باش بەت

قەدرۇس65

1741يوللانما
36مەستانە

بۇ مۇراسىم كۆينىكىنىڭ پۇلىغا نەچچە يۈرۈش ئۆي كېلىدۇ

مەنبە:تېڭشۈن تورى يوللانغان ۋاقىت:2018-06-12 13:10 3 ئىنكاس چۈشتى

تېڭشۈن تورى 12-ئىيۇن خەۋىرى، نۇر تورى تەرجىمىسى:

«كۈندىلىك پوچتا گېزىتى»نىڭ خەۋىرىگە ئاساسلانغاندا، ئاۋستىرالىيەلىك داڭلىق ئۈنچە-مەرۋايىت لايىھەلىگۈچىسى بىلەن داڭلىق كىيىم-كېچەك لايىھەلىگۈچىسى ھەمكارلىشىپ قىممىتى بەش مىليون 230 مىڭ يۈەنلىك كېچىلىك مۇراسىم كىيىمى لايىھەلەپ چىقىپ، مودا-ئېقىم ساھەسىنىڭ يېڭى تارىخىنى ياراتتى. بۇ لايىھە «دۇنيادا كەم ئۇچرايدىغان مۇراسىم كىيىمى» دەپ تەرىپلەندى، لېكىن تورداشلار بۇ كىيىم قاراشقىلا ئىنتايىن ئادەتتىكىچىكەن دەپ قارىدى.

ئاۋستىرالىيەلىك داڭلىق ئۈنچە-مەرۋايىت لايىھەلىگۈچىسى مارگوت مەككىننېي (Margot McKinney) ئاۋستىرالىيەنىڭ كاسي (Kathy) قىممەتلىك ئۈنچە-مەرۋايىتى بىلەن بۇ مۇراسىم كىيىمىنى بېزىگەن. مەككىننېي: «بىز ئۇنىڭ دۇنيادا كەم ئۇچرايدىغان مۇراسىم كىيىمى ئىكەنلىكىگە ئىشىنىمىز. چۈنكى بۇ ئۈنچە-مەرۋايىتلار ئىنتايىن قىممەتلىك، يەنە كېلىپ قويۇلغان ئورنىمۇ ئىنتايىن مۇراپىق، شۇڭا بۇنى بىر مۇكەممەل لايىھە دېيىشكە بولىدۇ» دېدى.

بۇ مۇراسىم كىيىمىنى داڭلىق كىيىم-كېچەك لايىھەلىگۈچىسى CD گرېن (CD Greene) بىلەن مەككىننېي بىرلىشىپ لايىھەلىگەن، يىپەك رەخت ئىشلىتىلگەن.

لايىھەلىگۈچى بۇ مۇراسىم كىيىمىنى لايىھەلەشتە 50،60-يىللاردىكى مۇراسىم كىيىم لايىھەلەش ئۇسلۇبىنى ئۆرنەك قىلغان.

لايىھەلىگۈچىنىڭ دېيىشىچە، بۇنچە كۆپ قىممەتلىك ئۈنچە-مەرۋايىتنى مۇراسىم كىيىمىگە ئورۇنلاشتۇرۇش ئەزەلدىن كۆرۈلۈپ باقمىغان يېڭى ئۇسلۇب ئىكەن.

لېكىن بۇ مۇراسىم كىيىمى توردا زور غۇلغۇلا قوزغىدى. تورداشلار بەس-بەستە ئۆزىنىڭ كۆز قاراشلىرىنى ئوتتۇرىغا قويدى: «ئەمەلىيەتتە مەندە مۇشۇنداق مۇراسىم كىيىمىدىن تۆت يۈرۈش بار»، «ئىنتايىن ھەشەمەتلىك مۇراسىم كىيىمىكەن، لېكىن شۇ سەۋەبلىك نۇرغۇن ئويستېر قۇلۇلىسىنىڭ جېنىغا زامىن بولىمىز، شۇڭا بۇنىڭ كۆز-كۆز قىلغۇدەك يېرى يوق»، «قارىماققا ئەرزان باھالىق مۇراسىم كىيىمىگە ئوخشايدىكەن، مەن بۇنىڭ ئۈچۈن 82 دوللار(ئەسلى باھاسى 820 مىڭ ئامېرىكا دوللىرى) خەجلەشنىمۇ خالىمايمەن.»

باش سۈرەت تاللاش x
  • بوران 02276 كۈن ئىلگىرى

    ئۇف … رەختنىڭ ئۈستىگە تاش ئېسىپ قويۇپلا بىر پاتمان پۇلغا ساتىدىكەندە … ئالاھىدىرەك يېرىمۇ يوقكەن ، ئاددىيلىقى شۇنچىلىك ساپكەن، ئەمما پۇلىغا تۇشلۇق راۋۇرۇس پاسۇنى بولمىسا قانداق بولىدۇ …

  • يۇلتۇز ،1 ھەپتە ئىلگىرى

    نېمە دېگەن قوپال تىكىلگەن كىيىم بۇ؟نەدىمۇ داڭلىق لايىھىلىگۈچى لايىھەلىگەن كىيىم بولسۇن؟ئەينى يىللاردىكى سەيپۇڭ ئۇستاملارمۇ بۇنىڭدىن ياخشى تىكەتتى شاگىرتنىڭ قولىدىن چىققاندەكلا تىكىلگەن كىيىم ئىكەن بۇ.

  • چىن مېھىر1 ھەپتە ئىلگىرى

    ئۆز باھاسىدىن نەچچە ھەسسە قىممەتۈبويۇملارنىڭ قىممىتىنى ئاشۇرىدىغىنى پەقەتلا ئۇنىڭ مەرۋايىت ئالماسلىرى، گەرچە ئۇ تېلفۇن، ماشىنا بولسىمۇ ئوخشاش، باشقا ئۆزگىچىلىك يوق

ﺷﯩﻨﺠﺎﯓ ﺋﯘﻟﯩﻨﯩﺶ ﺗﻮﺭ ﺗﯧﺨﻨﯩﻜﺎ ﭼﻪﻛﻠﯩﻚ ﺷﯩﺮﻛﯩﺘﻰ ﺋﯧﻼﻥ ﺋﺎﻻﻗﻪ ﻧﯘﻣﯘﺭﻯ:13699999340 新疆连线网络有限公司版权所有
ﺗﻪﺷﻜﯩﻠﻰ ﺋﺎﭘﺎﺭﺍﺗﻼﺭ ﺋﯩﺠﺎﺯﻩﺗﻨﺎﻣﯩﺴﻰ : Email : ulinixcn@sina.com | 组织机构代码证:68646203 - 0
新ICP备14001103号-2增值电信业务经营许可证 新B2-20100001号
新公网安备 65010202000070号