىلوگىراملىق ئۇننىڭ باھاسى 240 پېسو (تەخمىنەن 60 يۈەن خەلق پۇلىغا باراۋەر) بولغان، 6-ئايدا باھاسى ئۆرلەپ 800 پېسوغا (تەخمىنەن 205 يۈەن خەلق پۇلىغا باراۋەر) چىققان.

ئارگېنتىنانىڭ پايتەختى بوئېنوس ئايرېستا نۆۋەتتىكى بىر كىلوگىرام بولكىنىڭ باھاسى 60 پېسو (تەخمىنەن 15 يۈەن خەلق پۇلىغا باراۋەر)، بۇ يىل 2-ئايدىكى باھاسى بۇنىڭ يېرىمىغا تەڭ ئىدى. بولكا خوجايىنلىرى ئاغرىنىپ، بولكىنىڭ باھاسىنى داۋاملىق ئۆستۈرەلمەيدىغانلىقى، بۇنداق بولغاندا بولكىنى سېتىپ چىقىرالمايدىغانلىقىنى بىلدۈرگەن.

باش سۈرەت تاللاش x
  • ئالەم بىر سىر1 ھەپتە ئىلگىرى

    بىزنىڭكىدىن ئەرزانكەن بۇلار يوقۇرى پاراۋانلىق تۈزۈمگە كۆنۈپ قالغاچقا ئازراق قىيىنچىلىق بولسىلا چىدىيالماي قالىدىكەن ،

  • يۇلتۇز ،1 ھەپتە ئىلگىرى

    نىم بوپ كىتۋاتىدۇ دۇنيا ،ئەي دۇنيا ئاچارچىلىق بىلەن توشۇپ كىتەمدۇ نىمە ،شەھەر ئاھالىلەر بۇنداق بوپ كەتسە تۆۋەن مۇقامدىكى كىشلەر قانداق قىلىدۇ ،يىزىلاردىكلەر قانداق قىلدۇ ،

  • بارسېلونا1 ھەپتە ئىلگىرى

    جەنۇبى يېرىم شاردا سوغۇق بولۇشقا باشلاپتۇ ھەي بۇ يەردە تۇمۇر ئىسسىق يەرشارى ھەقىقەتەن گۈزەل پىلانت تېخى بەزىلەر ئالجىپ باشقا سەييارىغا كۆچىمىز دەيدىكەن

  • ئابدىقەيۇم1 ھەپتە ئىلگىرى

    ئانچە قىممەت ئەمەسكىنغۇ بىزمۇ 25كىلولۇق ئۇننى، 105كويغا ئىلىۋاتىمىز بوممىسا ئۇرۇمچىدە

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号